Juan 17:2 - Dupade Uruode

² E bajíñome baroquéode jnese iji bajnacari uyu yari ujetiga yiroque erámi unirisórone jnese. Enga u to ujetiga yisi ome pucuecaringué eyúgojmai ome yanguresórone jnese uje bẽrate ore ome yu.

Juan 17:2 Iomraidhean Croise

Sálmos 110:1

Pangarádejnai uru quigode chósi te ome Yeduguéjnai uje Yangureni u uté: –Ácariji yãrachua iji de yirosadi jé aja ujeta yichajapite bamajosórone udore ore aja barídade udore údi jne.–

Daniel 7:14

Ga Jnani Jnupabejna Eyúgojma uté tẽra erámi jogosṍri uté ayoré úringai pujnuéngaisṍre ome uté, jeta chise dáringárique eduguéjna to iji erámi tudé. Ga chojninga: '¡Picotaque opejã ua jne! uje erámi unirisórone uje ore cãra daruode ome ñane marínga, a jé ore cho deduguéjnai iji ua jnese jne iji daníningo, enga a ore doi baroquérigo jnese jne. Ga báringai eduguéjna uté a jé ca chise deruénique jne, ga a ca uñeque chijnime ua iji báringai eduguéjna uté jne. Uje bamenuringuei a jé ca chise deruénique to jne gu.'

Matéo 11:27

Jesús cha catecã́ri dayé Dupade enga chojninga: –Yai tẽra cuchade ome yu jnese. Enga gusu Yai uje chiraja dajnacari uyu. Que ayorérique chirajapise yu to go. Que pirajagápo Yai to rĩ. Gusu yu uje yirajapise. Gusuapo yu rĩ uje a yingo Yai aja yipotigátigo ore jne.–

Matéo 25:46

Jé u uje a pujuya ore jne iji deréjna pitade. Jé basa ore uje que ore bárique cuse enga a ore chise dacuecaringuéringo jne iji deréjna pitade.–

Matéo 28:18

Jé u uje Jesús sose ore yui enga chojningame ore: –Yai Dupade e tẽra yúringa dacasuté ome yu iji guéode, erámone ore jnese.

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

Juan 17:6

E yingo báringai gosi ome bajegaidode ore uje bẽrate ore ome yu iji erámone udojo. E bajneque ore mu basi ome ore ome yu. Enga udore ore dopísi baruode quigode.

Juan 17:9

E yijócha bajei údi ome udore ore. Mu que yijócha bajei údi ome erámone jogosórone uñane. Mu yicatecã́ri ua ome udore uje bẽrate ore ome yu. Chamáñaje bajneque ore gu.

Juan 3:35

Jecute Dupade chijnorapise dabi uté enga chisi ome cuchade jnese ome ujetiga chijocase cuchade.

Juan 4:14

Mu ujetiga gosi chóji yerani yote uecai enga que toque ujetiga uté gosi qué cajnóriji. Chamáñaje yerani yote ome uté gosi gajnui u sibíjnai iji gosi ajei ujetiga ca íjnongapo rĩ, jé iji deréjnane jnese. Enga gosi eca iji deréjnane jnese to.–

Juan 6:27

Ayáyo uaquedójnaringuéone ome uacacuegode cucha pibose uje jĩraque íjnoque. Mu uacacuegode urásu cucha pibosode uje que eruénique cuse. Cucha pibosode udore u gu uje chisi ome pucuecaringué eyúgojmai ome uaque. Enga pibosode udore guẽrasṍri jé u Dupade utocaidi uyu ujetiga yisi ome uaque jne. Chamáñaje yai Dupade ajegaite yu ome udore gu.–

Juan 6:37

Yai Dupade a chiroque uacuñéngo aja yu jne enga a udore ore jnese chise yu jne. Enga a ca yetaque yibaguiésóningo iji uaque.

Juan 6:39

Enga yirósõri yai Dupade ajéode u ome yu ujetiga yañurupúsu yibaguiésórone ore guio ujetiga ca uñeque bijna ome yoc. Yojningane u udore ore uje Dupade iroc ore aja yu. Ajegaidi u ujetiga yiringare udore ore jnese iji dirode erueminóri ujetiga ore chise dáringane eca iji deréjnane jnese.

Romános 6:23

Pisijnaringuéone a cho darógode oré jne, enga oré u pitoringai ome ore. Jé basa Dupade guẽrate bisidei u pucuecaringué eyúgojmai ga gose Yocangarádejnai Jesucrísto adode ome uyoc.

1 Coríntios 15:25

Uje Crísto e gajneque erámone ujetiga chijocase, enga a jé chuságaja jne ujetiga dayé Dupade sué uté umajosórone gáyode jnese.

Filipénses 2:10

Enga ujetiga ayoré togode, erámi unirisórone, gaté unirisórone ore chudute Jesús i ueradéjnai enga a ore doi ga ore chichaga dagataidie aja jnumi iji iquei jnese jne.

1 Timotéo 1:16

Mu jé ũré yu uje Dupade chosõripise yu nanique. Gaidi u gu ujetiga Jesucrísto chejna dáringai piquetangore aja yu enga chiqueta yu to, uje yujnué ore gáyode jnese nanique ome yúringai sijnanguipise. Enga a uyu urásu ujetiga pisijnaringuéone ipesungórone uñane ore chirate yu aja Dupade úringai pangurete ujetiga pucuecaringué eyúgojmai déji ore to.

Hebréos 1:2

Mu iji ejode unojo enga catecã́ri yoque, enga angúromei u dajnacari ome yoque. Angúromei jé u dajnacari uté to uje Dupade pésu erámone unojo, gaté ore iji taningai nanique. Enga chisi ome cuchade udojo jnese icaite ome dajnacari.

1 Pédro 3:22

Enga yirajágo uje Yoquiquetangóri Jesucrísto uté jnome gaté nanique enga e cháji Dupade ãrachua. Enga e sué gaté unirisórone ore gáyode jnese, jé aja dacasutedie, pujopiedie ore jnese rĩ.

1 Juan 1:2

Uje pucuecaringuei guẽrasṍri Jesucrísto chingo raja yoque nanique, enga jé u uje yatatago adode ome uaque. Enga yocatatagode júdi u pucuecaringué eyúgojmai quigode, uje pucuecaringuei tuté guẽrasṍri déji dai Dupade gari iji taningai, mu quigade enga chingo raja yoque to.

1 Juan 2:25

Enga a yocajneque Jesucrísto ingomei pucuecaringuédaté jne.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.

Júdas 1:21

Jé ca acayoi quedéjnane ome Dupade ijnoraquédatéi. Mu arochópise Yocangarádejnai diringai yui. Chamáñaje diri uté u gu ujetiga chingo dosõraquéode ome yoque, enga chisi ome pucuecaringué eyúgojmai ome yoque jne.