Juan 19:4 - Dupade Uruode

⁴ Piláto dopoi guesi te rĩ enga catecã́ri judíode ore enga chojninga: –A yijnime uaquetei Jesús jne enga a yicháji uacaquei ujetiga ajicho. Mu yipota ujetiga arajáyo uje que yirajapise bárique.–

Juan 19:4 Iomraidhean Croise

Matéo 27:19

Uje qué Piláto déji dayaripi gai uje qué chirote ayorébui ore ajéningo, enga acoté chiroque daruode aja uje chojningame: –Ca báyipieraque gajnaréngaja uté to. Uje que bárique cuse. Yĩ́cara que gu enga yurigode gajnaréchome que.–

Matéo 27:24

Mu Piláto chiraja uje que chijnime ayorébui ãrírique ome Jesús, enga e todópo rĩ ujetiga diga ca chiraja dasocáringome ayorébui atique. Jecute churu dajmainie iji ayorébui ore iquei jnese. Enga chojningame ore: –¿Amóño a? uje yuru yijmainie iji uacaquei. Qui tu gu uje que yajéo uté úringai chuque uje que yiraja bárique cucha gu. A oyo uacaba uté jne.–

Matéo 27:4

Jé u uje chojningame ore: –Yirajapise yúringai sijnaque. Chamáñaje yerani casé jnani ome uaque que tiógara dáringárique chuque go. Uje que bárique cuse.– Mu ore chojningame: –Que cucha ome yoque go. Jé bapesudei bajuredie.–

Matéo 27:54

Uje Jesús irodingórone soldácho, jé aja ore eduguéjnai, ore chimo jnupe tãrarachui, cucha dacate uñane ore, enga que ore isadodéringai chajire re. Jecute ore chojninga: –A jé ũrepise enga Dupade ape jnani uté gotique.–

Lúcas 23:4

Enga jé u uje Piláto chojningame judíode ore eduguéjna cuchábode ore: –Que yisípise jnani tuté bárique gotique jõ.–

Lúcas 23:41

Yirajágo uje que ore chujé yoque bisideque go. Mu ore chiraja yoquibade cucha. Jecute yocajnenguíraso ore ujuyaquéode udore. Mu jé basa ga jnani tuté iji yocujai, que bárique cusipise mu jé ore chujé bisideque to.–

Lúcas 23:47

Uje soldádode ore eduguéjnai rómagotique pañaji Jesús adode udojo ga jec u uje tija Dupade ga chósi tome: –¡A jé ũrepise uje jnani ujñapetaque uté jõ!–

Juan 18:33

Ore eduguéjna cuchábi Piláto chacapója daguíjna cuchábi rĩ. Enga tibidi Jesús aja re enga catecã́ri. Enga chojninga: –¿Judíode ore eduguéjna cuchábi tu ua ya?–

Juan 18:38

Piláto chojninga: –¿Gotique a cucha uréone quigode?– Uje Piláto chejna daruode udore guesi enga dopoi guesi te rĩ ujetiga catecã́ri judíode ore, enga chojningame ore: –Que yiraja jnani uté bárique cucha.

Juan 19:6

Uje sacerdóteode eduguéjnane, Dupade iguíjna cuchábi irodisórone ore chimo Jesús enga ore tibite enga ore chigotája daruode enga ore chojninga: –¡Ajo uté aja curesei gai! ¡Ajo uté aja curesei gai!– Mu Piláto chojninga: –Boyo údi enga ajóyo aja curesei. Chamáña gu uje que yirajapise uté iyoguérique gu.–

2 Coríntios 5:21

Yirajágo uje Crísto que pésu cucha gajnarétique nanique. Mu Dupade cho ayoré sijnánguiji uté nanique. Gaidi u gu ujetiga cho daba yoquisijnaringuéone. Jecute uje yanguretágo Crísto ga yocúringáringo omío a u jne iji quigade. Chamáñaje Dupade potapísa yocúringáringo omipíso ome re gu.

Hebréos 7:26

Jecute Jesús jé upúsu yocucuei pangarate cuchape ujetiga catecã́ri Dupade ome yoque. Uje ueque gu ome cucha gajnaréngone, pisijnaringuéone ore jnese. Enga Dupade e cãra jogadi ome pisijnaringuéone ipesusórone ore jnese. Enga uté jogadi jé upúsu Dupade gari iji guéode uéchai.

1 Pédro 1:19

Mu Jesucrísto gaite oré uacáringane piquetaque uje chojne ome dayoi ome yoque. Enga Dupade cho cucha orerã́quedatéi iji Jesucrísto iyoi. Enga Jesucrísto gajnua tu áyasa uje ueradéjna enga que iyoguérique cuse, uje jnani bajade ore tẽrája Dupade nanique ome ore isijnaringuéone.

1 Pédro 2:22

Crísto que pésu pisijnaringuérique nanique go. Enga que paringaquérique dépoji ome uñeque rĩ.

1 Pédro 3:18

Uacamóño uje Crísto toi ome yoquisijnaringuéone ga chojmarápise enga e gusu. Mu que tiógara dáringai pujuya nanique uje ate areque gu, mu cho daba sijnángone uyoque enga toi ome yoquisijnaringuéone. Gaidi tu gu ujetiga chinoningase yoque enga chijna yógaja Dupade jogadi. Yirajágo to uje Jesús aoi u uje toi nanique, mu Ujopié u uje chiringare aja gaté.

1 Juan 3:5

E uacarajáyo uje Jesucrísto chise erámone nanique gu ujetiga chĩro yoquisijnaringuéone. Uje que pisijnaringuei unátaque déji uté.