Juan 20:16 - Dupade Uruode

¹⁶ Mu uje Jesús catecãrápoi rĩ enga chojninga: –María.– Enga jĩraque María chajire daquigade enga catecã́ri Jesús ome judíode uruode enga chojninga: –¡Raboní!– Uje uruode udojo quigode u "ore acadisṍri" ome judíode arecujaidie.

Juan 20:16 Iomraidhean Croise

Génesis 22:1

Iji cuchade udojo quigade enga Dupade chojninga: "A yetingarape Abraham anguretigai úringai ũré ome yu jne." Enga jé u nanique uje catecã́ri Abraham enga chojninga: –¡Abraham á!– Enga Abraham chajnai uruode enga chojninga: –¡Yugúsiji de é!–

Génesis 45:12

E uacadúcho yuruode udore jnese, Benjamín uhuaque jnese. Jecute ujetiga yocai chotigase uacaruode ome yúringai ueca jne, enga ajóyo uágaja uje qué yiquecapise, enga yuru yuruode udojo uje yibijnángaidí tu yai, uaque.

Éxodo 3:4

Uje Pangarádejnai Dupade chimo uje Moisés chose uaté yui ga Dupade catecã́ri Moisés iji porabia uaté ajei. Chĩ́care Moisés i ga chojninga: –¡Moisés á! ¡Moisés á!– Ga Moisés que chiraja dacatecãraisṍri gosi mu chojninga: –¡Moisés uyu arĩa iji barosadi tudé!–

Éxodo 33:17

Ga Dupade chojningame Moisés: –A yiji baru quigode udore jne, enga a jecucha yijína uágaja tijode. Yiraja uje que ajuseque yuru quigode ome ua ga jecute yimesẽripise basocade udore jnese.–

Matéo 14:27

Mu Jesús chojningame ore: –Uyu u erĩ́e. Jé ca uacagutérigui cho jora.–

Márcos 10:51

Jecute Jesús catecã́ri enga chojninga: –¿Jé bajegaitique ujetiga yipésu ome ua?– Mu jnani edopari chojninga: –Ore acadisṍri á, cachi yajegaidi u ujetiga achẽre yedodie gáyode ga yimópo yajiritígo to rĩ.–

Lúcas 10:41

Mu Jesús chajnai uaté uruode ga chósi tome: –Márta, Márta, aya báyuguhebátigade, bedójnaringuéone ore ome bapesudode cucha udore jne.

Juan 1:38

Jecute Jesús chajire daquigade enga chimo ore enga chojninga: –¿Uacagaitique?– Enga ore chojninga: –Pacadisṍri á, ¿bajogatique déji rique?–

Juan 1:49

Jecute Natanael chojninga: –¡Yocacadisṍri á, e yiraja uje Dupade ape ua! ¡Israélgosode yoquijnati yoqueduguéjna cuchábi upo ua rĩ!–

Juan 10:3

Ujetiga áyasadie pié irodisṍri chimo áyasadie gachisṍri enga jé u uje chuchẽre piagoi gai ome ujetiga chacája ajei. Enga áyasadie chiraja dachisṍri pijnane. Enga uté chĩ́care áyasadie ore íode uje chijnime ore iji pié ajei.

Juan 11:28

Udojo quigade ga Márta chise dajõra María enga catecã́ri mu pógu daruode enga chojninga: –Yocacadisṍri de ti. Pota ujetiga chimo ua.–

Juan 13:13

Uacojnichome yu: "Yocacadisṍri á." Uacojnichopome yu rĩ: "Yocangarádejná." Enga jé tiógara ujetiga oyo uacacadisṍri iji yu. Enga oyópo uacangarádejnai iji yu rĩ. Chamáñaje uyu u gu.

Juan 20:28

Jé u uje Tomás chojningame Jesús: ¡Yangaráni tu ua, enga yidupade upo ua rĩ!

Juan 3:2

Dejaque uñai enga Nicodémo tibágui Jesús ujetiga catecã́ri. Enga chojninga: –Pacadisṍri á, yirajágo uje Dupade iroque ua aja de ujetiga acate yoque. Chamáñaje bapésu bapesútedatéode ome yoque gu. Ujetiga ca Dupade iroque ua enga a ca toguírasome ua ujetiga apésu cuchade udore.–

Juan 5:2

Ga ore esãrapié déji ore idai uté uje déji ore ujuyaquéode piago uñai ejoi. Enga ore chĩ́care áyasadie gajnei aja piagoi uté. Enga ore esãrapié imeñenie chejna yijmanai uje chaparu gai. Enga judíode ore ĩcarai u Betésda aja ore esãrapié uaté.

Juan 6:25

Uje ore chise yodi uté uéchai enga ore chise Jesús iji. Enga ore catecã́ri, ga ore chojningame: –Yocacadisṍri á, ¿jé basocárique ujetiga ese de?–

Héchos 10:3

Dire uñai uje guedé cho jñuque ga Cornélio chimo denominone. Dupade utocaidi gateminore chacája gari enga chiqueta raja. Enga Dupade utocaidi uté tibidi enga chojninga: –Cornélio á.–

Héchos 9:4

Enga Sáulo cṍraja jnumi enga chudute darade uje chojningame: –Sáulo á, Sáulo á. ¿Jé gotique gu a uje bo bamajo yu?–

1 Samuel 3:10

Ga jé u uje Dupade tibidápoi rĩ ga chojninga: –¡Samuel á! ¡Samuel á!– Samuel chojninga: –Acatecã́ri yu ga baroi uyu a yangári baru quitígo.–

1 Samuel 3:6

Ga Dupade tibidápoi Samuel gaté rĩ ga jé isoca uje chojninga: –¡Samuel á!– Ga Samuel jé ate uje tibágui Elí ga chojninga: –Yugúsi de arĩa. ¿Gotique babijnane ome yu?– Mu Elí jé ate uje chojninga: –Yababi á, que yibidi ua arĩa. Bo ga ajni ga amo to.–