Juan 21:5 - Dupade Uruode

⁵ Mu Jesús tibite ore gai enga chojninga: –¡Jõ é! ¿Jé ca ajnicho oyítique é?– Enga ore chajnai uruode enga ore chojninga: –Úngare é.–

Juan 21:5 Iomraidhean Croise

1 Reyes 19:6

Ga Elı́as niji ga chimo uje pan quedéjnai déji pioi gueguerade gai iji datẽrasui, ga chimopo co tiji ejoi te rı̃ uje yodi déji ajei to. Ga jé u uje tagu pan quedéjnai uté, ga chójiapo yodi te rı̃. Ga udojo quigade uje Elı́as taque nanique ga jé tagápo dugudie gaté rı̃.

Sálmos 37:3

Be ga acha banguretigai aja Pangarádejnai uté, enga jecucha apésu cucha arégode. Ácariji bayaridi jnupe iji erámi udé ome báringai ũré ga a tijode cho jnángome ua jne.

Matéo 14:15

Mu uje e tota erámi enga Jesús acadigode ore tibágui enga ore chojningame: –Guedé uqué e chaca arĩa. Enga que ayorérique iguíjnarique cunguésõri yoquiyaridi tuné. Jé go que aroque ayorébui aja ore quitígo ujetiga ore doi oré tome dabotígo ome raque iji ore iguíjnane acorásedie iji daté.–

Márcos 8:7

Mu jé isocai tu ome oyítigo uje déji mu garósi. Ga doi ga catecã́ri Dupade bajaque. Ga jé u uje chisi ome dacadigode ujetiga ore chajuguína ayorébui ore to.

Filipénses 4:19

Enga yangureni Dupade a chosõre uaque to jne ome cuchade ujetiga qué chona uaque. Chamáñaje cuchade déji Dupade jnese gu iji gaté ujetiga chosõre yógome uje yanguretágo Jesucrísto.

Hebréos 13:5

Ajuso uaqueo ujetiga ca ajnóraño plátadie. Mu anínaño uágome uacaríjogonórone cucha. Uje Dupade jé urúo uje chojninga: "A yugúsi bari jne iji deréjnane jnese. Enga a ca yijíñapóme ua iji te jmete jne rĩ."

1 Juan 2:13

Jnanione uaque á, yurusarane gajnengórone u uaque to uje uacamóñopise Jesucrísto to nanique, uté uje jé jogate nanique iji erámi taningane. Jnacarode uaque á, yurusarane gajnengórone jé u uaque to uje uacajnuéño Satanás gai ome uacanguretigade. Yababode uaque á, yurusarane gajnengórone u uaque jnese to uje uaqueso Yocai Dupade to enga uacarajáyo uté to.

1 Juan 2:18

Yababode uaque á, e yugúcoji deréjna erueminórone. A e uacadúcho to jõ uje Crísto umajósõre cuchábi a di jne iji erámi eruei yúabi. Enga e uásejna Crísto uté guetésõre pimone iji deréjnane unojo. Jecute yirajágo uje e yugúcoji erámone eruei ejábi.