Juan 18:16 - Dupade Uruode

¹⁶ Mu Pédro que nóna ore aja ajei go mu cháji guesi. Enga cháguena guiguíjna piagoi iji guesi. Jecute Pédro jõrai uje chiraja sacerdóteode ore eduguéjnai doi enga catecã́ri ore irogué uje chirote piagoi ujetiga juéga ajei ome Pédro to. Diga uaté juéga ajei ome Pédro to.

Juan 18:16 Iomraidhean Croise

Matéo 26:69

Uje qué ore socárome Jesús iji ajei enga ore irogué gapu chise Pédro iji guesi iji charidi enga chojningame: –Ísenga ua u uje bagúsiji galiléagosi Jesús gari to diríca jõ.–

Matéo 27:15

Jecucha ore eduguéjnai gobernador isocabeque nanique uje chise Páscua enga e chirame dajurúgayode uñeque. Mu jé doi darasade ore ojningárique ujetiga chirame.

Márcos 15:6

Mu jecucha Piláto isocabeque uje chise ore jnusinamáneméi uté uje i tu Páscua, enga chirame ore jurúgayode uñeque iji diri tuté gatuaque. Mu jecucha uté doi judíode ajegaitíguiji pujurúgayode ore ujetiga chirame.

Lúcas 23:18

Mu que ayorébui chise Piláto áyipiedie unétique. Ga ore jnese chojningame: –¡Úngare, a ca u bojningai uté gotique, mu jec arec ujeta Barrabás u baramérique jne!–

Héchos 12:13

Uje Pédro chise ore iguíjnai ga chujé piagoi joride. Gapabia tibágui uje i tu Rode enga chojninga: –¿Jé ua gosi a?–