Juan 20:5 - Dupade Uruode

⁵ Enga uté chajo raja jnumi enga tajirome Jesús ode. Chimo borapéode iji jnumi uje ore chigaru Jesús gai ome diríca. Mu que uté chacája ajei.

Juan 20:5 Iomraidhean Croise

Juan 11:44

Enga jé u uje jnani toi uté doi guesi iji dode. Enga guídade, jmainie ore chimeríji borapei údode. Adi jé u ome edodie, gatoi ore rĩ. Jesús chojninga: –Ejñúño borapéode iji údode. Jé dóji ga dique.–

Juan 19:40

Jecute José, Nicodémo ore cháta rágaja ñane uje ore jno Jesús cuérpo údi. Enga ore na Jesús cuérpo aja borapéode ajei uje arupachéo ome cucha ai unérone udore uje ore chimeríji ñane. Chamáñaje judíode ore isocabei u gu uje ore chijóchame togode.

Juan 20:11

Mu María que jno to go. Mu cháji guesi iji ode enga poji ejode. Mu uje qué po enga chajo raja jnumi enga chajire Jesús ode ajei.

Juan 20:4

Enga Pédro, jõrai ore chayopise mu ibisoque jõrai, jecute bajagája Jesús ode.

Juan 20:6

Mu Simón Pédro di to iji uté quigade. Mu Pédro u uje chacája Jesús ode ajei. Enga uté u to uje chimo Jesús iguidi casodé borapeque.