Juan 17:1 - Dupade Uruode

¹ Uje Jesús chejna daruode udore guesi enga chajire gaté enga catecã́ri dai Dupade. Enga chojninga: –Yapá, bojningai dire e chise yu. Jecute yicatecã́ri ua ujetiga bangoningájnai pijóguiji bajnacari uyu. Yigaidi u gu ujetiga picotaque opejã ua to ome bajnacari uyu yadode.

Juan 17:1 Iomraidhean Croise

Sálmos 123:1

Yajiri u ua iji gaté ome yedodie. Uje ua u gu uje bagúsi bayaridi iji gatajnoquei.

Márcos 14:41

Mu Jesús qué jnopo rĩ ujetiga qué catecã́ri Dupade gaté rĩ. Enga e gadioque uje catecã́ri Dupade. Mu e diapo iji dacadigode rĩ enga chojningame ore: –Jé areque, amóño, ga oyo uacajñare. E yimáco cuchade aja jnumi gu, enga e deréjnai tu ujetiga Dupade utocaidi uyu yẽrasṍri chisi ome yu ome pisijnaringuéone ipesungórone ore gajneri ujetiga ore doi dasocáringome yu.

Lúcas 18:13

Jé basa ujoi jnani uje ore eduguéjnai iroque ujeta chutai ore ipláta ome impuéstos, uté chopise dáyugu re. Idájapísiji ore uje chajengopísome erámi gu. Ga tajia re iji dayaridi. Mu chujé darobé uje imoi tu gu uje jnusiétaque uje cho dáyugu re. Ga jé u uje chojninga: "¡Dupade, osõrape yu jne! Bamo yu uje ayoré sijnanguipísi uyu gu."

Lúcas 22:53

¿Jé gotique gu a uje uacamóño yu iji deréjnane múñi uje jecucha yiyaridi tu Dupade iguíjna cuchábi diríca, uje cucha marínga ajocáso yu ica? Mu qui tu gu uje Satanás áyipiedie e déji uacajéode jnese gu. Ga gajnui tu ujetiga e agúsoi ijnangununie ajéode. Jecute uacapótayo uacasayo yu iji de.–

Juan 11:4

Uje Jesús chudute ore uruode enga chojninga: –Dequejnarei uté a ca chujépise Lázaro jne. Mu ejnarétaque Lázaro gu ujetiga Dupade chingo dáringai eduguéjna cuchape aja ore. U to ujetiga chingopo dabi uyu yúringai cuchape aja ore rĩ.–

Juan 11:41

Jecute ore chijnime cucarané iji Lázaro ode piagoi. Jé u uje Jesús chajire gaté enga catecã́ri dai Dupade. Enga chojninga: –Yapá, yacãre babai iji de. Chamáñaje bangári yuruode gu.

Juan 12:23

Enga Jesús chojninga: –Deréjnai e u ujetiga Dupade utocaidi uyu yise yúringai pujnuéngaisṍre.

Juan 13:1

Enga e dire chojmarai iji judíode ore jnusinamáni dire yui uje i tu Páscua. Ga jé u uje Jesús chiraja uje deréjnai e idógosi ujetiga jnoji erámone udojo ujetiga jé chicapóji dai rĩ. Jecucha Jesús chijnorapise danguresórone uje déji ore gari iji erámi, mu e idógosi ujetiga chingo dajnoraquédatéi ome ore.

Juan 16:32

A chise deréjnai jne, mu deréjnai uté e u ujetiga asícho uágaja uacajesúode erámio. Enga a ajíñoñome yu iji te jne. Mu que gusu yu iji te gotique, mu Yai u uje déji yari iji te.

Juan 7:30

Jé u uje judíode ore angaránone ore potapísa ujetiga ore chisa enga ore jno údi. Mu que togome uñeque ujetiga chisa. Uje cáma deréjnai u gu ujetiga ore chisa.

Juan 7:39

Jesús uruode qui u ujetiga gosi changureta ga jogadi u ujetiga Dupade Ujopié Espíritu Sánto chacája gosi. Mu cáma chacája Jesús anguresórone gu uje Jesús qué déji jnumone enga cáma chicáji gaté gu ome dáringai eduguéjna cuchape.

Juan 8:20

Jesús uruode u cuchade udojo uje chacate ore iji Dupade iguíjna cuchábi ajei, iji jogadi uté uje ore gueranone pi déji to. Mu que togome uñeque ujetiga chisa Jesús enga suru gai. Chamáña gu uje cáma deréjnai u gu ujetiga ore chisa.

Héchos 3:13

Mu que quigode u gotique. Yocai cásodicáite jnani bajácho Abraham, Isaac, Jacob ore angureni Dupade pésu dajnacari Jesús ujetiga sué ore gáyode jnese. Yocojningai Jesús uté u uje uaquẽchome eduguéjnane ica. Enga uje Piláto pota jeta chirame ica mu uaquetácho.

1 Pédro 1:21

Dupade u uje chiringare Crísto iji itoringai nanique enga chatire úringai eduguéjna cuchape gai. Jecute uje uacanguretáyo Crísto enga jogadi u uté to uje uacachayo uacanguretigai aja Dupade to ome ojningane cucha yúode.