Juan 15:25 - Dupade Uruode

²⁵ Ore ajirigode Moisés urusarane quigode tocade ome ore adode udore. Enga Moisés urusarane chósi te: "Ore chetaque yu bisideque."

Juan 15:25 Iomraidhean Croise

Sálmos 109:3

Ga udore ore chaparu yibai ome daráñiejane udore. Uje que yatique gajnaréngome ore mu ore chisa yu pórecajna.

Sálmos 35:19

Jé ca ajuéga jeta yumajósõre bisidégode udore ore nína rágome yu jne, uje que yiraja yiba gajnetique cucha iji ore. Enga jé ca bajuegádi tupo rĩ ujetiga yetésõre bisidégode udore ore chéngame dedógade ome yu uje ore chedo yu, uje que quitique cusipise ome yu mu.

Sálmos 69:4

Yetesórone jiei ore ga ore etétigade udore ome yu ga que yitiógara gotique. Ga udore ore betígajnai sué yatererodie batigai gai. Etoguipise udore ore uje ore pota yúringárique pejnaque, yumajósõre bisidégode udore ore. Uje que yoria ore atique marínga, ore chiroque yuja jeta yatire cuchade ore gai uje chiese yoricho ome ore.

Sálmos 7:4

Jeoga yibai tu yate gajnarétique ome yijõrárique yujo ayoré uje uté gosi isocai omome yu mu; jeoga yibai u uje yoria yujórique ayoré ugúcharigo uje cachi yetétigade quicho udore ome yujoi uté ayoré gu;

Matéo 10:8

Aquetáyo ejnaretade ore to jnese jne, jé aja lépra isatígo to rĩ. Aringachopo totígo ore jne rĩ. Ajnichópo Satanás utocaidode ore iji ore pírigo jne rĩ. Enga jé ca atáyoi ore ome uacaquetatígo orérigui jne. Uacamóño uje bisideque yujopié ome uaque uje yẽrame uaque.

Lúcas 24:44

Mu jĩrique cho quique cuchade udore jnese ujeta ore chiraja quigode. Ga chósi tome ore: –Yajnéone pujuyaquéo u udore uje yingo uaque ica uje qué yugúsi uaque ica ujeta tocadepe jnese. Uje a amóño to iji Moisés urusarane quigode. Jé aja Dupade uruode atatasórone proféta urusarane quigode. Jé aja David urusarane quigode rĩ uje David urusarane udore i tu Sálmos. Uje udore ore urusarane jnese quigode u yajnéone cucha dacacho udore.–

Juan 10:34

Mu Jesús chajnai ore uruode enga chojninga: –Ja ca ajnusináño uacajirigode Dupade urúo quigode uje chósi te: "Yichajapite uacáringane eduguéjna aja uaque enga e yujo Dupade uaque to."

Juan 13:18

Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 19:36

Jesús gajnéone cucha dacacho udore tocade gu ujetiga ore urusarane Dupade urúo chise dáringáringo tocachucho to. Uje quigode u uje chósi te: "A ca pimocherãque uté ajnoquéode uñeque jne."

Romános 3:19

Yujode judı́o uaque á, pijoque uje yatatagode versı́culo ucode quisórone upúsu judı́ode uyoque. Chamáñaje versı́culode udore garani u Dupade uru pirosobádode, enga judı́ode uyoque u uje yoco yocajnéngu Moisés urusarane Dupade uru pirosobácho udore. Mu ¿cho rique judı́ode yoquisocai ome udore quigode a? ¿Ama yimáco udore aja guesi a? Úngare. Yibacóji yui arı̃a. Mu ujetiga jé ca yimécaco udore, uje Dupade cho darása iji uyoque, ¿enga purása uñane jnese chorási ringome ujetiga ore doi quigode? Que toguı́rasome ore to. Uje obiréjna ome profétade ore urusarane uje que yocuñeque dopı́si Dupade uru pirosobádode udore quigode jnese gotique. Enga jé ũré uje que toc ujetiga uñeque chise dáringárique ujñapetaque ome Moisés urusarane Dupade uru pirosobácho udore. Que udore chiqueta yoque gotique, mu yocúringane pisijnaringuéone ipesusóño choqui guesi ome Moisés urusarane udore. Uje Dupade chisı́ome daru pirosobádode ome uyoque, enga gaidi tupúsu ujetiga erámi unirisórone yipijójome yocúringane máracho jnese iji uté edominone. ¡Jé ũré Dupade uje chı̃́care yocúringane pujuyagaite! Que toc ujetiga yotigáco yoquiba gajnéone cucha, enga a pujuruque yoquibijnanone jnese jne iji uté iquei.

Romános 3:24

Mu Dupade cho ayoré ujñapetáguiji uyógome dacaniratiguédatéi, ¡enga guẽrate bisidei u! Uacamóño uje Dupade chı̃́care pisijnaringuéone oré, ga oré tu pitoringai. Jecute yocajneque pitoringai, uje yipéco pisijnaringuéone jnese ome uté. Mu Dupade chiroque datocaidi Crı́sto Jesús aja erámi ujetiga toji yoquiyaridi. Uje gaidi tu gu ujeta chirame yógome yocajnei pitoringa uté. Uje e Jesús chimate yocoré, enga que Dupade chucuepoi oréraque rı̃.

2 Coríntios 11:7

Uacamóño uje yise uáguiji taningane ica enga yacate uágome Yoquiquetangóri adode ica enga que yutai uaque ome cuchárique ica. Enga yijmátapise aja yisagode iji uacajade ica. Mu que cucha gotique ome yu uje yigaidi tu gu ujetiga yijosi uáguiji gaté ome yadode udore. A ajoso ati yate gajnarécho udore jõ.

Gálatas 2:21

Enga que yetaque Dupade áyipie omenie udire ome yu ujetiga chiqueta yu ome dajnacari Jesús. Mu ujetiga Dupade chiquetárase yógome Moisés urusarane cucha puyácho ga a ca cuchárique tõrarásiji Jesús itoringai tome yoque jeta chiqueta yoque.

2 Tesalonicénses 3:8

Que yajópo ayorérique potique bisideque ica rĩ jetiga ca yoco oré. Mu yocujuya yóguiji dirode, dejade ore ica uje yisago cuchade ica. Yoquigaidi u gu ujetiga ca yipéco uacuñeque ujuréraque ica ome cuchárique.

Apocalípsis 21:6

Unojo quigade enga chojningame yu: –E yimate cuchade jnese. Yajnua tu purusãra bajé uje i tu A, jé basa yajnua tupo purusãra ejópise uje i tu Z. Chamáñaje bajaque yu ome cuchade jnese, mu uje cuchade udore chise deruéode mu jé yijogate. Jecute uté gosi uje cajnóriji, enga a yisi ome yote uecai tome uté jne uje tṍraji sibíjnai iji gaté enga bisideque yerani yote tome uté gosi.

Apocalípsis 22:17

Dupade Ujopié Espíritu Sánto, áyasa gajnui Jesucrísto gajma ore dejéna uágaja daquigade. Enga ore chojninga: –Boyóji te é.– Jecute udore ore jnese uje ore chudute ore pijnane enga ore doi to enga ore tibidi to enga ore chojninga: –Boyóji te á.– Uacuñeque ujetiga cajnóriji, enga gosi tibágui ore pijnane udore enga chóji yote uecai iji ore gari. Chamáñaje Dupade guẽrate bisideque gu yote uecai tuté.