Juan 17:6 - Dupade Uruode

⁶ E yingo báringai gosi ome bajegaidode ore uje bẽrate ore ome yu iji erámone udojo. E bajneque ore mu basi ome ore ome yu. Enga udore ore dopísi baruode quigode.

Juan 17:6 Iomraidhean Croise

Sálmos 119:11

Yujuse baruode guio iji yáyipie, uje yigaidi u gu jeta jé ca yipésu cucha gajnarétique ome ua.

Sálmos 22:22

A yujua bei uté ome yijorane ore. Iji yocuáguedie, ga a yicotai tu ua jne iji udore ore ujade.

Éxodo 9:16

Qué yicha uágaja diri diríca gu jeta arajáyo yúringai ujopíerãque cuchape uje qué uacagúsoi erámi tudé. Yigaidi upome uaque rĩ jeta uacojode ayoré chudute uacajnomei iji danirone to iji erámi údode jnese uje Dupa Eyúgojmai uyu u uje yujuyagaite uáguiji uaquedai tudé ome uacajosipiedie.

Provérbios 2:10

Ujetiga araja payuquetotiguei tuté jne enga a quene bajmára unéningai ome ua.

Provérbios 23:23

O cucha oreranguipísiji bajnéone pacajnaqué udojo, jé aja pirajatigai, jé aja puru uréone, jé aja payuquetotiguei, jé aja pacajnaquéode. Cho jetiga bagaite udore oréraque ica ome ua, ga ca ajuégapóme oréraque rĩ, ga jé jogadípise bari.

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 12:28

Enga Jesús catecã́ri dayé enga chojninga: –Yapá, be bajéningo ome yu ujetiga diga picotaque opejã ua ome ore.– Enga jé u uje ore chudute darade uje tṍraji gatajnoquei. Uje chojninga: –E yise yúringai picotaque que, enga diga picotagapo yu jne rĩ.–

Juan 15:19

Ujetiga erámone jogosórone urása uaque enga a ore chijnórarase uaque, adi u uje ore chijnóra darasapísode. Mu yajegaidode u uaque nanique iji ore ujade, jecute ore chetaque uaque. Chamáñaje que erámone jogosórone urásapo uaque rĩ.

Juan 15:3

Mu uacajnui u úva jmanecade uje e paquesuque eruéode enga pijnimique acãraque betágode. Chamáñaje uacamesecho yacajnaquéode quigode gu uje yacate uágome diríca.

Juan 15:7

Ujetiga jé ajóyo uágaja yu enga que acadíchoi yacajnaquéode quigode enga jogadi u jne ujetiga atáyoi uacajegaitígo cucha iji Yai enga a chisi ome uaque.

Juan 17:12

Uje qué yugúsi beranone yanguresõre ore gari iji jnumi udé enga yirote ore ome bajopiédaté ujetiga ca cuchárique chósi ti iji ore. Que udore uñeque bijna ome yu. Mu chojmarai u uje bijna ome yu. Chamáñaje uté quique obiréjnai u ujetiga bijnaque. Chamáñaje ore urusarane barúo quigode jé u gu.

Juan 17:14

E yingo baruode aja yanguresórone, jecute erámone jogosórone ore chetaque ore. Chamáñaje que erámone jogosórone urásapo ore to rĩ. Enga e ore cho yu uje que erámone unirísõre yu to.

Juan 17:16

Adi jé u ome yu uje que erámone jogosõre yu, adi jé u to ome yanguresórone ore uje que erámone jogosõre ore to.

Juan 17:2

E bajíñome baroquéode jnese iji bajnacari uyu yari ujetiga yiroque erámi unirisórone jnese. Enga u to ujetiga yisi ome pucuecaringué eyúgojmai ome yanguresórone jnese uje bẽrate ore ome yu.

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

Juan 17:26

E yatata ua gosi ome ore, enga qué yiji údi uje yingo ua aja ore. Yigaidi u gu ujetiga baríjogonóri pijnoraqué déji ore to, adi u uje déji yu. Yigaidi upo rĩ ujetiga yugúsipísiji ore gari to.–

Juan 17:7

Enga e ore chiraja uje beranone yacajnaquéo garani tu ua.

Juan 18:9

Cucha dacadode udore tocade gu uje Jesús uru casodé quigode u. Uje chojninga: "Que Yai gueranone yacadique uñeque bijna ome yu."

Juan 6:37

Yai Dupade a chiroque uacuñéngo aja yu jne enga a udore ore jnese chise yu jne. Enga a ca yetaque yibaguiésóningo iji uaque.

Juan 6:39

Enga yirósõri yai Dupade ajéode u ome yu ujetiga yañurupúsu yibaguiésórone ore guio ujetiga ca uñeque bijna ome yoc. Yojningane u udore ore uje Dupade iroc ore aja yu. Ajegaidi u ujetiga yiringare udore ore jnese iji dirode erueminóri ujetiga ore chise dáringane eca iji deréjnane jnese.

Juan 8:51

Jesús jno daruode údi enga chojninga: –Gosi ujetiga doi yacajnaquéode quigode enga a ca gosi chimo pitoringai ome re iji deréjnane jnese.–

Juan 8:52

Jecute judíode ore catecãrápoi Jesús rĩ enga ore chojninga: –Que potigayaquérique déji yoque uje a Satanás utocaitique déji bajéode ome baruode udore. Uje yocai jnani bajai Abraham, Dupade uruode atatasórone uñane ore toi jnese. Mu jé go uje bojninga: "Gosi ujetiga doi yacajnaquéode quigode a ca gosi toi jne iji deréjnane jnese."

Héchos 13:48

Uje purása quedéjnane chudute udojo enga ore nína re enga ore chojninga: –Uerate Dupade uruode uje yudúco que iji ore pijnani.– Enga Dupade ajegaidode iji ore ujade ore changureta Jesús jnese ujetiga ore gajneque pucuecaringué eyúgojmai to.

Romános 11:2

Jecute jé yigotápo rĩ uje Dupade que doi ga tṍra darása iyajmane israélgose ore jnese gotique. Ga yojningane u Dupade ajegaidode udore ore uje uté jĩraque chiraja ore iji piquéode icaite. ¿Ama jé ca adúcho proféta Elías uté isocai uté uje purusãracho iji Dupade uruode nanique a? Uje Elías uté jose ati gusu uté uje chedu Dupade adode iji darasade israélgose ore ujade. Enga jé u uje chijócha Dupade ajei údi ome re uje chejnáreque darasade ore isocade gu, ga chósi tome Dupade: "Pangarádejná, yurasade israélgose e ore chujé barógode proféta udore uñane jnese, enga ore chajnangarase bajnéone gaserãcho aja dejode, uje yẽco yoquẽrapáidode cucha iji udore gai ome ua ica. Enga gusúpusu uecai tu yu iji barógode proféta ujade, ¡mu e ore jnátu yúringárique chuque to!"

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

Colosénses 3:16

Beyoi enga ãretáyopise uacajéode ome Crísto adode, ujetiga pacadique uágome gatuaque. Enga asíñome uacayuquetotigué omone ome ñane ujetiga oyo ñane quique, enga anejénaño ñane aja piquei gatuaque. Ujetiga ajñecacho enga uacarasitigai gajnengóri upúsu Dupade. Ajñecachója Dupade iradedie, jé iji sálmonie rĩ. Enga ajñecachója to uje edoi tu Dupade.

2 Timotéo 1:13

Jé ejna ua aja yacajnaqué uréone uje yacate ua ome udore nanique. Ejnapo ua aja banguretigai to rĩ, bajnoraquei ore. Chamáñaje Dupade tẽra yógome cuchade udore gu uje yanguretágo Jesucrísto.

Hebréos 2:12

Purusãraque uté uruode nanique iji Dupade uruode enga chojninga: A yingo badode ome yijorane ore jne. Enga a yicota ua jne iji udore ore ujade iji yocuáguedie.

Hebréos 3:6

Mu Crísto gajnui u guiguíjnai gajnesṍri ujnacari uje pésupúsu cuchade aja quigode iji dayé Dupade iguíjnai. Jé basa ga yocajnui tu Dupade iguíjnai tuté rĩ. Yojningane u yoque uje que yoco cutúguiji yocanguretigai ome Dupade ojningane cucha yúode, jé aja ujetiga yimóngo cuchade udore ome yoquedodie.

1 Pédro 1:1

Pédro uyu enga Jesucrísto iroguipísode apóstol uñai tu yu, jecute yigaidode u uté iroquéode. Yurúsãre yurusarane cárta udé ome uaque uje uacasícho uágaja erámi ica iji uacaniri. Enga e uacagúsoi pachamite quedéjnane uje ore íode u Pónto, Galácia, Capadócia, Ásia, Bitínia ore.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.

Apocalípsis 2:13

Yiraja uacapesudode jnese. Yirajápo rĩ uje uacagúsoji idáidatéi tuté uje idáidatéi tuté idaisórone ore cho dangarádejnai iji Satanás. Mu jé uacabeyoi yadode iji udore ore ujade. Uje que oyo caru ome uacanguretigai tiji yu uje uacapáñañoji nanique uje Satanás urasade udore ore chujé Antípas iji dedáidatéi tuté. Uje Antípas uté changuretapise yu to nanique, enga chatatapísa yadode quigode ome ore.

Apocalípsis 3:10

Uaque u uje uacabeyopísi yuruode quigode uje yojninga: adotáyo uáguiji petingaquéode jmainie jne. Jecute a yãraque uaque jne ujetiga diga pequetingaquéode chise erámi jnese. Chamáñaje a yetingaco erámi unirisórone ore jnese jne gu iji erámi údode.

Apocalípsis 3:8

Yiraja uacapesudode cucha jnese. Yiraja uje que jiei uaque go, mu uacangáchoi yuruode enga que otigáso yu to go. Jecute uacajnei tu ujetiga qué beyoi yiroquéode. Cho jetiga yuchẽre piagórique gai tome uaque ujetiga boyo yuruode údi. Enga que toque ujetiga uñeque suru piagoi tuté gai ome uaque.