Juan 2:10 - Dupade Uruode

¹⁰ Enga chojningame: –Jé bajosigode ĩ́rique uje quene basi ome víno uneréjnai ome yoque. Uje que pisocai uté go iji pajñaminone iji deréjnane. Uje jecucha ore chisi ome víno uneréjnai ome yoque bajaque. Enga uje ore ibidigode uyoque subudé yóguiji enga ore chisi ome víno gajnarei ome yoque.–

Juan 2:10 Iomraidhean Croise

Génesis 43:34

Enga José uyade jé ore posode u José posode to uje déji uté atigabié mésa gai. Mu chĩretápise Benjamín gajné ga suépise uyade ore gajnéone gai. Enga José uyade ore chójiapo José jopidé jnese, enga quigade enga José, uyade, desai ore nína ñane jnese.

Sálmos 104:15

Ga ore acaque uña uje i tu úva, adie otadi u uje pésu ore itijínaquéode iji ore ucuecaringuei; jé basa ga aceite u uje pésu udore ore enochai ga cho nánga, nánga; jé basa ga arureque pibosode udore u uje chisíome petotiguei ome dagunorone udore.

Matéo 24:49

Jé u uje chanire dojode irócho aja quedéjnane. Enga nóna yote pioi yugode jnanío aja quedéjnane. Chacásõrapo ore rĩ aja quedéjnane.

Lúcas 12:45

Mu ujetiga uté gosi iróquegatérique que áyipieraque déji uraque darósõri diringárique yui ga chojninga iji dajei: "Yirósõri a ca di míraque jne arĩ́e." Jecute que chañuru dojode piroque ore guio gotique iji uraque darósõri quigade. Enga doi oredie ome cucha pibosode, jé aja yote pioi to enga yote pioi chujé iji dirode jnese.

Lúcas 16:25

Mu Abraham chojningame: "Yababi á, ajnusinapísa to uje báringa casica ayoré ga que cuchárique chonapísa ua ica. Jé basa Lázaro udé ga que chise dajóningárique ica. Mu quene Lázaro udé chise dáringai posõraque iji de. Jé basa ua ga bo ducujuyai que.

Héchos 2:15

Uacoyo yote pioi yúguiji yoque mu que yote pioi yuque yoque go, uje qué durasape.

1 Coríntios 11:21

Uje e uacachórasu mu que arocho ñane gotique. Mu uacapótayo ujetiga bajaque uac ome cucha pibosode udore. Enga uacangaráño uacabosode ome uacojode Dupade anguresõre uñane. Jecute chaguhei qué chejna uñane. Jé basa yote pioi yuque uñane.

Efésios 5:18

Jé ca ũruso uágome vínoi, yote pioque ponáyone udore jnese, yijorane uaque á. Chamáñaje yote pioi yugode ijocayato tu dajodé uaté, enga ore ũrusoringuéone chiborátaja pisoca noñaque ponáyone jnese uje pajegátigai gose pisocade udore. Jé basa ga eduyo ajuécho uágome Dupade Ujopié Espíritu Sánto uaté, ujetiga uaté u uje chĩreta uacáyipiedie ome dajequigode cucha enga chijocase uaque gatuaque.

1 Tesalonicénses 5:7

Yirajágo uje mongone ore gajnei tu dejai jeta ore moji. Yote pioi josórone ore gajnei tupo dejai te rĩ ujeta chujé ore iji.

Apocalípsis 17:2

Enga erámone jogosórone ore eduguéjnane jnese ore cháta raja chequé tuaté ome unganingane. Enga jé chopo erámone unirisórone ore rĩ. Ore chirate chequé tuaté aja isoca gajnaréngone to, enga ore gajnúone u yote pioi yugode uje que ore chiraja cuchárique eruénique ome re.–

Apocalípsis 17:6

Enga jĩraque yiraja uje uaté cho yote pioi yuguedie. Mu que yote pioi yugué uaté go, mu uaté ũrusoringuei tṍraji Dupade urasade iyojnanie ome. Chamáñaje uaté yugode jiei gu iji Dupade urasade ore, jé iji Jesús adode atatasórone ore. Enga uje yiraja uaté adode udore, enga chajuguipise yaguté.