Juan 17:8 - Dupade Uruode

⁸ E yacate ore ome beranone yacajnaquéo enga ore chimesẽre. Que potigayaquérique déji ore uje yarani tu ua. Enga ore changureta uje baroque yu aja jnumi nanique.

Juan 17:8 Iomraidhean Croise

Provérbios 1:23

Beyoi enga angachopísi yu uje yo uacaquique ome cucha dacadode. Enga a páyuquetotiguédatérique déji uaque jne. A yujuéga ome uaque jne ujetiga arajáyo yáyipiedie quigode jnese.

Provérbios 1:3

Yurúsãre udojo gu ujetiga yurasade chajire enga irajataque ore to ome cuchade, enga upo rĩ ujetiga ca paringaquérique déji ore ajénique ome ore ujórigo ayoréo, jé upo rĩ ujetiga ũrépise gosi ome daruode quigode.

Provérbios 2:1

Yababi á, o bajnéngu yuruode udojo quigode jnese jne. Añuru guio iji báyipie ajei yiroquéode quigode udojo ome ua.

Provérbios 4:10

Mu yababi á, angarami yuru quigode udojo to ome ua. Ga opise bajnéngu yacajnaquéode udojo jnese. Ujetiga be udojo quigode ga bacuecaringuei iji erámi tudé a quérã aja beruénique.

Provérbios 8:10

Qué yijócha uacajéode údi ujetiga acueyoi pirajatigai ome uaque, jé aja uacáringárique pacadique. Chamáñaje udojo suépise uacacueguedie pláta, óro ore gáyode gu."

Matéo 13:11

Mu Jesús chajnai ore enga chojninga: –Uacajnei tu ujetiga Dupade chingongara dajmapiedie ome uaque ujetiga chijna dáringai eduguéjna aja jnumi tuné iji gaté. Jé basa cucha pipoguiédode u udore ome ore enga que toc ujetiga ore chiraja.

Juan 12:49

Uje yuruode udore que garani u yu gotique mu garani u yai Dupade. Chamáñaje yuruode, yacajnaquéode ore quigode upúsu yirósõri Yai áyipiedie quigode.

Juan 14:10

¿Ca angureta yu a uje yugúsiji Yai gari enga Yai déji yari rĩ? Yatatagode ome uaque que garani u yu go mu garani u Yai uje déji yari. Enga angúromei tu yu uje pésu dapesudode cucha.

Juan 15:15

A ca yĩ́carapo yirógode aja uaque jne rĩ. Chamáñaje pirógode que ore chiraja darósorone áyipiedie ome cuchade. Mu a yĩ́care yijorane aja uaque jne. Chamáñaje e yingo yajnéone Yai ojningane cucha jnese aja uaque gu.

Juan 16:27

Chamáñaje Yai Dupade chijnorapise uaque gu uacajnoraquei ome yu. Chijnóra uaque to uje uacanguretáyo uje yarani u Dupade.

Juan 16:30

E yirajágo uje baraja cuchade jnese. Uje cáma picatecãraite ua ome cuchade mu e batata quigode. Jecute yanguretágo ua uje barani tu Dupade.–

Juan 17:14

E yingo baruode aja yanguresórone, jecute erámone jogosórone ore chetaque ore. Chamáñaje que erámone jogosórone urásapo ore to rĩ. Enga e ore cho yu uje que erámone unirísõre yu to.

Juan 17:18

Adi u ome yu uje baroque yu aja erámone unirisórone, adi jé upo ome ore rĩ uje yiroque ore aja erámone unirisórone ore to.

Juan 17:21

Yutai ua ome yanguresórone ore jnese ujetiga ore áyipiedie quitígo chojmarapise. Ujetiga ore chatapísa raja uyoque enga chojmára yóguiji jnumi. Yapá, yigaidi u gu ujetiga ore chopise yoque, uje yocáyipiedie chopise ñane. Ujetiga erámone jogosórone ore chimo uje yanguresórone ore áyipiedie quigode chojmára enga a ca potigayaquérique déji ore ome yúringai batocaite.

Juan 17:23

Yugúsi yanguresórone chojmara, chojmarane ore, adi u uje bagúsi yari. Yigaidi u gu ujetiga yáta ore aja ñane enga chojmára ore iji jnumi. Ujetiga erámone jogosórone ore chimo uje chojmára ore iji jnumi, enga jogadi u jne ujetiga ore chiraja uje batocaidi u ore angureni uyu. A ore chiraja to uje bajnorapise ore enga bajnoraquei ome ore chopise bajnoraquei ome yu.

Juan 17:3

Pucuecaringué eyúgojmai quigode u udojo: ujetiga gosi chirajapise Dupa uguru ũrei ua, enga chirajapísapo Jesucrísto uyu rĩ uje baroque yu aja jnumi nanique.

Juan 3:17

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 3:33

Mu ujetiga uñeque changureta uruode quigode enga chajo raja uje ũrepise Dupade.

Juan 6:68

Mu Simón Pédro catecã́ri enga chojninga: –Yocangaráni á, que togome yoque ujetiga yico to. Uje que pacadisṍri uñeque déji ujetiga uruode cho baruode. Ua u gu uje baruode chisi ome pucuecaringué eyúgojmai ome yoque.

Juan 8:42

Jesús chajnai ore uruode ga chojninga: –Ujetiga jec ũré enga Dupade ape uaque enga a ajnórañorase yu. Uacamóño uje yarani u Dupade enga e yugúsi de. Que togome yu ujetiga yiji yajénique quitique mu yugúsi de gu uje Dupade iroque yu gu aja de.

1 Coríntios 11:23

Yududipise yajnéone unojo, Yocangarádejnai acajnaquéo, iji uté pijnani nanique enga e yacate uágome to. Uje dejai tuté jé u uje pẽrate Yocangarádejnai Jesús ome umajosórone gajneri uje chacate dacadigode ome daoi gajnui arureque.

1 Coríntios 15:1

Yujode Dupade anguresóño uaque á, yajéode u ujetiga ajnusináño pacajnaqué piquetangórone uje yacate uágome ica. Uje uacamesecho yacajnaquéode udore to ica, enga uacadotáyo uáguiji.

1 Tesalonicénses 2:13

Jecute yacãco Dupade gai ome uaque gatuaque uje uacadúcho Dupade uruode ica iji yoquibijnanone, enga que oyo gojña ayoréo iji ica. Mu uacamesecho ica uje Dupade urúo yocatatagode udore. Enga jé ũrepise uje Dupade uruode jé upúsu yocacajnaquéode udore ome uaque. Chamáñaje chécãre uacadode gu uje uacanguretáyo ica.

1 Tesalonicénses 4:1

Yocujode Dupade anguresõre uaque á, e yoco quique uágome pisocágoningáne ica, uje Dupade irasicho. Ome yajéode ga e beyoi pisocágoningáne udore isocade. Mu uje Yocangarádejnai Jesús iroque yoque aja uaque enga yijóchago uacajéode údi gaté ujetiga jé boyo pisocágoningáne udore údi gaté.

1 Juan 4:14

Enga jé uyoque u uje yimongopise Dupade Abi to nanique. Enga e yingongome ore jnese uje Yocai Dupade iroque uté aja erámone unojo gu ujetiga chiqueta yoque ome adode.

Apocalípsis 1:1

Dupade chingo cucha piqueminórone unojo aja Jesucrísto enga déji darujna aode unojo jnese. Gaidi tu gu ujetiga Jesucrísto chingo cucha dacadode unojo quigode aja danguresórone darócho ujetiga ore chidójninga to uje cuchade unojo a jĩraque tocade jne. Jecute Jesucrísto doi enga chiroque datocaidode uñai aja daroi Juan ujetiga cho quique cuchade udore gaté.