Juan 19:22 - Dupade Uruode

²² Mu Piláto chojninga: –Yurusarane quigode jé u udore enga jé jogate. A ca yécãre jne.–

Juan 19:22 Iomraidhean Croise

Génesis 43:14

Enga Jacob e cho darúja dajnacarode ore aja ore ajesui enga chojninga: –Yipésupú ga yocangaráni Dupa Pujnuéngaisṍre chatapísaja uaque jne jõ, enga pésu ga eduguéjnai uté chosõripise uaque jne jõ, enga chirame Simeón to jne jõ, enga juégaporása doi ome Benjamín to jne rĩ enga chisápo uyu to jne rĩ. Ome yu ga a chejna yujnacarode ore jnese enga a gusu yu iji ore quigáningo jne iji yiyaritique jne.–

Ester 4:16

Ga jé u uje chojningame daroi: "Bopo yuruode údi ome Mardoquéo rĩ ga ósi tome baruode jne: Mardoquéo á, a yiji baruode jne. Ga amáta yocujode judío ore aja ñane jnese iji yoquidai Súsa údode jnese. Enga yocurasade judío uaque acatecãchoi Dupade iji dejaque gadiógode, jé aja dire gadiógode rĩ, enga oyo uacayágome uaque. Ga uacagaidi tu jeta Dupade tangaripísi uaque. Enga a jé cho yiróguedie uyoque iji de. A yoco yocuyágome yoque to jne enga a jé yicatecãcoi Dupade jne ga jé yoquejnane dire jé u uaquejnane dire ome Dupade jeta yicatecãcoi to. Ga a yejnángo yoquicatecãraitigade aja guesi jne, ga jé u jne jeta yẽra yu ome yoqueduguéjnai Asuéro enominone jne, jé aja iquei ore. Enga chujé yu, ga jé chujé yu jne."

Sálmos 65:7

Baquĩ́ra yote quedéjnane udore usereréjna, jeta usereréjna iji jnumi ga tṍra dajosé aja daquéode. Baquĩ́ra pidáyode idaisórone udore ore ome cutejmane ore ichora to rĩ.

Sálmos 76:10

Jé ũrepise uje jnanione ore ájningamíe a nóña ga doi ga chicota jóroque ua jne uje baroque ore aja gu. Ome pájningai uje qué déji ga a agarúja ua ome báringárique õrácharã́que jeta o bajuñame ore.

Provérbios 8:29

Yudúdapo rĩ uje Dupade a ca juégapo guetígome yote quedéjna cuchábode rĩ. Yugúsapóji nanique rĩ uje Dupade pésu erámi tudé nanique ga cho chígome cuchade.

Juan 19:12

Uje Piláto chudute Jesús uruode udore enga jĩraque chucué dáyipie ujetiga chirame Jesús. Mu judíode ore tibite gaté enga ore chojninga: –Bamo uje beduguéjna cuchábi umajósõri u Jesús uté. Chamáñaje pota dáringai eduguéjna cuchape to ome re. Jecute ujetiga arame Jesús enga obiréjna uje que bagaidedie u eduguéjna cuchábi César áyipiedie.–