Juan 2:16 - Dupade Uruode

¹⁶ Enga Jesús chojningame udore ore uje ore tẽra cucujnadatéode: –Ajnicho udore. Boyo údi aja guesode. ¡Ca oyo cucha peranone iguíjnai iji Yapade iguíjnai!–

Juan 2:16 Iomraidhean Croise

Matéo 21:12

Jé u uje Jesús chacája Dupade iguíjna cuchábi iji Jerusalén. Mu que chise unétique uje ore tẽra cuchade iji. Jecute chijócãre udore ore iji uje ore tẽra cuchade iji ajei. Upo ore rĩ uje ore doi cuchade oredie. Enga chucuase jnanione agapíode uje ore doi oredie ome pláta quedéjnanie. Enga chucuásapo cucujúode guẽrasórone ore charipíode rĩ.

Matéo 21:13

Enga chojningame ore: –Uacarajáyo uje Dupade uruode chojninga: "Ujetiga uaque gosi chacája yiguíjnai enga, yiguíjnai gajnei tu ujetiga acatecãchoi yu iji." Mu uaque enga uacacáyoja gu ujetiga ẽcho cuchade iji enga uacaráñopo ñane rĩ ome uaqueranone oredie.–

Matéo 22:5

Mu ibidigode jnanío jé ate uje que ore pota yui. Uñai chĩ́care jetiga chicáji dajnepítique jnupe. Jé uñai qué tẽra deranone cucha.

Márcos 11:17

Enga Jesús chacate ore ga chósi tome udore ore: –Ore urusarane Dupade urúo déji uje quigode chósi te: "A yiguíjna cuchábi udé chise dáringárique ibijoque jne ome ducunirone jnese ujetiga ore gajneque ujetiga ore catecã́ri Dupade iji ajei." Mu oriechoquíode uaque, uacoyo uacacoyapídi iji Dupade iguíjna cuchábi udé, uje uacaráño uacojode ayoréo iji udé ome cuchade oredie udire.–

Lúcas 2:49

Mu Jesús chajnai daté uruode ga chojninga: –¿Gotique gu a uje uacacueyoi yu iji daté diríca? ¿Ga ca arajáyo a uje yijogadi tu yajnéone Yapade iroquéo gai iji iguíjnai tudé?–

Juan 10:29

Yai Dupade uté u uje guerané ore ome yu. Enga Yai u uje sué ore gáyode jnese. Jecute que toguipis ome uñeque rĩ ujetiga chijna uñáranguiji jmainie.

Juan 2:15

Uje Jesús chimo ore adode udore iji Dupade iguíjna cuchábi ajei enga pésu paójnane aja ñane enga chijna. Doi enga chijócãre ore aja guesi, jé aja ore gachidode tóro. Jé aja áyasadie. Enga tṍra pláta quedéjnanie guẽrasórone ore iplátadie aja jnumone enga chucuase mésadie to aja quedéjnane.

Juan 20:17

Enga María jĩraque chisa Jesús mu Jesús chojninga: –Arame yu. Chamáña gu uje cáma yicáji Yai jogadi iji gaté. Mu bo enga acáji yijorane ore enga angome ore jne uje a yicáji Yai Dupade jogadi jne. Mu que gusu Yai, mu uacai jé u to yoquidupade.–

Juan 5:17

Mu Jesús chajnai ore uruode enga chojninga: –Yapade adi jé u uje pésu cucha arégode iji dirode jnese. Yadi jé u uje yipésu cucha arégode to iji dirode jnese.–

Juan 8:49

Jé u uje Jesús chajnai ore uruode enga chojninga: –Que Satanás utocaitique déji yajénique go. Mu yucuegode u Yai úringárique picotaque. Mu que eso yipesudode unétique enga gajnui u ujetiga oyo cucha bisidéguiji yu.

1 Timotéo 6:5

Jecute que ore ibotaquéode eruénique cuse ome dojode ayoréo. Chamáñaje ore áyipiedie gajnarénguei gu. Jecute que ore chirajápo cucha uréone iji cucha tágode ujáningo. Chiese ore gaidode u Dupade adode, mu ore gaidi tupúsu dáringárique ayoré ataque. Jecute ajusípise beo ome jnanione ore jnese uje ore adode u udore. Enga angara baquigode ome ore.

2 Pédro 2:3

Jnanione udore ore gaidi tu gu ujetiga asíyo ore iji uacaplátadie uje ore chacate uágome dacajnaqué tágode. Mu a ca bisitique cuse ome udore ore uje Dupade a cho dajuñame ore jne. Uje dimane Dupade áyipiedie ome ore nanique ujetiga chujé ore jne.