Juan 19:19 - Dupade Uruode

¹⁹ Piláto chiroque ore ujetiga ore pésu darusarane enga ore chajo aja Jesús gajnei curesé. Enga ore urusarane quigode u udore: "Jesús nazarétgosi, judíode ore eduguéjna cuchábi u udé."

Juan 19:19 Iomraidhean Croise

Matéo 2:23

Uje ore chise Galiléa enga ore quítequiguíji ore idai uje i tu Nazaret. Enga jé isocai upúsu Dupade uruode atatasórone ore urusarane úringane tocachucho ome Jesús uje chojninga: "A nazarétgose Crísto jne."

Matéo 27:37

Enga ore chicha darusarane aja Jesús gatoi gai uje chatata bárique cucha. Enga ore urusarane u unojo: "Judíode ore eduguéjna cuchábi Jesús uné."

Márcos 15:26

Enga ore churúsãre Jesús bai iji pidi iji gai. Enga ore urusarane chósi tome: "Judíode ore eduguéjna cuchábi u udé."

Lúcas 18:37

Enga ore chojningame: –Cachi ore ichorájnai gajnengóri tu Jesús uje nazarétgose. E chirõre yoquidai.–

Lúcas 23:38

Mu ore chicha dajuyárigo darusãraque aja Jesús gatoi gai iji gajnei curesé. Uje ore urusarane udore u purusãraque quedéjnane. Ga gréciagosode ore urusãraque uñane. Jé rómagosode ore urusãraque uñane. Jé judíode ore urusãraque uñane. Enga quigode u udojo: "Judíode ore eduguéjna cuchábi u udé."

Juan 1:49

Jecute Natanael chojninga: –¡Yocacadisṍri á, e yiraja uje Dupade ape ua! ¡Israélgosode yoquijnati yoqueduguéjna cuchábi upo ua rĩ!–

Juan 18:33

Ore eduguéjna cuchábi Piláto chacapója daguíjna cuchábi rĩ. Enga tibidi Jesús aja re enga catecã́ri. Enga chojninga: –¿Judíode ore eduguéjna cuchábi tu ua ya?–

Juan 19:12

Uje Piláto chudute Jesús uruode udore enga jĩraque chucué dáyipie ujetiga chirame Jesús. Mu judíode ore tibite gaté enga ore chojninga: –Bamo uje beduguéjna cuchábi umajósõri u Jesús uté. Chamáñaje pota dáringai eduguéjna cuchape to ome re. Jecute ujetiga arame Jesús enga obiréjna uje que bagaidedie u eduguéjna cuchábi César áyipiedie.–

Juan 19:14

Enga judíode ore pésu cuchade aja quigode ome dajnusinamáni dire dirome uje i u Páscua. Enga guedé chirõre gatócoro. Enga jé u uje Piláto catecã́ri judíode ore enga chojninga: –Uaqueduguéjna cuchábi déji de.–

Juan 19:21

Jecute sacerdóteode ore eduguéjnane ore catecã́ri Piláto enga ore chojninga: –Gajnareque barusarane quigode uje bo judíode yoqueduguéjnai iji uté. Écãre barusarane quigode enga ósi te: "Jnani uté cho judíode eduguéjnai iji re."–

Juan 19:3

Enga ore chujñieta enga ore chose yui enga ore chojninga: –¡Picotaque opejã judíode ore eduguéjna cuchábi!– Enga ore chinguíra dajmanáyone aja edodie.

Héchos 26:9

Jodeti omone u to nanique ujetiga yipésu cucha gajnarétigo ome Jesús, nazarétgosi, anguretasórone to.

Héchos 3:6

Mu Pédro chojningame jnani noñai: –Que yiplátaraque cuse. Íjnoque óro iji yu rĩ. Mu yisi ome yaríjogonóri cucha ome ua jne. A yiqueta ua jne ome Jesús, nazarétgosi ujopié. Ayague enga arique.–