Juan 17:5 - Dupade Uruode

⁵ Jecute, Yapá, yajéode u ujetiga yugúsapóji bari enga ujetiga atire yúringai cuchape yibai. Yigaidi tu gu ujetiga yocópo ñane rĩ ome yocúringane cuchape. Ujetiga yocópise uje cáma erã́tique cuse nanique iji taningane.

Juan 17:5 Iomraidhean Croise

Matéo 25:34

Mu eduguéjnai uyu a yojningame yãrachua jogonórone jne: "Dupade angacarane uaque á, boyo ome uacáringane purása yui ome Dupade. Uje jé ipesute ome uaque naninguéjna iji erámi taningápisode.

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 10:30

Yai Dupade, uyoque jé yitojmárangopise.–

Juan 14:9

Jesús chajnai Felipe uruode enga chojninga: –Felipe á, e iyajmanguipise yu iji uacari mu cáma arajáyo yu. Ujetiga gosi chimo yu enga chimópo Yai to rĩ. ¿Ome gotique gu a uje bango yu ujetiga yingo Yai aja ua?

Juan 17:1

Uje Jesús chejna daruode udore guesi enga chajire gaté enga catecã́ri dai Dupade. Enga chojninga: –Yapá, bojningai dire e chise yu. Jecute yicatecã́ri ua ujetiga bangoningájnai pijóguiji bajnacari uyu. Yigaidi u gu ujetiga picotaque opejã ua to ome bajnacari uyu yadode.

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

Juan 3:13

Que uñeque déji ujetiga chicáji gaté ujetiga chatata gaté jogonórone cucha ome uaque. Gusu Dupade utocaidi uyu uje yiyaridi u gatajnoquei. Enga uyu u uje yicáji jnumi nanique uje yṍraji gaté ujetiga yatata gaté jogonórone cucha ome uaque.

Juan 8:58

Jesús chajnai ore uruode enga chojninga: –Jé ũrepise yu erĩ́e. Uje Abraham cáma base nanique mu jé yijogate aro nanique. Enga jé yijogate.–

Filipénses 2:6

Crísto, Dupade ore adode jé upúsu ñane nanique. Mu Crísto áyipieraque que déji gotique ujetiga chopise dai Dupade ome gajnéone cucha.

Hebréos 1:10

Dupade chojningápome dabi te rĩ: Pangarádejná, jé bapesute erámone unojo ero jnese iji taningane. Bamaningápo guéode rĩ ome bajmainie.

Hebréos 1:3

Enga Dupade idírecaringuéi pijógapo rĩ iji Ujnacari uté. Chamáñaje Dupade adípisode jé dépisiji Ujnacari enga chojmarápise ore iji jnumi. Enga Dupade Ujnacari u uje chijocase cuchade jnese iji erámone, gaté ore ome darúdatéode. Uté jé upo rĩ uje chise erámone icaite ujetiga churu yoquisijnaringuéone iji jnumi. Quigade enga jnopome gaté rĩ. Enga chácariji dai Dupade ãrachua ome dáringai cuchape.

1 Pédro 1:20

Dupade áyipiedie jé jogate nanique ome Jesucrísto ujetiga toi ome yoque uje cáma pipesute erámi. Mu quene Dupade áyipiedie udire tocade iji deréjnane udojo ome Jesucrísto. Enga e yocagutíyamáni u.

1 Pédro 1:21

Dupade u uje chiringare Crísto iji itoringai nanique enga chatire úringai eduguéjna cuchape gai. Jecute uje uacanguretáyo Crísto enga jogadi u uté to uje uacachayo uacanguretigai aja Dupade to ome ojningane cucha yúode.

1 Juan 1:2

Uje pucuecaringuei guẽrasṍri Jesucrísto chingo raja yoque nanique, enga jé u uje yatatago adode ome uaque. Enga yocatatagode júdi u pucuecaringué eyúgojmai quigode, uje pucuecaringuei tuté guẽrasṍri déji dai Dupade gari iji taningai, mu quigade enga chingo raja yoque to.

Apocalípsis 13:8

Enga erámi unirisórone jnese ore chopise dadupade iji jnani guichayai tuté. Yojningane u udore ore jnese uje que purusãraque ore íode nanique iji erámi taningai iquéode ujetiga ore gajneque pucuecaringuérique to. Enga darujna aoi tuté gajnesṍri tu Uté uje gajnua u áyasa pẽrapaide chuguéraque ome yoque nanique.

Apocalípsis 3:21

Ujetiga Satanás ca chijnime uacãrírique jne, enga a yo yujo eduguéjna iji uaque jne iji gaté. Adi uyu uje Satanás que chijnime yãrírique to nanique, enga yiyaridi e u Yai gari iji gaté ome yúringai eduguéjna cuchape.