Juan 18:8 - Dupade Uruode

⁸ Jesús chojninga: –E yingome uaque que uje uyu u. Ujetiga uacacuei u uyu enga ajuécho doi ome yijorane ore.–

Juan 18:8 Iomraidhean Croise

Isaías 53:6

Uje bijnaque yoque jnese ga yocajnunie jé u áyasa dodie. Ga jé yicagóji yoquiquigode erámio jnese. Ga que uñeque doi ga jĩraque quítequiguíji Dupade adode úringáringo pigaicho. Jecute Dupade chicha yocajnéone pujuyaqué aja dajúdebei piquetangore uté gai, ga toi ome yoquisijnaringuéone.

Matéo 26:56

Dupade uruode atatasórone urusarane tocadepise ome uacadode udore.– Jesús chejna daruode guesi, enga jé u uje acadigode que ore chajirápo dacadisṍri yui rĩ. Jé u uje ore chayome jõcaratade jnese.

Juan 10:28

Uyu u uje yẽrate pucuecaringué eyúgojmai ome yirodedie áyasai udire. Enga jogadi u uté ujetiga ca togadegue uñáraque. Que togome uñeque rĩ ujetiga chijna uñáraque iji yijmainie.

Juan 13:1

Enga e dire chojmarai iji judíode ore jnusinamáni dire yui uje i tu Páscua. Ga jé u uje Jesús chiraja uje deréjnai e idógosi ujetiga jnoji erámone udojo ujetiga jé chicapóji dai rĩ. Jecucha Jesús chijnorapise danguresórone uje déji ore gari iji erámi, mu e idógosi ujetiga chingo dajnoraquédatéi ome ore.

Juan 13:36

Enga Simón Pédro catecã́ri Jesús enga chojninga: –Yangarádejná, ¿acáji rique jne a?– Enga Jesús chajnai uruode enga chojninga: –A ca togome ua ujetiga ajína yu aja yijogadi, mu quigade enga a ese yijogadi jne.–

Juan 16:32

A chise deréjnai jne, mu deréjnai uté e u ujetiga asícho uágaja uacajesúode erámio. Enga a ajíñoñome yu iji te jne. Mu que gusu yu iji te gotique, mu Yai u uje déji yari iji te.

Juan 18:7

Jecute Jesús catecãrápoi ore gaté rĩ enga chojninga: –¿Jé uacacuei gosi te a?– Enga ore chojninga: Jesús, nazarétgosi u.–

Juan 18:9

Cucha dacadode udore tocade gu uje Jesús uru casodé quigode u. Uje chojninga: "Que Yai gueranone yacadique uñeque bijna ome yu."

1 Coríntios 10:13

Uacajnéone petingaquéo que gusu ome uaque go, mu petingaqué ponáyone déji ome erámi unirisórone uyoque jnese. Mu ũrepise Dupade ome daruode uje a ca chõre uacajnéone petingaquéo rĩ ome uaque ujetiga ca atiócho. Ujetiga petingaquérique e chise uaque mu a jĩraque Dupade chisi ome petotiguei ome uaque ujetiga adotáyo uaque ome udore. Enga a chingo uacasocárique ome uaque jne ujetiga eso petingaquei tuté uéchai.

2 Coríntios 12:9

Mu Yocangarádejnai chojningame yu: "Bajnei tu yijnoraquei tome ua. Enga jé gusu. Enga que cuchárique chonapo ua gotique rĩ. Yujopié etotiguei pijoguipise aja guesode iji udore ore uje ore chejnáreque re gatuaque." Jecute yirasique yu uje yejnáreque yu. Yipotigádi u gu ujetiga pijoguipise Yocangarádejnai Crísto ujopié taja guesi tiji yu.

Efésios 5:25

Enga e yibasája uacajnepídode cucha to iji udé, jnani acotẽrachugode uaque á: Jnani acotẽrachuque chojmara, chojmarane gajneque jeta chingongarapísa dajnoraquei aja dacoté uaté. Jecute uacaradi turásu Crísto uté aja jmapiedie ome da-iglésia uaté, jnani acotẽrachugode uaque á. ¡Adójnachopísa Crísto isocai uté uje chingongara dajnoraquédatéi aja da-iglésia uaté, enga jé chuságaja uje uté tẽra re ome uaté!

1 Pédro 5:7

Asíñome uacáyuguhebátigade ome Dupade jnese. Chamáñaje Dupade áyipie que jnoji uaque go ome dosongaquéode.