Juan 16:7 - Dupade Uruode

⁷ Jé ũrepise yu ome yuruode quigode uje cucha ueradéjnai u ome uaque ujetiga e yiji. Ujetiga ca yiji iji uacari enga a yojningai uacátajasṍre a ca chise uaque jne. Jé basa yiji ome uaque enga jogadi u jne ujetiga yirógaja uaque.

Juan 16:7 Iomraidhean Croise

Sálmos 68:18

Urénga, bacáji gaté yui ga bajna basagode bajurúgayo udore aja gaté uje bo basaguíji ore. Ga erámi unirisórone ore jnese cho doré ome ua. Jé aja udore ore uje ore tagu baruode aja, ga a ore cho doré ome ua to, uje que ore pota marínga, ujetiga o bayaridíji ore ujade, Pangarádejná, Dupade á.

Lúcas 24:49

A yiroque yai Dupade Ujopié aja uaque jne uje chichaga uaque nanique. Mu jé ayáyo iji de ore idáidatéi Jerusalén, jé aja deréjnai ujetiga Dupade Ujopié uaté chise uaque to uje garani tu gatajnoquei.–

Lúcas 4:25

Jé ũrepise yu uje chequé ecadie uásejna nanique iji ore uniri Israel. Enga Dupade angúromei proféta Elías déji ore uniri uté to nanique uje que begapo rĩ iji sequeré gadióguedie, mu nóna peque uñai. Jecute chaguhéode socárome ore iji ore uniri uté údode jnese.

Lúcas 9:27

Jé ũrepise yu uje yojninga: uñane uje ore déji yocari iji de a ca ore chimo pitoringai jec aja ujetiga ore chimo Dupade úringai eduguéjna cuchape.–

Juan 14:26

Mu quigade enga Yai a chiroque Dajopié Espíritu Sánto aja uaque jne ujetiga basája yijogadi. Enga uté a chátaja uaque jne enga a chajni uacajnusiétigade jne. U to jne ujetiga chacate uágome cuchade jnese enga uté upo rĩ uje jnusinápo yacajnaquéode quigode jnese ome uaque rĩ.

Juan 14:28

E uacadúcho yuruode uje yingo yicoringai aja uaque. Jé aja ujetiga yisápo uaque rĩ ujetiga yugúsapói uacari rĩ. Ujetiga jec ũré ajnóraño yu enga a pirasitigai jogadi u ome uaque uje yicáji Yai jogadi. Chamáñaje Yai sué yibai gu.

Juan 14:3

Mu ujetiga yiji, enga e dimane uacajogadode ome uaque, enga a yĩriápo jne rĩ. Enga jogadi u ujetiga yiji uacádi. Yigaidi u gu ujetiga agúsoji ta to yiyaridi.

Juan 15:26

A yiroque Yai Dupade Ujopié Espíritu Sánto aja uaque jne uje cucha uréone gãrapié u. Enga a uacátajató u uaté jne enga a chisi ome picasitigai ome uaque jne. A yipijoguto u uaté jne.

Juan 16:8

Ujetiga uté e di iji erámi enga a chingo quigode ome erámone unirisórone ujetiga ore chiraja dáringane ate gajnarécho. Enga a chingopo quigode ome ore jne rĩ ujetiga ore chise dáringáringo ayoré ujñapetácho. Mu a chingopome ore rĩ uje ũrepise Dupade ome dajiritigade ome erámone jogosórone ore adode.

Juan 7:39

Jesús uruode qui u ujetiga gosi changureta ga jogadi u ujetiga Dupade Ujopié Espíritu Sánto chacája gosi. Mu cáma chacája Jesús anguresórone gu uje Jesús qué déji jnumone enga cáma chicáji gaté gu ome dáringai eduguéjna cuchape.

Héchos 10:34

Pédro e chacate ore enga chojninga: –Quene yiraja uje Dupade que cãra dasocárique ome erámi unirisórone uyoque iji erámi jnese.

Héchos 2:33

Jecute Dupade chiringare Jesús enga sosi iji gaté enga e déji Dupade ãrachua iji gaté. Enga jogadi u to uje Dupade chisi ome Dajopié Espíritu Sánto ome Jesús ujetiga chajnerame danguresórone. Chamáñaje Dupade jé chajo raja nanique gu ujetiga chisi ome. Enga cucha dacadode jnese uje uacamóño jé aja uacadudigode cucha iji de diri garani u uté.

Romános 8:28

Yujode Jesús anguresõre uaque á, yirajágo uje cuchade jnese uje chise Dupade ijnorasórone ore, enga Dupade doi enga chinoningase cuchade udore enga nóña ga cucha omío ome dajnorasórone ore jnese. Ga udore ore u uje Dupade ajegaite ore nanique uje e pésu dáyipiedie ome ore gu.

2 Coríntios 4:17

Yirajágo uje pirarã́itigade chise yoque iji jnumi tudé mu jĩraque jnopo rĩ, jnopo rĩ iji yoque. Mu ujetiga yimáco yógaja udore uéchai ga yocajneque cucha eyúgojmane iji Dupade idai ueradéjnai tuté. Enga yocucuecaringuei tuté a suépise yocucuecaringueque baja casé iji jnumi tudé.