Juan 2:12 - Dupade Uruode

¹² Udojo quigade ga Jesús chicáji ore idai uje i tu Capernaúm. Enga daté nóna to. Jé aja desade, acadigode ore. Mu dirode garósi ome ore iji ore idai Capernaúm.

Juan 2:12 Iomraidhean Croise

Matéo 11:23

A capernaúmgosode uaque, uacajoso ati uacaqui tu gaté jne. Mu que uacaqui u go. Uacaqui tu jnaropié. ¡Jé bioque ji! Ujetiga sodómagosode chimo yipesútedatéode uje yipésu iji uacajade, enga a jĩraque ore chécãrirase dadode nanique enga a qué ore idai jogadírase iji dirode unojo to.

Matéo 12:46

Jesús cáma chejna dacajnaquéode guesi mu daté, jorane ore di mu ore cháji guesi. Enga ore pota jeta ore catecã́ri Jesús.

Matéo 4:13

Chajmita darasade ore iji Nazaret. Mu diga chácariji ore idai Capernaúm uje déji gajño Galiléa pijnanai. Capernaúm uté idógosiji pachaminone Zabulón, Neftalí ore to.

Márcos 6:3

Cachi María, José ore ujnacari u uté arĩ́e uje poridie irábesṍre to. Enga Jacóbo, José, Júdas, Simón ore uyai u uté. Ga uté neronie déji udé to yoquidai, ga yocurása udire ore to.– Jecute ore popísaja Jesús uté enga que ore chise acajnaquéode unétique go.

Juan 2:2

Enga ore tibidi Jesús, jé aja acadigode ore to ujetiga ore cháta rágaja ore to iji ore ajñamini.

Juan 4:46

Udojo quigade enga Jesús chajni aja ore idai Caná uje déji ore uniri Galiléa. Uté u nanique uje Jesús chinoningase yodi enga nóña enga víno. Enga ore eduguéjna cuchábi iróquegatéi déji Caná uje abi ejnarétaguipíse iji ore idai Capernaúm.

Juan 6:17

E dejaque enga topiéjna erámi mu cáma Jesús cháta raja ore. Jecute ore chacája cucoi enga ore jnome yote quedéjnai uéchai uñai ujetiga ore chicáji ore idai Capernaúm.

1 Coríntios 9:5

Yajnei tupo rĩ ujetiga yacotéraque dérasiji yari ujetiga Dupade angureto goto enga uaté a nonarása yu to aja yiquitígo. Adi tu yujode Dupade irógode apóstol uñane uje ore acotedie nóna ore aja ore atatagode Dupade urúo iji erámone. Yojningane u Jesús jorane, Pédro ore.

Gálatas 1:19

Mu que yimo Pédro ujode Jesús irócho gotique. Gusu Yocangarádejnai desaguipísi u uje yimo to uje uté i u Jacóbo.