Juan 16:5 - Dupade Uruode

⁵ Mu e yingome uaque uje a yicáji yirósõri Yai jne. ¿Mu gotique gu a uje que uacuñeque catecã́ri yu ome yiquitique?

Juan 16:5 Iomraidhean Croise

Juan 13:3

Jesús chirajapise darani uje Dupade u. Chirajápo rĩ uje a chajniápo aja Dupade gari rĩ. Enga chiraja uje dai Dupade chisi ome cuchade jnese ome ujetiga chijocase.

Juan 13:36

Enga Simón Pédro catecã́ri Jesús enga chojninga: –Yangarádejná, ¿acáji rique jne a?– Enga Jesús chajnai uruode enga chojninga: –A ca togome ua ujetiga ajína yu aja yijogadi, mu quigade enga a ese yijogadi jne.–

Juan 14:28

E uacadúcho yuruode uje yingo yicoringai aja uaque. Jé aja ujetiga yisápo uaque rĩ ujetiga yugúsapói uacari rĩ. Ujetiga jec ũré ajnóraño yu enga a pirasitigai jogadi u ome uaque uje yicáji Yai jogadi. Chamáñaje Yai sué yibai gu.

Juan 16:10

Enga a ore chiraja to ome uté acajnaquéode uje a ore chise dáringane ayoré ujñapetácho gu yicoringai ome Yai jogadi. Enga a ca amóñopo yu iji de jnumi te rĩ.

Juan 16:16

Idógosi ujetiga ca amóñopo yu rĩ. Mu garósi dirode iji udojo quigade ujetiga amóñopo yu rĩ. Chamáña gu uje yiji ga yicáji Yai jogadi.–

Juan 16:17

Uje ore chudute Jesús uruode udore enga acadigode uñane ore catecã́ri ñane enga ore chojninga: –¿Chimo jóroque re daruode quitique a ome yoque? Uje chojninga: "Idógosi ujetiga ca amóñopo yu rĩ. Mu a garósi dirode to iji udojo quigade ujetiga amóñopo yu rĩ. Uje yiji ga yicáji Yai jogadi."

Juan 16:28

Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–

Juan 17:13

Idógosi ujetiga e yicáji bari. Mu uje qué yugúsi erámi udé enga yicatecã́ri yanguresórone ome cuchade udore. Yigaidi u gu ujetiga yijogonóri pininaqué irágu ore ajéode to.

Juan 17:4

E yimate baroquéode ome yu jnese, jecute bangoningájnai e pijógome erámi unirisórone ore.

Juan 6:62

Ujetiga quedéjna yacajnaquéode udojo quigode ome uaque, móitapũrérase ujetiga amóño Dupade utocaidi uyu ujetiga yicapóji yijogadi casica rĩ iji gaté.

Juan 7:33

Enga jé u uje Jesús qué catecãrápoi ayorébui rĩ enga chojninga: –A yácarabíji uacari jne iji dire garósirigo. Enga quigade jne enga yajnésaru yirósõri jogadi.

Hebréos 1:3

Enga Dupade idírecaringuéi pijógapo rĩ iji Ujnacari uté. Chamáñaje Dupade adípisode jé dépisiji Ujnacari enga chojmarápise ore iji jnumi. Enga Dupade Ujnacari u uje chijocase cuchade jnese iji erámone, gaté ore ome darúdatéode. Uté jé upo rĩ uje chise erámone icaite ujetiga churu yoquisijnaringuéone iji jnumi. Quigade enga jnopome gaté rĩ. Enga chácariji dai Dupade ãrachua ome dáringai cuchape.

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.