Juan 18:1 - Dupade Uruode

¹ Uje Jesús chejna daruode udore guesi enga jno enga nóna dacadigode aja daquitique uje déji tuijnai Cedrón uéchai. Enga Jesús, acadigode ore chicáji porebui uje acárigui pori jiépisiji.

Juan 18:1 Iomraidhean Croise

Génesis 2:15

Pangarádejnai Dupade que chicha jnani bajai taja dajutícabia bisideque nanique uje jutícabia uaté déji puniri Edén nanique. Mu pota jeta jnani bajai chajo jnumi tiji nanique enga chañuru guio.

Génesis 3:23

Jecute Pangarádejnai Dupade doi jnani tuté enga chijócãre ore iji dajutícabia uaté uje déji puniri Edén nanique. Enga chojninga: –Be ga asa bejode iji barani casica jnupe.–

2 Samuel 15:23

Uje David ore jno ga ore urasade poji ore ejode. Uje ore jno ga ore chaquesu tié jochai uje i tu Cedrón. Ga soldádode chaquesu bajaque. Quigade ga David ore chaquesu to. Ga ore chicáji dajei uje qui tu erãpetarei.

1 Reyes 15:13

Que gusu uté isocade udore, mu Asa uté chijnapo dacode Maaca uaté úringa eduguejẽ́ iji gari to nanique rı̃, ga gose uaté isoca gajnaréngone udore. Uje uaté e pésu ayoré gajnu noñánguipı́si ome dangurené dupa quedéjna uaté uje i tu Asera. Enga eduguéjnai Asa uté doi dacode ipesudi ayoré gajnu nanique ga jno údi aja turéjnai nanique uje i tu Cedrón. Ga jé u uje tṍraja turéjnai ajei ga chãru gai ¡jaripe! nanique.

1 Reyes 2:37

U gu uje a deréjnarique déji jeta aquesu tié uaté uje i tu Cedrón ga a jé bagachodi tu, ga a amo uje bayoi yore bataroi gai, uje que taque yu gu.–

2 Reyes 23:12

Ga judágosode ore eduguéjna cásodicáite ore chiro dangurenone dupa quedéjna gajnéone gaserãte to nanique, ga ore chicha udore uñane aja daguı́jna cuchábi ójo. Uje eduguéjna casicaite Acaz pésu ajé uñai iji gaté yui nanique, ga ore chicha dorade gaserãcho aja ajé uñai uté ójo. Ga ore eduguéjna uñai uje i tu Manasés uté angurenone gajnéone gaserãcho déji to nanique uje uté pésu iji guesáringa gárode udore iji Pangarádejnai iguı́jnai dosadode. Mu eduguéjnai Josı́as uté chijnime ore aseradéjnane udore nanique iji jogadi uté ga chinoningase ore to nanique rı̃. Uje chı̃ropise ore, ga jno ore angurenone atuátigade urui údi ga tṍraja tuijnai nanique uje i tu Cedrón.

2 Reyes 23:4

Uje Josı́as chudute darasade uruode udore nanique, ga jé u uje chiroque datocaidode aja Pangarádejnai iguı́jnai ajei, ujetiga ore chijnime dupa quedéjnane gajnéone cucha jnese iji ajei. Enga Josı́as utocaidode u sacerdóteode ore eduguéjnai uje i tu Hilquı́as, jé aja Hilquı́as uté quigaminórone sacerdote, jé aja Pangarádejnai iguı́jnai piagode irodisórone ore. Ga ayoré gajnui Baal gajnéone cucha déji ajei, jé aja ore angurené dupa quedéjna Asera uaté gajnéone cucha udore. Mu que gusu udore, mu guédodie gajnéone cucha dépoji rı̃ uje judágosode ore chicha danguretigai aja guédodie udire jnese iji gaté to nanique. Ga Josı́as utocaidode udore chimáta cuchade udore aja ñane jnese enga ore chijnája Jerusalén guesi iji garáijnane uje chujé raja tuijnai uté uje i tu Cedrón. Quigade enga ore eduguéjnai Josı́as chãru dupa quedéjnane ore gai tiji jogadi uté, ga pioi chejnápise nanique. Ga gusu puchucurúode tiji jnumi nanique, mu ore jno puchucurúode udore údi aja ore idai Betel ga ore tṍraja uté.

2 Reyes 23:6

Ga eduguéjnai Josı́as chijnimápo dupa quedéjna Asera uaté oré iji Pangarádejnai iguı́jnai ajei nanique rı̃, uje pipesudé iji pore pajénique. Ga chorei uaté oré iji Jerusalén guesi aja tuijnai uté uje i tu Cedrón. Ga ore chãru Asera uaté oré gai iji tuijnai Cedrón to nanique rı̃. Mu Josı́as chigotape to uje chijáro, chijáro, jé aja ujetiga gusu urui tiji jnumi nanique. Ga ore jnopo uaté urui údi rı̃ aja ayoré gajnaréngone ódedie jogadi ga ore chisite urui aja ore ódedie gai nanique.

Nehemías 2:15

Jecute yo cutuque ga yiji tié jochai ga yajna uté aja yiqui tuque iquei. Mu yico ore ujuyaquéode eruéode uje cáma dire ga qué dejaque. Yico yocarani uqué uje joride déji ga i tu Tuijnai Gajnei Piago, ga jé u uje yacágopoja ore idáidatéi ajei rĩ.

Matéo 26:30

Quigade enga ore chirate Dupade iradé enga jé u uje ore jnome cucarani uje i tu Olívos.

Matéo 26:36

Jesús nóna dacadigode aja cucarani údi uje i tu Getsemaní. Enga jé u uje chojningame dacadigode: –Beyoi enga ayáyo iji ne jne. Uje a qué yijíabája siñeque jne, enga yicatecãrami Yai Dupade iji jne.–

Márcos 14:26

Uje ore chejna daradéraque guesi iji Dupade iradedie ga jé u uje ore jno ga ore chicáji cucarani uje i tu Olívos.

Márcos 14:32

Enga e ore jno enga ore chise pajmitique uje i tu Getsemaní. Mu Jesús chojningame dacadigode ore: –Ayáyoi de. Qué yiji ome uacaquei ga yicatecãrámi Dupade iji siñeque jne.–

Márcos 14:42

Jĩrique ãrijíño ga yico. Chamáñaje yajmasṍri e di.–

Juan 14:31

Mu yajnéone cucha a tocade jne ome yu. Yigaidi u gu ujetiga erámone jogosórone ore chiraja yijnoraquei ome Yai. Enga u to ujetiga ore chiraja uje yipésu yirósõri Yai ojningane cucha ome yu. E gusu yacajnaquéode udojo ome uaque. Boyo, yico iji de.–

Juan 18:26

Diga sacerdóteode eduguéjnai irógode uñai catecã́ri Pédro to. Pédro aquesui u uté iguiosi uje Pédro chaquesu angoroné iji porebui údi que. Enga uté chojningame Pédro: –¿Ja ca yimo ua to que a iji porebui údi uje bagúsi Jesús ejoi a?–

Héchos 21:11

Enga qué chidójnanga yoque to. Diga uté chisa Páblo igarubi ga chigaru darídogorodíe aja dajmanegataidie ore ome Páblo igarubi. Enga chojninga: –Dupade Ujopié Espíritu Sánto chingome yu que uje judíode a ore isocai u udojo ome igarubi udé gajnesónique iji Jerusalén dirome, enga a ore chigaru jne enga a ore tẽrame purása quedéjnane jne.–