Juan 17:11 - Dupade Uruode

¹¹ A ca yiyapóji erámi tudé jne rĩ. Mu yanguresórone udore ore, a ore cháji. A e yiji jne ujetiga yugúsiji bari. Yapá, uje ueque ua ome pisijnaringuéone, ga yijócha bajéode údi ome beranone yanguresõre ore, ujetiga arodipise ore ome bajopiédaté ujetiga ca ore ajéode cãra re ome ñane mu ore ajéode chojmára, adi tu ome uyoque uje yocajéode jé chojmára.

Juan 17:11 Iomraidhean Croise

Sálmos 79:9

Urénga, yocúringai piquetaque gajnesṍri Dupá, átaja uyoque jeta bei ueradi uté úringai ingoningarãque pijoque; ga arame yoque ome yocumajosórone ore, ga ãro yoquisijnaringuéone udore ore gu bei ueradi uté.

Provérbios 18:10

Pangarádejnai i cuchadaté jeta gosi tibidi ome darosobátique cucha ga charanguipise gosi. Ga gajnua tu poragadérac ome dajatiguejnai, uje gosi déji uaté ajei enga que cuchárique chósi tiji.

Matéo 10:16

Jesús chojningápome ore rĩ: –Boyo mu ajusópise uaqueo iji erámi jne uje a uásejna erámi unirisórone ore jne ujetiga ore pota sué uacabai ome uacáringáringo chucho. Uje a uacajnunie u áyasadie jne iji cuchiso chagúrigo ajénique. Uacarajáyo uje ugade edodie chojmára ome dejode. Jecute omi tu to ujetiga oyo ugade edodie to ome uaquejode. Oyópo cucujudaijnane to rĩ, uje pajnotácho enga que tagu dejórique go.

Matéo 5:48

Acãcho uágaja uacai Dupade uje déji guéode uje que iyoguérique cuse.

Matéo 6:9

Jecute oyósi te ujetiga acatecãchoi Dupade: Yocai Dupade á, uje bagúsiji gaté, Yisígo babai.

Juan 13:1

Enga e dire chojmarai iji judíode ore jnusinamáni dire yui uje i tu Páscua. Ga jé u uje Jesús chiraja uje deréjnai e idógosi ujetiga jnoji erámone udojo ujetiga jé chicapóji dai rĩ. Jecucha Jesús chijnorapise danguresórone uje déji ore gari iji erámi, mu e idógosi ujetiga chingo dajnoraquédatéi ome ore.

Juan 13:3

Jesús chirajapise darani uje Dupade u. Chirajápo rĩ uje a chajniápo aja Dupade gari rĩ. Enga chiraja uje dai Dupade chisi ome cuchade jnese ome ujetiga chijocase.

Juan 14:20

Ujetiga e yiqueca iji yitoringai enga a jogadi u jne ujetiga arajáyo uje Yai, uyu yitojmárango. Enga a arajayópo rĩ uje uhuaque, uyu yitojmárango jnese to.

Juan 16:28

Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–

Juan 16:33

Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–

Juan 17:23

Yugúsi yanguresórone chojmara, chojmarane ore, adi u uje bagúsi yari. Yigaidi u gu ujetiga yáta ore aja ñane enga chojmára ore iji jnumi. Ujetiga erámone jogosórone ore chimo uje chojmára ore iji jnumi, enga jogadi u jne ujetiga ore chiraja uje batocaidi u ore angureni uyu. A ore chiraja to uje bajnorapise ore enga bajnoraquei ome ore chopise bajnoraquei ome yu.

Juan 17:25

Yapá, yicota ua ome báringai ũrepise. Erámone jogosórone ore que ore chiraja ua go. Mu uyu yirajapise ua. Enga yanguresórone udore ore chiraja uje batocaidi u yu.

Juan 17:6

E yingo báringai gosi ome bajegaidode ore uje bẽrate ore ome yu iji erámone udojo. E bajneque ore mu basi ome ore ome yu. Enga udore ore dopísi baruode quigode.

Juan 7:33

Enga jé u uje Jesús qué catecãrápoi ayorébui rĩ enga chojninga: –A yácarabíji uacari jne iji dire garósirigo. Enga quigade jne enga yajnésaru yirósõri jogadi.

Héchos 3:21

Mu Jesucrísto qué déji gaté uje Dupade qué pésu cuchade aja quigode gu. Uje jé urúo nanique ome daruode atatasórone iji jnani bajade uje ore chedu Dupade iji re. Uje a chatire cuchade jnese úringáringo ujñapetágaja ore jne.

Romános 12:5

Ga adi jé u uté to ome Jesucrísto anguresórone uyoque. Uje jiei yoque marínga, yocaoi chojmarápisiji jnumi gu uje Dupade cháta yógaja Crísto jnese. Enga jé u to uje Jesús anguresõre chojmara, chojmarane ore jnese jé gajnengápo dojode Jesús anguresõre chojmara, chojmarane ore jnese rĩ, ujetiga yagutíyangome ñane.

Romános 9:17

Enga udojo quigode choquípisiji guesi uje Dupade doi dajéode ome egíptogosode ore eduguéjna cuchábi Faraón nanique. Uje Dupade uruode chósi tome Faraón uté nanique: "Uyu upúsu uje yichajapite ua aja báringai eduguéjna. Enga yigaidi tu gu jeta yagúome ua ga ayorébujnai ore pañaji yúringai ujopíerãque cuchape gu yisocade ome ua, enga jé upo rĩ jeta pute yujnomei ome purása uñane jnese iji erámi údode jnese."

1 Coríntios 1:10

Yujode Dupade anguresõre uaque á, ome yúringai Jesucrísto utocaite ga yijócha uacajéode údi ujetiga jé ca abotácho ñane. Mu apajnotáyoja ome ñane enga ca ajuécho jeta cuchárique chajuque uacajéode ome ñane. Apéso ga uacáyipie qui, uacajegaidi cucha chojmarápisiji jnumi gatuaque.

Gálatas 3:28

Ga e que cucha go ujetiga judío yoc, jeoga purása quedéjna yoc; jeoga ayoré ataque yoc, jeoga pisaque yoc; ujetiga chequé u, jeoga jnani u marínga, jé yocopise ñane ujetiga yanguretágo Jesucrísto.

Efésios 4:4

Ajnusináño uje Jesús anguresõre ponáyone jnese ga yocaoi chojmarápisiji jnumi ome yocúringa Dupade iglésia. Enga yocaríjogoto Dupade Ujopié Espíritu Sánto uaté jé chojmarápo to rĩ. Ome pisoca chojmarai uté uje uacatojmárañoji ñane, jé aja uje Dupade Ujopié duga uaté charite uacajéode jnese, enga uacadi jé upúsu to uje uacarodi cucha chojmarápisiji jnumi ome uacáringane pibijnángaichó ome uté. Enga qui tu uje uacajnátuyo yui ujetiga oyo uacajnéngu uacarodi cucha uté uje Dupade jé ajegaite uágome gu.

Filipénses 2:9

Jecute Dupade chosipísi dajnacari iji gaté ujetiga sué ore gáyode jnese, enga ĩcarai taja dabi i u uje ueradéjna enga sué ore íode gáyode jnese iji jnumi.

Hebréos 1:3

Enga Dupade idírecaringuéi pijógapo rĩ iji Ujnacari uté. Chamáñaje Dupade adípisode jé dépisiji Ujnacari enga chojmarápise ore iji jnumi. Enga Dupade Ujnacari u uje chijocase cuchade jnese iji erámone, gaté ore ome darúdatéode. Uté jé upo rĩ uje chise erámone icaite ujetiga churu yoquisijnaringuéone iji jnumi. Quigade enga jnopome gaté rĩ. Enga chácariji dai Dupade ãrachua ome dáringai cuchape.

Hebréos 9:24

Dupade iguíjna jnutiminóri uné imoi u Dupade iguíjnapísi iji gaté. Mu Jesucrísto que pi u Dupade iguíjna jnutiminóri gotique, mu pi u gateminóri. Enga jé déji uté enga narare yoquibai iji Dupade iquei iji gaté.

Santiágo 4:4

Ayoré gajnaréngone uaque gu uje que apúsoi uacangureni Dupa ejórique, enga uacagaidode u erámone jogonórone cucha. ¿Ja ca arajáyo to a uje ore chijnóra erámi tuné adode enga imoi tu uje ore gueteque Dupade? Jecute gosi uje pota doi erámi jogonórone isocade, enga cho dedobóya Dupade enga e nóña enga Dupade guetésõre to.

1 Pédro 1:5

Chamáñaje uacanguretigai déji ome Dupade. Jecute chirote uaque ome dajopié etotiguei ujeta eso uacáringane piquetaque to iji deréjnane udojo eruénique.

1 Juan 3:12

Jé ca yiraco jnacare bajai Caín. Uje Satanás irasingore uté enga que áyipieraque jnoji adode. Jecute doi enga chujé dajõrai Abel nanique. ¿Jõrai báringome uje chujé a? Bade u dapesute arégode. Uje Caín ipesudode gajnarécho gu.

1 Juan 5:19

Yirajágo uje Dupade gajnenguipise danguresórone uyoque. Jé basa erámone jogosórone ore uéchai jnese déji Satanás gari, enga uté chorei ore iji quedéjnane.

Júdas 1:1

Júdas uyu uje yurúsarome uaque. Uje Jesucrísto iroi u yu enga Jacóbo jõrai upo yu rĩ. Yurusarane gajnengórone u uaque jnese uje Yocai Dupade jé ajegaite uaque uje pota jeta gajneque uaque nanique. Enga uacarodisṍri u uacangureni Jesucrísto.

Júdas 1:24

Yoquiquetangóri etotiguei déji ujetiga chirote uaque enga ca acóraño aja pisijnaringuérique, jé aja ujetiga chicha uágaja dari iyiejnai iquei. Enga a ca diquiyaque uacayoguérique jne iji iquei, mu a pininaquédatéi irágu uacajéode. Dupa ugurui tu Yoquiquetangóri uté, enga áyipierãque ugurui upo uté rĩ. Jecute yicoi enga yicotágo Dupade uje chiqueta yoque gu Jesucrísto adode ome yoque. Uje Dupade ingoningájnai u cuchadatei. Enga cuchadatépo imenuringuei, ujopié ore jnese rĩ. ¡Ga jé tiógara ome uté ujetiga picotaque iji taningai, jé iji deréjnane unojo to, jé iji deréjnane jnese to rĩ iji yoquiquei dirome! Qui jé upúsu. Amén.

Apocalípsis 15:4

Yocangarádejna, que uñeque déji ujetiga ca todo ua. Que uñeque dépoji rĩ ujetiga ca chisi babai. Gusu ua gu uje ueguipise ua ome pisijnaringuéone. Erámone jogosórone a ore chichaga dagataidie aja baquei jnese jne, enga a ore chicota ua. Uje ore chiraja gu uje jé tiógarapísa bapesudode udore jnese.

Apocalípsis 19:12

Buricai charipísõri tuté edodie cho piogode ocaraidie enga cho jmíti, jmíti, jmíti. Enga uté chacája ducayo coróna dipeséode. Enga purusarane déji uté uje chatata i. Mu que diquirajaque i quigode ome ore. Gusu uté uje chiraja.

Apocalípsis 4:8

Enga ujnoque chojmaráji tíode déji ore jnese. Enga udore ore edodie dépoji ore ujnóngone uéchade jnese rĩ. Enga que ore chimoque dínique, dejátique uje ore chicota Dupade. Enga ore chojninga: Ueque ua ome pisijnaringuéone. Ueguipise ua ome pisijnaringuéone. Yijárogo yocuruode iji jnumi uje ueguipise ua ome pisijnaringuéone. Yocangarádejná, Dupa ujopíerãi tu ua enga bajopié sué cuchade gáyode jnese. Bajogate nanique. Jé bajogadápo rĩ iji deréjnane unojo. Enga a jé bajogadápo to jne rĩ ujetiga ãriápo iji erámi rĩ.