Juan 18:11 - Dupade Uruode

¹¹ Mu Jesús chaquĩ́ra Pédro enga chojninga: –Acha baquesei aja jogadi. Ujetiga Yai ajéo enga pequetingaquédatéi udé chise yu, ga ¿a yayorásome a?–

Juan 18:11 Iomraidhean Croise

2 Samuel 16:10

Mu David chojningame nero Sárvia ujnacari uté: –Jé dóji ga jé doi daru quitígo ome yu. Jé seca Dupade jé uru ome que, jecute cho darúja yoque. Uje que toc jetiga paquĩraque gosi uru quitique uje que pirajaque gu jeta Pangarádejnai Dupade ajéo, jeoga cachi gosi uru quicho.–

Sálmos 75:8

Uje pijópidi déji Pangarádejnai uté jmanai uté, ga irágu uté ajei. Ga chimera ore jodi aja uje i tu víno ga dajádiji jopidi uté ajei. Ga uté chojne ome víno uté iji dajópidi ga chaningáraja sijnángone udore jnese iji erámi údode jnese, ga ore chiniripise uté ga que ore cho ayé uje ore chibóta uté ajei, ga imoi tu uté ujuyaquei ome ore, jeta chejna ore.

Matéo 20:22

Mu Jesús chojningame ujnacarode ore: –Que arajáyo uaquẽcarane cucha udore úringane cucha ibiraguéjna. ¿Ja jé acasorási yúringai ducañerájma to a? Uje a yajnéone cucha gajnui tu cucha pijote iringonguéjnarique jne.– Mu jĩraque ore chajnai enga ore chojningame: –Cachi yicácoi erĩ́e.–

Matéo 26:39

Jesús qué jno aja ore iquei enga jé u uje cṍraja jnumi. Enga chijócha Dupade ajei údi enga chojninga: –Yapá, yajnéone cucha dacate gajnui u gu ujetiga ore chaningárirase cucha aguté iringonguéjnaragaja yu. A bajérasome yu enga noñamírasiji gajneri. Mu jé be bajéningo, jeque ca yiji yajéningo jne.–

Matéo 26:42

Enga Jesús e jno enga qué catecãrápoi Dupade gaté rĩ enga chojninga: –Yapá, ujetiga ca toque ujetiga qué yapite mu jé be bajéningo ome yu.–

Lúcas 12:30

Uje ayoréode uje que ore chiraja Dupade to go ore jmapié uacasocai tuté. Mu uacajnengóri déji uje uacai Dupade u. Uté chiraja ujetiga ajmátayo ome cuchárique. Ga uté a chisi ome uacajegaitígo cucha jne ome uaque.

Lúcas 22:42

Ga chósi te: –Yapá, ujetiga bajéo ga aquetape yu jne iji yajnei tuté pujuyaqué uje a chise yu jne. Mu que yipota yipésu yajéningo gotique. Mu yajéode u ujetiga yiji báyipie quitígo ome yu.–

Juan 15:10

Ujetiga beyoi yiroquéode quigode enga a uacajogate iji yijnoraquéode. Adi jé u ome yu uje yiji Yai iroquéode enga jé yijogate iji Yai ijnoraquei ome yu.

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

Juan 18:36

Jecute Jesús chajnai uruode enga chojninga: –Yajnepídi erãpe ome yúringai eduguéjna cuchape que u erámi tudé. Ujetiga urásu enga yacadigode jĩraque ore chirotárase yu diríca uje judíode ore chisa yu. Yajnepídi erãpe que u de gotique.–

Juan 20:17

Enga María jĩraque chisa Jesús mu Jesús chojninga: –Arame yu. Chamáña gu uje cáma yicáji Yai jogadi iji gaté. Mu bo enga acáji yijorane ore enga angome ore jne uje a yicáji Yai Dupade jogadi jne. Mu que gusu Yai, mu uacai jé u to yoquidupade.–

2 Coríntios 10:4

Chamáñaje yocõrachade que u ore õrachade go. Mu Dupade guẽrate yocõrachade ome yoque ome yocajnéone pocaninga. Jecute yocõrachade que cuchárique chisa dejórique ome. Enga yinoningáco Satanás josipiedie jnese ome yocõrachade udore.

2 Coríntios 6:7

Enga yipijójopo to rĩ uje Dupade iroguipísode jõra yoque uje uté uru uréone jnungórone u yoque. Enga yocaríjogoto u Dupade Ujopié etogue. Ujetiga uñeque pota cho dajocaninga ome yoque mu yocõráchaque ugurui u yocúringai ayoré añerataque ome Dupade. A yugúcoji erãpe noñátique marínga, jeoga yugúcoji erãpe onique mu jé yocõráchai chojmára enga yocõráchai tudé u yocúringai añerataque.

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.