Juan 2:19 - Dupade Uruode

¹⁹ Enga Jesús chajnai ore ga chojninga: –Yipesútedatéi u udé: acuráso Dupade iguíjnai udé mu a yimánapo rĩ iji dire gadiótigo.–

Juan 2:19 Iomraidhean Croise

Matéo 12:40

¿Ajnusináño jnani bajai Jonás a? uje guejnane dire gadioque, dejade gadiógapo rĩ iji oyite cuchábi ajei. Uje a jé isocai u jne ome Dupade utocaidi uyu uje a yejnatígo dire gadioque jne, dejátigo a gadiógapo jne rĩ iji yitoringai iji jnumi údi.–

Matéo 16:21

Deréjnai uté enga Jesús cho dacadigode quique gatuaque ome dagachodi yui. Enga chatatame ore uje Dupade ajéo ujetiga chicáji Jerusalén jne. Enga chojninga: –A yumajosórone u judíode ore eduguéjnane, ore asutépisedie ore, jé aja Moisés urusarane atatasórone. Udore a ore socaripísome yu jne. A ore chimate yu aja jnumi jne rĩ. Mu yejnatígo dire gadioque jne iji yigachotique. Enga a jé u jne ujetiga yiquecápo rĩ iji yitoringai.–

Matéo 27:40

Ore chojningápome rĩ: –Bojningápie diríca ya: "A yinguírarása Dupade iguíjna cuchábi uté aja jnumi, mu a yiringárapórase rĩ iji dire gadiótigo." Be gojni enga aqueta gojni ua ujetiga jé ũré enga Dupade abipise ua enga be jnumi iji curesei gai.–

Matéo 27:63

Enga ore chojningame Piláto: –Eduguéjná, yujnusinángo Jesús urupatáringa casodé uje chojninga diríca: "A yiquecápo jne rĩ iji dire gadiótigo."

Márcos 14:58

Ga ore chojninga: –Yudúco uté uruode diríca uje chojninga diríca: "Yi jne enga yĩro Dupade iguíjna cuchábi uté jne, jnanione uacora casica. Mu a yi jne enga yipésu aja gaté iji dire gadiótigo gajneri, mu gusu yu ome gajneri ujetiga yipésu. Enga a ca ayorérique cháta raja yu gotique jne ome uté ujetiga yipésu aja gaté."–

Márcos 15:29

Mu ayoréode ore uje ore chise Jesús tiógarei ga ore chujñieta gaté. Ga ore chijocase datoidie iji ga jé u uje ore chojningame: –Jé bajosigode ĩ́rique uje chiese ajnangarasirase Dupade iguíjna cuchábi diríca mu chiese a jé amánapo aja gaté rĩ iji dire gadiótigo.

Márcos 8:31

Jecute Jesús cho dacadigode quique ome dagachodi yui. Enga chojningame ore: –A Dupade utocaidi uyu a yejnárenguipísi jóroque ore josipiérigui jne ome yu. Ga yetésõredatéode upúsu judíode ore angaránone jne, jé aja Moisés uruode atatasórone ore to rĩ, jé aja sacerdóteode ore angaránone ore rĩ. Udojo a ore imanique yu aja jnumi dirome. Mu a chise dire gadiótigo iji yigachodi quigade ga jé u ujetiga yiquecápo rĩ iji yúringárique toque.–

Juan 11:25

Jecute Jesús chojninga: –Uyu u uje yiringare ore. Uyu upo rĩ uje yisi ome pucuecaringuei ome ore. Ujetiga gosi changureta yu, gosi a toi mu a ecápo jne rĩ.–

Juan 5:19

Enga Jesús chojningame ore: –Jé ũré yu uje yojninga: que togome Dupade Ujnacari uyu ujetiga yiji yajénique quitique. Mu yedu Yai ajéode. Enga cuchade jnese uje Yapade pésu, adi jé upo ome Ujnacari uyu rĩ ujetiga yipésu cuchade to.

Héchos 2:24

Mu Dupade chiquetápo Jesús rĩ enga que juéga jeta pitoringai sué gai. Chamáñaje que toc ujetiga pitoringai sué gai.

Héchos 2:32

Enga jé upúsu urusarane quigode uje Dupade e chiqueta datocaidi iji datoringai. Enga utocaidi uté jé upúsu Jesús. Enga imosórone u uyoque jnese enga yajógo yógaja uje jé ũrepise udore.

Héchos 3:15

Diga uacajéyo pucuecaringuei guẽrasṍri mu Dupade chiquetápo iji itoringai rĩ. Ga imosórone u yoque uje ecápo rĩ, enga jé yingongome uaque.

Héchos 3:26

Uje Dupade chiqueta dabi ga chiroque aja judíode uaque bajaque ujetiga uacagutíyamáite enga ujetiga ayáyo uacasijnaringuéone jnese.–

Héchos 6:14

Yudúco to uté uruode uje chiese nazarétgosi Jesús ucácasicá a chajningarase Dupade iguíjna cuchábi jne. Mu que gusu udore go, mu chiese Jesús ajegaidi tu to ujetiga yecãco yoquisocade ome Dupade enga yiyágo Moisés urusarane quigode uje Moisés chacate yógome nanique.–

Romános 4:24

Dupade uruode udore purusãracho ome uyoque to arı̃a. Yojningane u uyoque gosode jnese uje Dupade a cho ayoré ujñapetáguiji yoque jne. Uje chapuse udore ore jnese aja uje ore chicha danguretigai aja Uté uje chiringare Yocangarádejnai Jesús uté iji datoringai.

Romános 6:4

Jecute uje yipatíorango Crísto iji itoringai ome bautísmo uté uje garani tu Dupade, ga jé qui u to uje yipatíorango Crísto uté iji ode. Enga uje Jesucrísto Dai Dupade chiringarápo Jesús uté iji itoringai quigade rĩ ome detotiguei úringai ingoningarãque, enga yocadi jé u uté to uje yijínango Jesucrísto uté aja ĩrijíningai uté. Enga jé u uje quene yoquisocai cuse ujetiga yingarángo yocajesui ome yoquijmapié bajé isocai. Chamáñaje Dupade pésu ujetiga Jesucrísto, yitojmárango gu ujetiga yiquecágopo rĩ ome yocúringane icha.

Romános 8:11

A atoyoi jne, mu a piringarangápo uaque jne rĩ iji dirode uñeque, uje Dupade Ujopié Espíritu Sánto e déji uacajéode gu. Adi jé u Jesucrísto isocai uté nanique uje toi ome yoquisijnaringuéone ga Dupade chiringare uté nanique iji úringai toque ome Dajopié uaté. Ga Dupade a tagúome Dajopié uaté uje e déji uaque to jne ujetiga chiringare uacao ayoré toguébei iji uacáringane toque quigade.

1 Coríntios 15:12

Uacarajáyo uje yocacajnaquéode udore júdi u uje Crísto toi mu ecápo rĩ iji dáringai toque quigade. Jecute ¿gotique gu a? uje uacuñane chojninga: "Toque totique enga que qué pĩringarangápo aja gatérique rĩ."

Colosénses 2:12

Uje ore chaca uaquedodie iji yodi nanique, enga imoi tu uje uacanguretáyo Dupa Pujnuéngaisṍri uje chiringare Crísto iji itoringai nanique. Enga gajnui tu ujetiga uacapatíoraño Jesús iji ode. Enga gajnui tupo rĩ ujetiga jé ajínañopo aja gaté rĩ uje ecápo rĩ iji dode.

1 Pédro 3:18

Uacamóño uje Crísto toi ome yoquisijnaringuéone ga chojmarápise enga e gusu. Mu que tiógara dáringai pujuya nanique uje ate areque gu, mu cho daba sijnángone uyoque enga toi ome yoquisijnaringuéone. Gaidi tu gu ujetiga chinoningase yoque enga chijna yógaja Dupade jogadi. Yirajágo to uje Jesús aoi u uje toi nanique, mu Ujopié u uje chiringare aja gaté.