Juan 20:8 - Dupade Uruode

⁸ Quigade enga Pédro jõrai uje bajagája Jesús ode doi enga chacája ajei to. Enga uje uté chimo uje Jesús íjnonguiji ode enga jogadi u uje changureta Jesús úringai niriji iji pitoringai.

Juan 20:8 Iomraidhean Croise

Lúcas 16:31

Mu Abraham chojningame uté: "Úngare. Que isocai tu gotique. Ujetiga ca ore chise Moisés urusarane, Dupade uruode atatasórone ore unétique ga a jé ore gajnui tu ujetiga ca ore tangári deyasónique ayoré to ujetiga chiquetárase raja ore múñi iji dáringárique toque."–

Juan 1:50

Jesús chojningame uté: –Bangureta yu uje yingome ua uje yimo ua iji te iji poria uaté údi uje i tu higuéra. Mu a amópo yipesútedatérigo uñéngo jne rĩ uje sué udore gai.–

Juan 20:25

Mu uje Jesús acadigode uñane ore chise Tomás enga ore chojninga: –Yimongopise Yocangarádejnai ome yoquedodie que.– Mu Tomás chojninga: –Ujetiga ca yimo ojnaquérodie piedie iji jmanáyone ga yiji enga yijmare yijmané aja ojnaquérodie piedie enga yijmárapo yijmanai aja ore ichajupídi iji orotabidi enga que toc ujetiga yangureta.–

Juan 20:29

Jesús chojningame Tomás: –Tomás, bamo yu que, jecute bangureta yu. Mu a pininaquei jogadi upúsu ome udore ore jnese jne uje que ore chimo yu mu ore changureta yu.–

Juan 20:4

Enga Pédro, jõrai ore chayopise mu ibisoque jõrai, jecute bajagája Jesús ode.