Juan 2:11 - Dupade Uruode

¹¹ Jesús pésu dapesútedaté bajai uté iji ore idai Caná iji ore uniri Galiléa, uje chécãre yodi enga nóña enga víno. Enga isocai u uje chingo dáringai cuchape aja ore. Jecute acadigode ore changuretapise to.

Juan 2:11 Iomraidhean Croise

1 Reyes 17:24

Enga chequé uaté chajnai Elı́as uté uruode enga chojninga: –Quene báringai Dupade iroque pijóguipı́some uyu. Ga que potigayaquérique déji yu ome baruode úringane ũréo, uje udore garani tupúsu Pangarádejnai uté.–

Sálmos 72:19

Jé tiógarapísa uté i ingoningarãi uté úringai picotaque iji deréjna pitade gatuac, tuaque. ¡Yipésupú ga irágupúsurásu erámi údode jnese ome uté ingoningájnai uté jõ! ¡Jé qui tu Amén!

Sálmos 96:3

Atatayo uté ingoningájnai iji punirone udore ujade, ga ajuyo uté ipesute pitijabádode udore ore iji erámi unirisórone ore ujade jnese iji erámone.

Éxodo 14:31

Uje Israel ájnape disi ejode ore chimo damajósõri casodé egíptogose ore iji yodi ica gáyode ga quene ore jnusina uje Dupade u uje ujopíerãque ga sué cuchade gáyode jnese. Jecute ore cho chíguiji jnumi uje ore tijapísa uje Dupade chiqueta ore, mu chejna ore umajósõri casodé. Ga jé u uje ore doi ga ore changureta Dupade gaté ome damone Dupade acho, ga que ore chietáyime Moisés júdode Dupade urúo gotique rĩ.

Éxodo 4:9

Mu Dupade chojningame Moisés: –Jetiga jé ca ore timíninga ua ome basoca gárode udore jne, enga bo jne enga acáji tié cuchabé enga aro yodi ome bajóraque jne enga ójneja cajnóningárique jne iji udore ore ajénique jne, enga a nóña ga piyojna jne.–

Juan 1:14

Enga Dupade áyipiedie pijogúsõri pésu re enga cho erámi unirísõri iji re to nanique. Enga déji yocujade nanique iji erámi udé. Enga chijnorapise yoque. Enga ũrepísei arecujaidie. Yimóngo ingoningájnai. Enga cuchadaté ingoningájnai uje Dupade ape ugurui u uté gu.

Juan 1:17

Yirajágo uje Moisés di Dupade iroquéode údi iji darasade ore nanique. Yirajágopo rĩ uje Jesucrísto iringuío dai Dupade ijnoraquei údi ome yoque. Enga e yirajágo cucha uréone gu Jesucrísto.

Juan 1:43

Dire uñai enga Jesús pota chicai ore uniri uje i tu Galiléa mu tuangóa jnacari uje i u Felipe. Enga chojninga: –Felipe á, ajína yu to.–

Juan 1:50

Jesús chojningame uté: –Bangureta yu uje yingome ua uje yimo ua iji te iji poria uaté údi uje i tu higuéra. Mu a amópo yipesútedatérigo uñéngo jne rĩ uje sué udore gai.–

Juan 10:41

Enga uásejna ayoréode uje ore chise Jesús iji charidi ga ore chojningame ñane: –Que Juan casica pésu dapesute cucha pitijabate ica mu chacate yoque ica ome Jesús uté adode enga jé ũrepíso acajnaquéode quigode.–

Juan 11:15

Mu Jesús chojninga: –Jé areguipise ome uyu uje que yugúsi to uje Lázaro toi. Uje ueradi tu ome uaque ujetiga amóño yipesútedatérique gajneri enga jogadi u ujetiga anguretáyo yu.– Enga chojningápo rĩ: –Bo yico enga yibájoi.–

Juan 11:47

Jecute fariséode, sacerdóteode eduguéjnane ore cháta rágaja ore angaranipísode. Enga ore chojninga: –¿Jé yoco ringome jne a ome jnani uté ome ipesudode cucha pitijabácho? Uje e uásejna ipesudode udore cucha.

Juan 12:18

Jecute ayoréode ore chachai Jesús iji garani. Chamáña gu uje ore chudute ipesute cuchadatei ujnomei.

Juan 12:37

Jesús ipesútedatéode cucha pitijabácho jiei iji ore ujade ujetiga ore changureta marínga, que ore chise unétique.

Juan 12:41

Jnani bajai Isaías urúo udore gu uje chimo Jesús ingoningájnai nanique enga uruode udore júdi u Jesús.

Juan 14:13

Cuchade jnese ujetiga atáyoji Dupade gu uacanguretigai iji yi enga a yipésu ome uaque jne. Uje yigaidi u gu ujetiga Dupade Abi uyu yingo Yai ingoningájnai aja uaque.

Juan 16:27

Chamáñaje Yai Dupade chijnorapise uaque gu uacajnoraquei ome yu. Chijnóra uaque to uje uacanguretáyo uje yarani u Dupade.

Juan 16:30

E yirajágo uje baraja cuchade jnese. Uje cáma picatecãraite ua ome cuchade mu e batata quigode. Jecute yanguretágo ua uje barani tu Dupade.–

Juan 2:1

Uje dirode gadioque iji udojo quigade enga ore pésu dajñamini iji ore idai uje i tu Caná uje déji ore uniri Galiléa. Jnacari, gapua ore chisa ñane iji gu. Enga Jesús daté déji ore gari to.

Juan 2:23

Uje Jesús déji Jerusalén iji judíode jnusinamánone dire uje i tu Páscua enga uásejna ore uje ore changureta. Ore chimo ipesútedatéode nanique gu ome úringai Dupade utocaite.

Juan 3:2

Dejaque uñai enga Nicodémo tibágui Jesús ujetiga catecã́ri. Enga chojninga: –Pacadisṍri á, yirajágo uje Dupade iroque ua aja de ujetiga acate yoque. Chamáñaje bapésu bapesútedatéode ome yoque gu. Ujetiga ca Dupade iroque ua enga a ca toguírasome ua ujetiga apésu cuchade udore.–

Juan 4:3

Uje Jesús chiraja uje fariséode ore chetaque adode enga jnoji ore uniri Judéa enga chajnésaru aja daniri Galiléa.

Juan 4:46

Udojo quigade enga Jesús chajni aja ore idai Caná uje déji ore uniri Galiléa. Uté u nanique uje Jesús chinoningase yodi enga nóña enga víno. Enga ore eduguéjna cuchábi iróquegatéi déji Caná uje abi ejnarétaguipíse iji ore idai Capernaúm.

Juan 4:54

Jesús ipesútedaté ejoi u udé uje jnoji Judéa enga chicáji Galiléa.

Juan 5:23

Yai Dupade áyipiedie u ome erámi unirisórone jnese ujetiga ore cho dangaráni iji dajnacari uyu. Adi jé u to uje ore cho dangaráni iji yai Dupade. Ujetiga gosi ca cho dangaráni iji Dupade Ujnacari uyu, enga que cho dangaráni iji yirósõri Dupade to.

Juan 6:14

Uje ayoréode ore chimo Jesús ipesútedatéi uté enga ore chojninga: –Jé ũré uje Dupade uruode atatasṍri u uté ujetiga di iji jnumone udojo.–

Juan 6:2

Uásejna ayoréode ore uje ore chajna Jesús. Chamáña gu uje ore chimo ipesudode cucha pitijabácho gu uje chiqueta ejnaretade.

Juan 6:26

Mu Jesús chajnai ore uruode enga chojninga: –Jé ũrepise yu ome yuruode: uacacueyoi yu gu ome yipesútedaté casé uje uacacho yeranone arurécho diríca enga uacãretáyo uacacadie iji diríca. Mu que arajáyo quigode gotique yipesútedatéode ome uaque.

Juan 6:30

Mu ore catecã́ri Jesús gaté enga ore chojningame: –Angoba yoque bajopiédaté ujetiga yimóngo enga jé u ujetiga yanguretágo ua. ¿Jé bapesutique jne ome yoque?–

Juan 7:31

Mu uásejna ore iji ayorébui ujade uje ore changureta Jesús úringai Crísto. Enga ore chojninga: –A ca toque jne ujetiga uñeque cuse ujetiga sué uté gai ome uté ipesudode cuchadatéo.–

Juan 9:16

Mu fariséode ore chajuque uñane ajéode uje uñane ore chojninga: –Que toc ujetiga jnani uté iquetasṍri tṍraji Dupade. Sijnaque uté uje pésu dapesudode iji dire puyai.– Jé basa uñane ore chojninga: –¿Ja toguírase ome ayoré sijnátique ujetiga cho uté ome ipesútedatéode?–

2 Coríntios 3:18

Jecute uje e yanguretágo Jesucrísto ga e que chopo rĩ ujetiga qué yacógo borapei tuté yoquedodie yui gai. Mu yocajnui tu ajicarani uje obiréjna Yocangarádejnai ingoningájnai tiji yoque. Jecute Yocangarádejnai uté jé chosi dangoningájnai tiji yoquíode iji dirode jnese. Jecute uté ingoningájnai chise yoque ga jé yoco uté ome ingoningájnai. Enga que yoquipesute udore go, mu Yocangarádejnai uje Dupade Ujopié jé upúsu uté ipesucho udore ome yoque.

2 Coríntios 4:17

Yirajágo uje pirarã́itigade chise yoque iji jnumi tudé mu jĩraque jnopo rĩ, jnopo rĩ iji yoque. Mu ujetiga yimáco yógaja udore uéchai ga yocajneque cucha eyúgojmane iji Dupade idai ueradéjnai tuté. Enga yocucuecaringuei tuté a suépise yocucuecaringueque baja casé iji jnumi tudé.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

1 Juan 5:13

Yurusarane unojo gajnengórone u uaque uje uacanguretáyo Dupade Abi, ujetiga arajáyo to uje Dupade guerani pucuecaringué gajnengórone u uaque iji deréjnane jnese.