Juan 17:3 - Dupade Uruode

³ Pucuecaringué eyúgojmai quigode u udojo: ujetiga gosi chirajapise Dupa uguru ũrei ua, enga chirajapísapo Jesucrísto uyu rĩ uje baroque yu aja jnumi nanique.

Juan 17:3 Iomraidhean Croise

Sálmos 9:10

Pangarádejná, udore ore uje ore chiraja bei ueradéjnai, a ore chicha danguretigai aja ua jne. Uje érãtique ajíome ayoré iji te uje gosi chucué ua ome re.

Provérbios 8:35

Ujetiga e piyaque yu ome gosi ga pucuecaringuei jogadi tu ome uté gosi. Enga uté gosi gajneque Pangarádejnai áyipie ueradedie quigode ome re to.

Isaías 53:11

Uje uté déji dáringai surujnaque gai, ga cho jeta ijnangunua chaco uté gai, ga edodie cho jnaque. Mu dépoji dírecaringuéi te rĩ ga chajire dejode mu uerate imaningone cucha aja quigode, ga irasiguipise re. Pangarádejnai Dupade júdebei uté uégome pisijnaringuéone, jecute a u jne ujetiga chejñu darajasórone ore isijnaringuéone iji ore údode ga chibéro udore iji ore gáyode. Enga jiei uté ujode ayoré uje ore chagutíyame uté isocade udore jne.

Márcos 9:37

–Ujetiga uacuñeque ca chuseque disírique uté gajnúrique, ga cho ujetiga uté gosi chijna yunerai ome disi suté, enga jé imoi tupo rĩ ujetiga uté gosi ca chuseque yu to. Uté gosi ujetiga ca chise yunerotiguérique mu que gusu yu go uje irasique yu, mu irasi tupo yirósõri Yai uté to rĩ.–

Lúcas 9:48

Jesús e catecã́ri dacadigode ore enga chojninga: –Gosi ujetiga chimesẽre disi udé uje changureta yu, gajnui u ujetiga chimesẽre yu. Jé chopo to rĩ, gosi ujetiga chimesẽre uyu ga gajnui upo rĩ ujetiga chimesẽre yirósõri Dupade. Chamáñaje uaque gosi uje pajnotaguipise, uté u uje suépise dajorane ore gáyode jnese. Ga obiréjnai tu uté iji uacajade.–

Juan 10:36

Jé isocai u ome yu. Uje Dupade ajegaite yu nanique ga chiroque yu aja erámi nanique. Mu jé go uje uacojnicho ome yu: "Gajnareque baruode ome Dupade uje bojningame yoque, Dupade Abi uyu."

Juan 11:42

E yiraja uje jecucha bangári yu. Mu yicatecã́ri ua iji ayorébui udé ore iquei ujetiga ore chiraja yúringai batocaite enga ore changuretápo yu rĩ.–

Juan 14:26

Mu quigade enga Yai a chiroque Dajopié Espíritu Sánto aja uaque jne ujetiga basája yijogadi. Enga uté a chátaja uaque jne enga a chajni uacajnusiétigade jne. U to jne ujetiga chacate uágome cuchade jnese enga uté upo rĩ uje jnusinápo yacajnaquéode quigode jnese ome uaque rĩ.

Juan 17:18

Adi u ome yu uje baroque yu aja erámone unirisórone, adi jé upo ome ore rĩ uje yiroque ore aja erámone unirisórone ore to.

Juan 17:21

Yutai ua ome yanguresórone ore jnese ujetiga ore áyipiedie quitígo chojmarapise. Ujetiga ore chatapísa raja uyoque enga chojmára yóguiji jnumi. Yapá, yigaidi u gu ujetiga ore chopise yoque, uje yocáyipiedie chopise ñane. Ujetiga erámone jogosórone ore chimo uje yanguresórone ore áyipiedie quigode chojmára enga a ca potigayaquérique déji ore ome yúringai batocaite.

Juan 17:23

Yugúsi yanguresórone chojmara, chojmarane ore, adi u uje bagúsi yari. Yigaidi u gu ujetiga yáta ore aja ñane enga chojmára ore iji jnumi. Ujetiga erámone jogosórone ore chimo uje chojmára ore iji jnumi, enga jogadi u jne ujetiga ore chiraja uje batocaidi u ore angureni uyu. A ore chiraja to uje bajnorapise ore enga bajnoraquei ome ore chopise bajnoraquei ome yu.

Juan 17:25

Yapá, yicota ua ome báringai ũrepise. Erámone jogosórone ore que ore chiraja ua go. Mu uyu yirajapise ua. Enga yanguresórone udore ore chiraja uje batocaidi u yu.

Juan 17:8

E yacate ore ome beranone yacajnaquéo enga ore chimesẽre. Que potigayaquérique déji ore uje yarani tu ua. Enga ore changureta uje baroque yu aja jnumi nanique.

Juan 3:17

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 3:34

Jecute Dupade utocaidi uté chatata Dupade uruode. Enga Dupade chĩretapise uté áyipie ome dajopié Espíritu Sánto.

Juan 5:44

Yiraja uje que togome uaque ujetiga anguretáyo yu. Uje que cucha ome uaque Dupa ugurui icotaquéode ome uaque. Chamáñaje uacacuegode u uacojode ayoréo icotaquéode ome uaque gu.

Juan 6:57

Pucuecaringuei garani u yirósõri Yai enga yiqueca gu uté. Adi jé u uté gosi ujetiga cho cucha pibotíji yu, uté gosi eca gu uyu.

Juan 7:29

Uyu u uje yiraja. Yarani u uté gu uje uté iroque yu aja jnumi tudé nanique.–

Juan 8:19

Jecute ore catecã́ri ome dai enga ore chojninga: –¿Jé déji rique bai gosi?– Jesús chojningame ore: –Que arajáyo uyu gosi. Que amóñopo Yai to rĩ. Ujetiga arajayórase yu enga a arajáyopórase Yai te rĩ.–

1 Coríntios 15:34

Jecute ajníño Dupade gai enga beyopoi uacate arégode rĩ. Enga ajusópo uacajéode guio rĩ. Enga ca apéso pisijnaringuéone. Uje uacuñane que ore chiraja Dupade gotique. Yósi tome uaque gu ujetiga ajéchome uaque.

1 Coríntios 8:4

A qué yo quique ome uaque jne ayoré gajnúone gajnéone cucha piboso ujetiga Dupade anguresórone uyoque yajo, jeoga ca yajo. Yirajágo uje que cucha dacatique tṍraji ayoré gajnúone udore ore. Enga que Dupade u ore gotique. Uje que Dupa uñeque cuse, gusu Dupápisi uje déji gaté.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

Filipénses 3:10

Enga yajéode e u ujetiga yirajapise Crísto gaté. Enga yipota ujetiga Dupade Ujopiédaté uje chiringare Crísto iji datoringai nanique jogadípise yu to. Yipota to ujetiga yo yiba Crísto adode, adi u uje Crísto cho daba Dupade adode to nanique. Enga dimane yu to ujetiga yitoi ome adode.

Filipénses 3:8

Cho ujetiga cuchade udore e que oréraque cusipise go ome yu. Mu cucha orerãi upúsu uje yiraja Yangarádejnai Jesucrísto. Jecute e yṍra cuchade udore. Chamáñaje yate bajade udore jnese chopise pasique ducaranone ome yu gu. Uje e yangureta Crísto uje cucha gose uté ome yu gu.

1 Tesalonicénses 1:9

Jé basa ga jé ore ojña to ome yoque uje tesalónicagosode uaque uacarasique yoque to nanique uje yico uaque. Uje e uacayáyo uacangurenone ayoré gajnúo, enga e uacanguretáyo Dupápisi to. Enga e uacabeyoi Dupa uecai tuté adode to.

2 Tesalonicénses 1:8

Yocangarádejnai Jesucrísto a di jne gu ujetiga cho dajuñame Dupade guetesórone ore jnese, angoninguite parigode ore rĩ uje ore chotigase yocatatagode Yocangarádejnai Jesucrísto acho.

Hebréos 3:1

Yujode Dupade anguresõre uaque á, Dupade ibididique uaque to ome dadode. Uaque u uje uaqueduyo Dupade iji uacajéode to, jecute adójnachopísa Jesucrísto uté. Chamáñaje Dupade utocaidipísi apóstol tu gu ujetiga yutocoi enga catecã́ri Dupade ome danguresórone uyoque. Enga gajnui u sacerdóteode eduguéjna cuchábi iji jnani bajade uje catecã́ri Dupade ome darasade nanique.

2 Pédro 1:2

Yajéode u ujetiga uacarajatigade quérã iji Dupade, Yocangarádejnai Jesucrísto ore. Adi tu ujetiga uacajesereringane quérãpise to iji uacajéode enga Dupade chatapísaja uaque.

2 Pédro 1:3

Dupade chingo yoquibijnángaisṍri aja yoque uje cuchadatei u enga cucha pitijabácho ipesudode to. Uje e yirajagopise uté adode enga Dupade ujopié chatapísaja yoque ujetiga yico yocucuecaringué ichai. Enga que pisoca uñeque chona yoque ujetiga yipecopúsu Dupade adode.

2 Pédro 1:8

Ujetiga cuchade udojo déji uaque enga ejnáño uaque aja cuchade udore gatuaque, enga a ca cucha bisideque uacanguretigai iji Yocangarádejnai Jesucrísto. Enga a pijoque uacacuecaringuei úringai orerãque jne.

1 Juan 1:2

Uje pucuecaringuei guẽrasṍri Jesucrísto chingo raja yoque nanique, enga jé u uje yatatago adode ome uaque. Enga yocatatagode júdi u pucuecaringué eyúgojmai quigode, uje pucuecaringuei tuté guẽrasṍri déji dai Dupade gari iji taningai, mu quigade enga chingo raja yoque to.

1 Juan 1:3

Yingongo yocududigode, yoquimone Crísto acho ome uaque ujetiga átayo uágaja yoque to ome uté adode. Uje jé ũrepise yoque uje e yátago yógaja Yocai Dupade, ujnacari Jesucrísto ore enga jé yitojmárango jnese.

1 Juan 2:23

Gosi uje chotigase Jesús úringai Dupade ape enga que cuchárique déji uté ome Yocai Dupade to. Mu gosi uje que otigayaquérique déji Jesús ome úringai Dupade ape enga Yocai Dupade déji uté gosi gari to.

1 Juan 4:6

Mu Dupade urasade u yoque. Enga uté gosi uje chiraja Dupade enga tangári yoque. Mu ujetiga ca Dupade urása gosi enga que tangári yoque to. Jecute quigode u unojo ujetiga yirajágo uje Dupade Ujopié ũrepise déji gosi jeoga pujopié tague u uje déji gosi.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.