Juan 19:3 - Dupade Uruode

³ Enga ore chujñieta enga ore chose yui enga ore chojninga: –¡Picotaque opejã judíode ore eduguéjna cuchábi!– Enga ore chinguíra dajmanáyone aja edodie.

Juan 19:3 Iomraidhean Croise

Matéo 26:49

Enga jé u uje Júdas chijnare aja Jesús enga chojninga: –Yacadisṍri á, qué yibágui ua.– Enga e tagu uré.

Matéo 27:29

Ore chirópo ojnane rĩ enga ore cho gatoje iji enga ore chajója Jesús ójo. Jeque ore na ogué pojnaque aja jmanai ãrachua. Jé u uje ore cháji dagataidie iji iquei enga ore chujñieta enga ore chojningame: –E bopise eduguéjna cuchábode ¡jõ!– Enga ore chojningápo rĩ: –¡Que gajnúrique cuse judíode eduguéjna cuchábi uné!–

Márcos 15:18

Enga jé jogadi u uje ore chagota tijode ome Jesús. Ga ore chinguíra dabijnanone aja. Ga ore chojninga: –¡Be ga aqueca, uje chiese judíode eduguéjna cuchape ua arĩ́e!–

Lúcas 1:28

Enga Dupade utocaidi chacája María gari iji jogadi. Enga chojningame: –Qué yibágui ua, María. Dupade ajegaidé ua iji bojodie chequei ujade. Enga Dupade déji bari iji de.–

Juan 18:22

Uje Jesús urúo udojo enga Dupade iguíjna cuchábi irodisórone uñai doi enga chinguíra dajmanai aja Jesús edodie enga chojninga: –¿Ja ca ajéngome sacerdóteode ore eduguéjnai uje barúo udore ome uté que a?–

Juan 18:33

Ore eduguéjna cuchábi Piláto chacapója daguíjna cuchábi rĩ. Enga tibidi Jesús aja re enga catecã́ri. Enga chojninga: –¿Judíode ore eduguéjna cuchábi tu ua ya?–