Juan 19:36 - Dupade Uruode

³⁶ Jesús gajnéone cucha dacacho udore tocade gu ujetiga ore urusarane Dupade urúo chise dáringáringo tocachucho to. Uje quigode u uje chósi te: "A ca pimocherãque uté ajnoquéode uñeque jne."

Juan 19:36 Iomraidhean Croise

2 Reyes 15:12

Uje Zacarı́as basája dáringai eduguéjna ome israélgosode ga jé u uje Pangarádejnai uru cásodicáite chise dáringane tocachucho uje chingome Zacarı́as dáqui casicaite Jehú nanique. Uje chósi tome Jehú uté: –A yipésu jne enga bape disi ejórigo uñéngo a ore basája báringai eduguéjna jogadi iji baquigade. Ga a gagájni ore jne jeta ore basája uñane quigade ome dáringáringo israélgosode ore eduguéjna. Enga a quene báringai eduguéjna eruei tu ome gagájnia tuaté jne.– Ga Pangarádejnai uruode udore úringane tocachucho jogadi jé upúsu.

Sálmos 22:14

Yajnui tu yotique uje pojnéngaja erámi. Enga cho jeta pijnimei yosocoroidie iji jogadode. Ga yiyobié gajnua tu dirijne ome dáringa dajachugué, uje mararataringuei chuságaja yipocáyadie udire ujade jnese.

Sálmos 34:20

Ga uté charanguipise jnani ũré uté ajnoquéode úringáringo pimocherãcho iji uté údode, ga que juéga chojmarárique gotique jeta pimocherãque.

Sálmos 35:10

A yejna yáyipie aja Pangarádejnai jne, ga yojningame jne: –Pangarádejná, ¿ga bajnúrique bojo ayoré jé déji a? Uje barota jmatágode ore ga bajnime ore iji ayoré uajádode ore josipiedie ome udore ore. Jé aja uje ore gaidi u pajnoñaquei ome udore uje cuchade chona ore ga bo barotaquei iji udore ome ayoré jmatágode ore uje bãrarare ore gai.–

Éxodo 12:46

Jé ca ajnicho iji guijnatajei uaquẽrapáidi uté uacachite arione. Mu achóji guijnatajei, ga jé ca abéroyopo ajnoquetique rĩ.

Matéo 1:22

Cuchade unojo jnese pésu re gu ujetiga Dupade uruode tocade uje purusãracho nanique ome Dupade uruode urusãrasórone uñai uje chojninga:

Juan 13:18

Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 19:24

Enga soldádode ore catecã́ri ñane ome Jesús iguidé gajnesónique. Enga ore chojninga: –Jé ca yajujo iji jnumi mu yicoi enga yicobi yocajñamitique ome ñane enga a yusónique chijna.– Enga ore urusarane Dupade urúo tocade ome ore ipesudode udore. Uje Dupade uruode chósi te: "A ore chajuguína yiguidedie iji ñane jne. Enga a ore dopoi dajñamitígo jne rĩ ome ñane ome yiguidé." Enga jé upúsu soldádode ipesudode udore.

Juan 19:28

Cuchade udojo quigade enga Jesús chiraja uje Dupade uruode atatasórone jnani bajácho ore urusarane quigode e tocade jnese. Cucha amiri tu uje chojninga: –Yicajnóriji.– Uje chejna daruode udore guesi enga Dupade uruode atatasórone ore urusarane úringane tocachuguipíso jogadi u.