Juan 15:7 - Dupade Uruode

⁷ Ujetiga jé ajóyo uágaja yu enga que acadíchoi yacajnaquéode quigode enga jogadi u jne ujetiga atáyoi uacajegaitígo cucha iji Yai enga a chisi ome uaque.

Juan 15:7 Iomraidhean Croise

1 Reyes 3:5

Enga iji Gabaón uté ga Pangarádejnai chiqueta raja Salomón nanique iji dejai ga Dupade catecã́ri uté iji urigode, ga chojninga: –Ujetiga bajegaitique cucha déji yu, ga atáji yu.–

Sálmos 119:11

Yujuse baruode guio iji yáyipie, uje yigaidi u gu jeta jé ca yipésu cucha gajnarétique ome ua.

Sálmos 37:4

Ajmarápusu Pangarádejnai uté ome ua, ga a uté chisíome bapotigádode cucha ome ua jne, uje báyipie jnátupúsu udore gu.

Provérbios 10:24

Jnani sijnángone u uje iyieja jóroque yui jetiga cuchárique chósi ti ore, mu jé ore gajneque narañímeone cucha udore jnese. Mu unere cuchárigo yui tome jnani ate arégode udore ore ga jé ore gajneque cuchade udore.

Provérbios 4:4

Jecucha ga yapade chojningame yu to nanique: "Yababi á, be yacajnaquéode udojo ga cho ujetiga pajópio aja báyipie ga ca jnoji báyipie ga udore u ujetiga araja cuchade ome ga báringai piquetaque jogadi u.

Matéo 7:7

Jesús qué chacate ore enga chojningame ore: Ujetiga atáyoi uacajegaitígo cucha iji Dupade enga a chisi ome uaque jne. Isocai jé u gu ujetiga gosi chucué cuchárique enga diga chise. Isocai jé upo rĩ ome uacuñeque ujetiga uacuñeque pota chacája guiguíjnarique enga doi enga chujé piagoi bajaque. Enga jogadi u ujetiga pucherángai ome uté gosi. Jeoga uaque gosi chutai cucháriguiji Dupade enga jĩraque uaqueso.

Juan 14:13

Cuchade jnese ujetiga atáyoji Dupade gu uacanguretigai iji yi enga a yipésu ome uaque jne. Uje yigaidi u gu ujetiga Dupade Abi uyu yingo Yai ingoningájnai aja uaque.

Juan 15:16

Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Juan 16:23

A ca acatecãchoi yu ome cuchade iji dirode udore mu a acatecãchoi Yai ome cuchade jne. Enga jé ũrepise yu uje Yai a chisi ome uacataidode cucha jnese ome uaque jne ujetiga ẽ́cacho uacanguretigai iji yu.

Juan 8:31

Jecute Jesús cho judíode ore quique uje ore changureta enga chojninga: –Ujetiga adotáyo uáguiji yacajnaquéode enga obiréjna uje yanguresõripísode u uaque.

Juan 8:37

Yiraja uje jnani bajai Abraham ape disi ejo uaque. Mu que anguretáyo yojningane cucha ome uaque enga uacapótayo ujetiga ajéyo yu.

Gálatas 4:2

Uje qué disape ga disabi suté irodisórone cuse uje ore chusosipise guio. Jé basa ore chuse gajnéone cucha guio to jé aja dayé ojningai dire ujetiga e disabi cho dajnenguíji cuchade udore jnese.

Gálatas 5:16

Yuruode qui tu udé: ujetiga beyoi Dupade Ujopié Espíritu Sánto áyipiedie gatuaque enga a ca uacapotigué ayoréode unéningárique cusapo jne rĩ ome uaque.

Colosénses 3:16

Beyoi enga ãretáyopise uacajéode ome Crísto adode, ujetiga pacadique uágome gatuaque. Enga asíñome uacayuquetotigué omone ome ñane ujetiga oyo ñane quique, enga anejénaño ñane aja piquei gatuaque. Ujetiga ajñecacho enga uacarasitigai gajnengóri upúsu Dupade. Ajñecachója Dupade iradedie, jé iji sálmonie rĩ. Enga ajñecachója to uje edoi tu Dupade.

1 Juan 2:14

Jnanione uaque á, yurúsãre unojo ome uaque gu uje uacarajáyo uté uje jé jogate nanique uje cáma erã́tique cuse nanique. Yurusarane gajnengórone u jnacarode uaque to uje e uajate uáguiji Dupade adode uje uacamesecho Dupade uruode iji uacáyipiedie gu. Enga uacajnuéño Satanás gai ome uacanguretigade.

1 Juan 2:27

Mu Jesucrísto guerané Dajopié Espíritu Sánto déji uaque ujetiga chacate uaque ome cuchade jnese. Jecute jé ca uacáyipieraque déji pacadisõre uñeque. Uje Crísto Ujopié Espíritu Sánto acajnaquéode jé ũrepíso, enga que paringaquérique déji. Jecute jé beyoi Crísto Ujopié Espíritu Sánto acajnaquéode ome uaque enga apúyoja Crísto.

1 Juan 3:22

Enga a Dupade chisi ome yoquimeserane cucha jnese ome yoque jne ujetiga yutágoi. Yicoi uruode gu, enga yipéco uté irasigode cucha gatuaque.

1 Juan 5:14

Yanguretágo yógome Dupade yui. Yirajágo gu uje a tangári yoque jne ome yocutaidode cucha, ujetiga jé áyipiedie u ome yoque to.