Juan 2:18 - Dupade Uruode

¹⁸ Uje judíode ore catecã́ri Jesús enga ore chojninga: –Angoma yoque bapesútedatérique ujetiga jé ũré ua enga Dupade utocaite ua aja jnumi uje bajócãre cucha peranone guẽrasórone ore iji Dupade iguíjnai udé ajei.–

Juan 2:18 Iomraidhean Croise

1 Reyes 13:3

Ga Dupade angúromei proféta uté qué jno datatagode údi iji diri uté uje chatata cucha pingongóningai ome ore. Enga uruode chósi te: –Cucha pingongóningai udé garani upúsu Pangarádejnai uté, enga chutṍri yu ujetiga yajnerame uruode ome uaque: Uje uacaserani udé gaserãte a chajuque dabai jne, ga arı́menguiji jnumi jne. Ga puchucurúode iji gai uje tṍraji uaquẽrapáidode cucha udore a pojnéngaja jnumi jne.–

Matéo 21:23

Enga Jesús chacája Dupade iguíjna cuchábi. Enga chacate ore iji. Mu judíode ore asutedie, jé aja ore angaránone uñéngo ore sose Jesús yui. Enga ore chojningame: –¿Uñeque iroque ua aja cuchade udore a uje bapésu? ¿Jé gosi guerané báringa dacasuté ome ua ya?–

Márcos 8:11

Enga fariséode uñéngo ore yore Jesús gai uje qué ore botare. Uje ore ajegaidi tu ujetiga Jesús chetingarape re ome ore, enga pésabu dapesútedatérique ome ore ujetiga tõramíji gaté ome ore. Uje ore ipotigádi u ujetiga ore chimópise ome dedodie ga jé urásu ujetiga chiese ore changuretarase uté to.

Lúcas 11:29

Mu ayoréode ore chamáta ñane aja Jesús ejode jnese ga oroné ore iji ejode. Enga jé u uje Jesús chacate ore ga chósi tome ore: –Ayoréode uaque iji deréjnane udojo ga, gajnarenguipíso uacadode. Ga uacapotigádi upúsu ujetiga amóñopise yipesutígo cuchadatéo. Mu a ca yujuéga jne jeta yingongara yipesútedatérigo aja uaque. Gusu ujetiga uacamóño yisocai jne uje jé u jnani bajai Jonás isocai to nanique.

Juan 1:19

Enga judíode ore eduguéjnane iji Jerusalén ore chiroque sacerdóteode, levíteode uñane aja Juan ujetiga ore chiraja úringárique ayoré.

Juan 1:25

Enga ore catecã́ri Juan gaté enga ore chojninga: –¿Gotique gu a uje baca ore edodie iji yodi? Ujetiga ca Crísto u ua enga ca Elías upo ua gotique rĩ. Jé aja ujetiga ca Dupade uruode atatasṍri upo ua rĩ uje yijnátugo diringai.–

Juan 6:30

Mu ore catecã́ri Jesús gaté enga ore chojningame: –Angoba yoque bajopiédaté ujetiga yimóngo enga jé u ujetiga yanguretágo ua. ¿Jé bapesutique jne ome yoque?–

Héchos 4:7

Ore chiroque darógode aja Pédro, Juan ore ujetiga ore doi ore. Uje e ore di ore údi enga ore chicha ore aja dajei. Enga ore catecã́ri ore enga ore chojninga: –¿Jé gosi iroque uágaja jnani noñai uje uacaquetáyo diríca? ¿Oyo ringome uje uacaquetáyo a?–

Héchos 5:28

–Yãrájo ome uaque diríca ujetiga acacho ore ome Jesús adode. Mu que angáchoi yoque gotique. Enga Jerusalén idaisórone ore íjnongaja uacacajnaquéode. Enga a aguhétayo yoquibai uje chiese yoquique Jesús.–