Juan 15:4 - Dupade Uruode

⁴ Mu ajóyo uágaja yu. Adi u uje yajo yu aja uaque. Que togome erejna quedéjnai jmanecai ujetiga áraque cuse ujetiga gusu iji charidi. Mu adie cuse gu uje cháta raja ero. Adi jé u ome uac. Uje a ca uacáraque cuse to ujetiga ca átayo uágaja yu.

Juan 15:4 Iomraidhean Croise

Matéo 12:33

Jesús chacate ore enga chacãra dacajnaquéode aja pojníngui adie enga chojninga: –Pojnaque a ijõre enga ueradei adie. Jé adi upo ome pore betáguedie rĩ, uje a adie gajnarénguei. Poridie pijoque gu adie.

Lúcas 8:15

Mu cucha ajñunie udire uje pacáji jnumi ueratigai, gajnui tu ayoré parai uje dimane ome Dupade adode. Uje chudute Dupade uruode enga jĩrique doi. Enga chajo raja dagaidode Dupade iroquéo. Jecute jiei ate omone enga gajnua tu sequeré ueradé uje ore na dacadie enga jiépisi adie.–

Juan 14:20

Ujetiga e yiqueca iji yitoringai enga a jogadi u jne ujetiga arajáyo uje Yai, uyu yitojmárango. Enga a arajayópo rĩ uje uhuaque, uyu yitojmárango jnese to.

Juan 17:23

Yugúsi yanguresórone chojmara, chojmarane ore, adi u uje bagúsi yari. Yigaidi u gu ujetiga yáta ore aja ñane enga chojmára ore iji jnumi. Ujetiga erámone jogosórone ore chimo uje chojmára ore iji jnumi, enga jogadi u jne ujetiga ore chiraja uje batocaidi u ore angureni uyu. A ore chiraja to uje bajnorapise ore enga bajnoraquei ome ore chopise bajnoraquei ome yu.

Juan 6:56

Jecute gosi uje tagu yibai enga chójiapo yiyoi rĩ enga jé u uje uté gosi, uyu yitojmárango iji jnumi.

Juan 8:31

Jecute Jesús cho judíode ore quique uje ore changureta enga chojninga: –Ujetiga adotáyo uáguiji yacajnaquéode enga obiréjna uje yanguresõripísode u uaque.

Héchos 11:23

Uje Bernabé díji Antioquía enga irasiguipise re uje chimo uje Dupade chatapísaja purása quedéjnane to. Enga Bernabé cho ore quique enga chojninga: –Ejnáño uágaja Yocangarádejnai Jesús adode enga adotáyo uáguiji.–

Héchos 14:22

Enga ore cho Jesús anguretasórone ore quique iji ore idáyode udore jnese enga ore chojninga: –Adotáyo uáguiji uacanguretarétigai. Uje a yejnárejo yoque ome cucha dacate gajnaréngone iji de jnumi bajaque marínga, quigade ga yicagóji Dupade idai enga yocúringai purása jé u ome Dupade enga yocasuté u Dupade iji idai jne.–

2 Coríntios 13:5

Beyoi enga ajichopise uacadode aja quigode ujetiga etócho uáguiji uacanguretigai iji Dupade, jeoga ca etócho uacanguretigai iji. Jé etingachopise uaque. Ujetiga ca arajáyo uje Crísto dépisiji uacajéode enga imoi tu uje uacoyo udore ore uje ore cho Dupade anguresṍri iji re, mu Dupade que anguresõre ore go.

Gálatas 2:20

Uje Crísto cho daba yate gajnaréngone nanique ga qui tu uje jé yibaya to iji itoringai uje ore chujé iji curesei gai. Ga e que uyu upo uyu gotique rĩ, mu Jesús jé yitojmárango iji jnumi enga yucuecaringué ichai tudé garani tu yanguretigai iji Dupade abi Jesucrísto uje chijnóra yu ga tẽra re ome yu ujetiga ore chujé iji curesei gai.

Efésios 3:17

Enga uté isoca ueradi uté a chiborátaja ujetiga Crísto uté cho dayaridébei iji uacáyipiedie ajépisode jne uje uacachayo uacanguretigai aja uté. Enga yicatecã́ri Yocai Dupade ome uaque to ujetiga adotáyo uáguiji pijnoraquei adode iji jnumi, ga acãcho uágaja poria uje erode chicapísiji jnumi; ga uacajnui tupórasu guiguíjna poratique rĩ uje uajádiji gaté ome dero ueradé uaté. Enga a jé ca toguírase ujetiga cuchárique chucuase uaque gosi.

Filipénses 1:11

Yigaidi tupo rĩ ujetiga uacajnua tu poria uje adie jiépisi. Yojninganie ai u uacátegoningáne uje udore garani u uacaríjogosṍri Jesucrísto. Chamáñaje yocátegoningáne u uje pésu ga Dupade ingoningájnai pijógome erámi enga diga picotaque Dupade gu ome udore.

Colosénses 1:23

Jecute e uacajnei tu ujetiga apúyoja uacanguretigai. Enga oyo poria uje erode purúja jnumi. Uje uacadúcho Dupade áyipie piquetatodie iji taningai nanique, enga jé u uje uacanguretáyopise Dupade ojningane cucha yúode ome uaque. Jecute beyoi enga ca abéroyo uágome uacarodigode cucha udore yúode. Enga uacadudigode Dupade áyipie piquetatodie udire u uje e chubu erámi údode jnese. Uje udire atatasórone jõrai tu Páblo uyu to.

Colosénses 1:27

Enga Dupade pota ujetiga danguresórone ore chudute áyipiedie udire jnese. Chamáñaje cuchadatei gu, enga ueradépisei ome erámi unirisórone jnese. Enga áyipie omenie udire quigode u unojo: uje Crísto déji gosi, enga uté gosi a gajneque Dupade ingoningájnai jne iji gaté.

Colosénses 2:6

Yiraja uje uacasayo Yocangarádejnai Jesucrísto ome uacáyipiedie nanique. Jecute beyoi enga adotáyo uáguiji Crísto uté ejode to jne.

1 Tesalonicénses 3:5

Jecute uje que yirajápo yisocáringome uaque ica rĩ, enga yiroque Timotéo aja uaque ujetiga chatata uacasocade ome yu ome uacanguretigade iji Dupade. Yitodo ica gu ujetiga Satanás chucuase uacuñeque aja pisijnaringuéone, enga socaseti cachi yocatataguírase yocatatagode Dupade urúo ica ome uaque.

Hebréos 10:39

Mu yiraja uje uyoque enga a ca yajningopója yocate bajade jne rĩ. Enga a ca yocajneque Dupade ujuyaquédatéi te jne ujetiga chejna yoque. Mu yocanguretigai jogadípise Dupade enga a piquetaque yoque jne.

1 Juan 2:6

Ujetiga jé ũré gosi úringárique Dupade anguresõre, enga uté gosi gajnei u ujetiga ipesudode cunguésõripísi Jesucrísto ipesudi cásodicáite jne.

2 Juan 1:9

Uñeque ujetiga chajnerame cucha uñéngo iji Jesucrísto acajnaquéode iquei, que Dupade déji uté gosi gari. Mu gosi uje que chorei pacajnaquei uñeque iji Jesucrísto acajnaqué casodica iquei, Yocai Dupade déji uté gosi gari. Enga Dupade Ujnacari dépoji gari rĩ.