Juan 19:9 - Dupade Uruode

⁹ Jecute Piláto chacapója daguíjna cuchábi te rĩ enga catecãrápoi Jesús rĩ enga chojninga: –¿Banínique jé déji rique a?– Mu Jesús que chajnai uruode.

Juan 19:9 Iomraidhean Croise

Isaías 53:7

Uje ore cho damitiguéome uté mu que chajire ore yúrique caru gotique. Ga que chuchẽrápo dabijnani gai gotique rĩ jeta narare damánique. Ga ore jno údi, ga gajnua jé upúsu áyasa chuguéraque ome áyasadie yungóremétique. Ga uté jé cho udiji uje etéquetí cho cheme ome desórone. Uje jé chopise áyasadie uje chácariji dayaridi ga cho paraque iji uje ore chuju ojoi iji gai, mu cho paráguiji ore jmainie.

Matéo 26:63

Mu Jesús jé que cho chimíñimi go. Jé u uje judíode eduguéjna cuchábi chojningame: –Ujetiga ũré ua enga bangureni jé u Dupa uecai, enga baru ũréningo pijoque. Ãrarare. ¿Dupade utocaidi Crísto jé u ua ya?–

Matéo 27:27

Jé u uje eduguéjna cuchábi irógode soldácho ore jno Jesús údi aja Piláto igóchocoijná enga ore chamáta ñane iji Jesús ejode jnese.

Lúcas 23:9

Heródes catecã́ri jóroque Jesús ome cuchade, mu que Jesús chajnai gotique.

Juan 18:28

Uje Caifás chejna dajiritigade ome Jesús ga ore jnopo údi rĩ aja eduguéjnai uñai iguíjna cuchábi uje rómagosode ore eduguéjna cuchábi ichajapite uté aja charidi. Enga e idógosi diri. Que togome Jesús oisórone judío ujetiga ore nóna Jesús aja eduguéjna cuchábi iguíjnai ajei. Chamáñaje purása quedéjna eduguéjnai uté gu enga ore todo dáringáringo puyaque yui. Jecute que ore chacája ajei to. Ore chiraja gu uje a ca togome ore ujetiga ore tagu ore jnusinamáni dire uje i tu Páscua gajnéone cucha ujetiga puyac ore.

Juan 18:33

Ore eduguéjna cuchábi Piláto chacapója daguíjna cuchábi rĩ. Enga tibidi Jesús aja re enga catecã́ri. Enga chojninga: –¿Judíode ore eduguéjna cuchábi tu ua ya?–

Juan 18:34

Mu Jesús chajnai uruode enga chojninga: –¿Jé ũré uje uhua upúsu uje bapota baraja udore a? ¿Jeoga yurasade judío uñeque uru quitígo ome ua ya?–

Juan 18:37

Jecute Piláto catecãrápoi rĩ ga chojninga: –¿Jé ũré ua ya ome báringai eduguéjna cuchape?– Enga Jesús chojninga: –Ejẽ́. Jé ũré baruode uje eduguéjna yu. Mu yibase nanique gu ujetiga yingo cucha uréone ome erámi unirisórone ore. Enga cucha uréone ijnorasórone ore jnese tangári yacajnaquéode quigode.–

Juan 19:10

Uje Jesús que chajnai Piláto uruode enga Piláto chojninga: –¿Ja ca ajéngome yu a? Uje que achajnai yuruode. ¿Jé ca araja to a? uje yajnei u ujetiga yiroque ua aja ujetiga ore chajo ua aja curesérique. Enga yajnei upo rĩ ujetiga yirame ua.–

Juan 19:8

Piláto aguté cho jora iji taningai mu uje chudute uje Jesús cho Dupade iji re enga todo gaté.

Juan 8:14

Mu Jesús chojninga: –Jé ũré yu erĩ́e. Yĩrarare yibai mu que cucha bisidécho yuruode go. Chamáñaje yiraja yarani. Enga yiraja yiqui te rĩ. Enga que cucha bisidécho yarani, yiqui ore. Mu que arajáyo yarani enga que arajayópo yiqui rĩ.–

Filipénses 1:28

Enga ca amóño pisadodéringárique ome uacamajosórone ore. Chamáñaje ujetiga ore chimo uacacasitigai enga a jĩraque ore chiraja jne uje Dupade iquetade a u uaque jne, jé basa ore quique obiréjnai a u Dupade ujuyaquei jne.

Juéces 13:6

Udojo quigade ga chequé tibágui dabai ga chatata deyasṍri gaté unirísõre adode ome abai uté ga chojningame: "Jnanírique tibágui yu que uje chatata Dupade uruode ome yu ga yangaripísi uté uru quigode ome yu que. A gaté unirísõripíse ome yajéode, mu que yicatecã́ri ome írique jeta tṍraji rique. Enga que chatatapo déringome yu que rĩ jeta tṍraji rique.