Juan 21:7 - Dupade Uruode

⁷ Jecute Jesús acadigode jõrai uje Jesús chijnorapise chiraja Jesús gosi. Enga catecã́ri Pédro enga chojninga: –Yocangarádejnai a u, ¡jõ!– Uje Simón Pédro chudute dajõrai uruode uje ore angaráni Jesús u enga jĩraque chigui daguidé gaiminóri uje chejñu que, enga jĩraque tṍra re aja yodi enga doi jnacoi iji yodi gai aja Jesús yui.

Juan 21:7 Iomraidhean Croise

Sálmos 118:23

Pimanicho udojo ome Pangarádejnai, ga yitijagópisa udojo.

Márcos 11:3

Mu ujetiga uñeque catecã́ri uágome burica quedéjnarique gajneri ujetiga chojninga: "¿Gotique gu a uje uacajnáño?" Mu achajnáñoi uté gajneri ga ojnichome jne: "Yoquirósõri potapísa gu, mu a jĩrique chatirépo uacabai jne rĩ."–

Lúcas 12:35

Mu Jesús qué chacate ore ga chósi tome ore: –Yajéode u ujetiga oyo pirótigo ore uje ore chirote darósõri yui ujeta díji dejátique. Uje dimane ore apótigo ome uté yui.

Lúcas 2:11

Yojña omone u uje disabi basosi que iji dejai tuqué iji Belén, jnani bajai David idai. Enga uté u jne ujetiga uacaquetangóri tu. Enga yoquijnati Crísto upúsu, Yocangarádejnai.

Lúcas 7:47

Uje yirajapise uje chequé tuaté chingo dajnoraquédatéi tome yu gu uje chiraja uje e yĩro isijnaringué cuchábode. Mu ayorérique ujetiga garósi ijnoraquei tome yu ga imoi jé u ujetiga garósi isijnaringuéone úringáringo pĩrocho to.–

Juan 13:23

Jesús acadigode uñai déji Jesús ejoi iji ore atigabié mésa uje Jesús ijnorai u uté.

Juan 19:26

Enga Jesús acadigode uñai dépoji ore gari rĩ uje Jesús chijnorapise uté. Enga Jesús chimo uje uté déji daté ejoi. Jecute catecã́ri daté enga chojninga: –Chequé á, o babi iji uté.–

Juan 20:2

Jecute María Magdaléna jno ga chayopísaja Pédro jogadi, uje Jesús acadigode uñai déji to uje Jesús chijnorapise diríca. Enga uaté chojninga: –A ore jno Yocangarádejnai Jesús ajnoquéode údi enga ore chicháji sañeque. Enga que yirajágo jogatique.–

Juan 20:20

Uje chejna daruode udore guesi enga jé u uje chingo dajmanáyone aja ore. Enga chingopo ore ichajupídi ome ore rĩ, uje déji orotabidi. Enga ore irasique re uje ore chimo uje ore angaráni Jesús jé upúsu.

Juan 20:28

Jé u uje Tomás chojningame Jesús: ¡Yangaráni tu ua, enga yidupade upo ua rĩ!

Juan 21:20

Uje Pédro chiguísãre daquigade gai enga chimo uje Jesús acadigode uñai chajna ore to. Jesús acadi uté u uje Jesús chijnorapise. U to uje chácariji Jesús ejoi iji ore atigabié mésa enga catecã́ri Jesús ome guẽrasṍri gosi. Uje chojninga ica: "Yocangaráni á, ¿bẽrasṍri gosi te jne a?"

Juan 21:24

Enga ore erángani, Jesús acadi uté, u uyu. Uyu u to uje yurúsãre cucha dacadode udore iji darujna aoi udé. Enga yajo yu aja yurusarane uje jé ũrepíso. Enga que potigayaquérique déji uyoc uñeque ome cucha dacadode udojo úringane ũréo.

Juan 21:8

Mu Jesús acadigode uñane ore cháji cucoi ajei uje cucoi que idája yote quedéjnai pijnanai go. Uje a déji 100 métros. Enga ore doi enga ore chijocase cucoi aja yote quedéjnai pijnanai yui uje ore churuguse ore chímeno uje irágu ome oyídode iji cucoi dosadi.

Héchos 10:36

Jesucrísto u uje di Dupade uruode údi ome jnani bajai Israel ape disi ejode uyoque ujetiga pajesereringai chise yoque ome adode. Mu que gusu israélgosode uje yocangarádejnai u Jesucrísto mu uté gajneque erámi jnese, jecute jé tiógara ujetiga ore cho dangarádejnai iji to iji erámi údode.

Héchos 2:36

Pédro qué chacate ore enga chojninga: –Jecute yipota ujetiga israélgosode uaque jnese uacarajáyo uje Dupade ipesute uaquei Jesús úringai datocaite Crísto. Yojningai u Jesús uté uje uacajóyoja curesei ica. Enga e Dupade pésu uté to ujetiga ore cho dangarádejnai iji jnese.–

1 Coríntios 15:47

Yirajágo uje jnani bajai pipesudíji jnumi enga uniri tu jnumi. Jé basa ga yirajágo uje gateminore jnani ejoi tuté. Enga Yocangarádejnai u uté.

2 Coríntios 5:14

Que toc ujetiga ca yicoi Crísto áyipiedie quigode. Chamáñaje ijnoraquei uásejnapise ome yoque gu. Yirajagopise uje uté toi ome yoque jnese. Enga e yipatíorango uté jnese iji itoringai.

Santiágo 2:1

Yijorane uaque á, yiraja uje uacanguretáyo Yocangarádejnai Jesucrísto uje sué cuchade gáyode jnese. Jecute aracho uté aja adode. Enga jé ca angaráño uacasocáringome uacojode Dupade anguresóño ore, enga jé ore chojmarápise iji jnumi jnese ome uaque.