Juan 16:2 - Dupade Uruode

² Uje a ore eduguéjnane chijócãre uáguiji ore aquiningaméone. Enga cucha dacate gajnaréngone uñane a tṍraji dajñarenie ome uaque. Enga diga a ore pota chutígome uaque uje ore jos eti Dupade ajéo ome ore ujetiga ore chujé uaque.

Juan 16:2 Iomraidhean Croise

Daniel 11:33

A chise dínique jne jeta chuque áyipierane udore ore iji israélgosode ore ujade, uje ore cho daba dajúdode Dupade uru quicho ome darása dipeséode udore ore. Ga a papose uñéngo jne, jé basa ga a porite uñane ore gajnéone cucha jnese jne, ga a ore jno uñéngo údi jeta ore cho daróguiji ore iji punire quedéjnaringo. A jé ca jĩraque cuchade udojo íjnoque jne iji israélgosode ore ujade.

Matéo 10:28

Jesús chojningápome ore rĩ: –Ca atodóyo ayoréode uje ore yugode u yocúringane unojo ayorepíso. Chamáñaje que toque ujetiga udore ore chijocasipise yocáyipiedie gotique. Mu uacatódi upusurásu Dupade. Uje que gusu ujetiga ajéraso enga uñeque toi, mu ajepóraso enga chiroguirase uñéngaja gajño pioi.–

Matéo 24:9

Mu a jé irába jne ujetiga qué ore chisa uacuñéngo. Enga a ore cho dajuñame uacuñéngo jne rĩ. Enga a ore chujé uacuñéngo to jne rĩ. Enga a ore chetaguipise uáguiji erámi údode jne. Uacabade a jé u yadode jne.

Lúcas 6:22

Anínaño uaque to ome uacajnetígo ayoréode ore ipojnaquéo ujetiga ore chujñieta uáguiji dajade uje ore chetaque uaque gu, ujetiga ayoréode ca ore ajéngome uaque ga ore tṍra uaque. Chamáñaje uacoyo uacaba yu gu uje uacarása yu to.

Juan 12:42

Mu que anguresórojma judíode ore jnese go. Uje uásejna uñéngo uje ore changureta Jesús. Enga jé chuságaja obiréjnane iji ore. Mu udore ore que ore chingo danguretigai ome Jesús aja erámi. Ore todo fariséode ore gu ujetiga ore chijócãre ore iji daquiningamei guiguíjna.

Juan 16:25

Uacamóño uje jecucha yacãra yacajnaquéode aja cuchade, mu a chisápo dínique jne rĩ ujetiga ca yacãrápo yacajnaquéode aja cuchade rĩ. Mu a yo Yai adode quique ome uaque jne enga yijna yurúpisode ome uaque uje que yacãra yacajnaquéode aja cuchade.

Juan 16:32

A chise deréjnai jne, mu deréjnai uté e u ujetiga asícho uágaja uacajesúode erámio. Enga a ajíñoñome yu iji te jne. Mu que gusu yu iji te gotique, mu Yai u uje déji yari iji te.

Juan 4:21

Jesús chojningame chequé: –Yajéode u ujetiga anguretapise yuruode. Uje que qui u ujetiga acayoi cucarani uta jeoga acayóji Jerusalén ome uacajmapiedie ome Dupade. Uje a chise deréjnai jne ujetiga ore chicota Yocai Dupade iji dayaritígo jnese.

Juan 4:23

A chise dínique, mu deréjnai e u ujetiga ũrepise Dupade adode gaisórone enga ore icotaquéode ome Dupade garanone u ore ajépisode. Chamáñaje Dupade ajegaidi u ujetiga yoquisocai u udé uje yicoi adode.

Juan 9:22

Jnani uté dayé urúo udore gu uje ore todo judíode ore angaránone. Ore chudute gu uje judíode angaránone e ore chimate dáyipiedie gu ujetiga ore chãraque daquiningamei guiguíjna ome udore ore uje ore changureta Jesús úringai pijnati Crísto.

Juan 9:34

Mu ore chojningame edopari uruode: –Basijnaringuéone u uje pésu ua ica enga edoparique ua aja guesi iji baté. ¿A ca ajéngome yoque to a? Uje bapota jeta acate yoque to ome cuchade.– Jé u uje judíode ore angaránone ore tṍra edopari aja guesi iji daquiningamei guiguíjna.

Héchos 5:33

Uje eduguéjnane chudute ore uruode enga ore ajéode dotãre ome ore. Jecute ore pésu dáyipiedie ome ñane ujetiga ore chisi ome pitoringai ome ore.

Héchos 7:56

Enga Estéban chojninga: –Cajicho to uje yimo gaté uje chuchẽre dabai. Yimópo Dupade utocaidi Jesús rĩ, enga déji Dupade ejoi tiji ãrachua.–

1 Coríntios 4:13

Ujetiga ore uruode gajnarécho aja yoque, mu que yigotágo tijode to go ome ore enga yaquírango ore ome yocuru pajnotágode. Mu jé ore ate uje ore chopise basúra iji yoque iji erámi unirisórone ujade jnese. ¡Jé aja diri tudé ga ore cho jnani ducaraníji yoque!

Filipénses 3:6

Enga fariséopise yu nanique enga yetaque pacajnaqué unejángone jnese. Jecute yo yumajo Jesús anguresórone nanique. Que yiyó Moisés acajnaquérique gánique gotique to, jecute que yurásarique chiraja daru quitíguiji yu nanique.

Apocalípsis 6:9

Uje Uté uje gajnua tu áyasa pẽrapaidé chijnime cucha catágode uñai uje e chejna yijmanai, enga jé u uje yimo Dupade anguresórone ore áyipiedie, uje chuque ore nanique uje ore cho daba datatagode Dupade urúo. Enga páyipiedie udire déji gaserani údi uje cuchiso pẽrapáidode gajneque ome Dupade.

Juéces 6:30

Ga ore chojninga: –Be bajnacari jne ga bo údi jne. A yujégo jne uje ijnimique yocangureni casé Baal iji jogadi ga íjnonguiji jnumi. Ga chijnimápo yocangurené Asera uaté gajné yocaseradéjnai uburúpie casé pore to rĩ.–