Juan 15:2 - Dupade Uruode

² Doi ga chibéro úva jmaneca bisidégode uje íjnoque adie. Mu chaquesu jmaneca ijorone eruéode enga chijnime acãraque betágode iji gai. Gaidi u gu ujetiga árigui jiépisi.

Juan 15:2 Iomraidhean Croise

Sálmos 92:14

A ore chise dáringáringo choquíjna marínga, a jecucha ore adie cuse gatuaque jne, ga a ore cho pore ijõre jne uje eteque surujnai.

Provérbios 4:18

Mu dajei tuté, jnani parágode ore ajnai tuté, díreca iji jnumi, enga guedé ojodie pajnotáji. Mu uje iyajmaque gosi iji dajei tuté úringai pajnaque ga jogadi u uje gosi chise dírecaringué cuchábi enga gosi nína rome.

Daniel 11:35

Ga a chise dínique jne jetiga petingarãque Dupade uruode júsorone uñéngo ore, mu Dupade a jé u jne uje juéga udore ome ore. Gaidi u jeta obiréjna ore úringane icha ome Dupade, jé aja ore úringáringo ujñapetácho, jé aja jetiga israélgosode ore gajnéone pujuyaqué quene eruei tu ome ore, uje Dupade ojningai deréjna a jé u uté jne gu.

Malaquías 3:3

Pangarádejnai gajnui u jnanírique uje chãru guebéode uje i tu óro, ga chácariji pioi ejoi ujetiga suse daborigode guio, ga iguirode bijna ome óro uté enga quene chijnimíji pioi. Ga jé Pangarádejnai isocai tu uté to ome Leví ape disi ejode ore to uje ore gajnepídi tu Dupade úringárique picatecãraite ome darasade ore to. Chinoningasipise udore jne ga ore gajnúone a jé u óro orerenie iji quigade to jne. Ga quene ore tẽrája Dupade to ome cucha ujñapetade. Enga jé u jne uje Dupade e chimesẽre ore gueranone cucha to, ga jogadi u jne jeta pajesereringai dépoji Dupade, irógode ore ome ñane rĩ.

Matéo 13:12

Mu udore uje ore chañuru darajatigade guio enga Dupade chõre ore irajatigade. Enga diga uásejna ore irajatigade jne. Mu ore uje que ore chañuru darajatigade guio enga Dupade chijna ore irajatíga garósirigo iji ore gari jne.

Matéo 13:33

Enga Jesús chojningápome ore rĩ: –Dupade urasapísode a ore chõre raque jne enga ore gajnui u arurégode bisitique to uje chequéraque chójneja harína pipesutique gai, uje gadioque tázadie. Mu jé cachodi tu uje harína pipesudi uté quérã enga cho dabai.–

Matéo 15:13

Mu Jesús chojningame ore: –Jé ore dóji. Uacamóño uje fariséode, Moisés urusarane atatasórone ore gajnúone u edoparigode. Uje cho jetiga edoparic ore enga ore chijñaque ñane aja dagaitique cucha yúrique. Diga ore basája ejopiéraque enga ore nóna ñane aja ajei. Yanguresórone ore gajnunie a u Yapade acárigui pori. Mu pore uñanie uje que acai to enga a pijnimé udire jne iji erodie.–

Matéo 21:19

Enga chimo pojnaque uje i tu higuéra iji dajere dosadi. Enga jé u uje tibágui enga ajéode u ujetiga tagu áraque. Mu que áraque cuse, gusu acarane iji. Enga Jesús catecã́ri higuéra uaté enga chojningame: –A jé ca báraque cusapo jne rĩ.– Enga jé iji deréjnai uté ga poria chiririta.

Matéo 25:29

Chamáñaje ujetiga gosi gajnéone cucha déji, jé tiógara ujetiga pisi ome uté gosi gaté. Jé basa ga gosi ujetiga gajnetígo cucha que déji enga jé tiógara ujetiga gosi gajnetígo cucha garósi poidíji gari.

Matéo 3:10

Juan chacãra Dupade isocade aja jnani utácai adode enga chojninga: –Dimane ijnosé ajineré iji utácai jmainie ujetiga chaquesu pore gajnarénguenie iji pore ueradedie ujade. Ga ducarané ujetiga papose. Uje gajnarénguei adie gu.–

Matéo 3:12

Mu Juan qué chacãrápo Dupade isocade aja utácai adode rĩ enga chojninga: –E oidi pite déji jmainie ujetiga chujé dacade iji jnumi. Enga cãra ajñunie jogadi ga cãrapo itabidode jogadi rĩ. Chuse adie guio. Mu chãru itabidode gai. Mu pioi uté uje Dupade ipesute ome ayoré sijnángone ore que eruénique cuse ome ore jne.–

Matéo 7:19

Que ducañera pore betágueraque ujetiga ca áraque cuse. A paquesu jne enga padíja pioi te jne.

Márcos 4:20

Mu ayoréode uñane ore chudute Dupade uruode ga Dupade uruode catája ore áyipiedie. Jecute ore gajnunie u cucha ajñunie uje pacáji jnumi ueratigai. Jecute jĩrique quérã enga chaquesu re ga adie cuse. Jecute ayoréode udore cho cucha ajñunie uje chaquesu re enga adie cuse. Mu adie cha ñane yui. Jecute uñane adie cho 30. Jé basa uñane cho 60. Jé basa uñane cho 100.–

Lúcas 8:13

Enga ome cucha ajñunie udire uje basája cucaranépitabui, gajnui tu ayorérique uje chudute Dupade uruode ga ca chise unerotiguérique. Changureta mu a cachi anguretíga uje petingaquéode chise uté gosi ga jĩrique anguretigai doi jnumi uje garósi anguretigai gu. Ga jĩrique cha.

Juan 15:1

Jesús chacadápo ore rĩ enga chacãra dacajnaquéode aja erejna quedéjnai uje i u úva. Enga chojninga: –Yajnua tu erejna quedéjnai úva pacáraque uje obiréjnapise. Enga Yai gajnui u utácai uje suse dacadie úva guio.

Juan 15:16

Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Juan 15:3

Mu uacajnui u úva jmanecade uje e paquesuque eruéode enga pijnimique acãraque betágode. Chamáñaje uacamesecho yacajnaquéode quigode gu uje yacate uágome diríca.

Juan 15:6

Mu ujetiga gosi ca chajo raja yu enga ducarãte uté gosi enga gajnui tu erejna quedéjnai jmanecaque paquesugode uje e toi enga pamatacho aja ñane enga quigade enga papose.

Juan 15:8

Yai Dupade úringai picotaque u uje uacabeyoi uacátegoningáne. Enga uacáringane yiroque uréone pijoque to ome uacadode udore.

Juan 17:12

Uje qué yugúsi beranone yanguresõre ore gari iji jnumi udé enga yirote ore ome bajopiédaté ujetiga ca cuchárique chósi ti iji ore. Que udore uñeque bijna ome yu. Mu chojmarai u uje bijna ome yu. Chamáñaje uté quique obiréjnai u ujetiga bijnaque. Chamáñaje ore urusarane barúo quigode jé u gu.

Romános 11:17

Jé ũré uje judíode ore gajnua tu pore pacáraque uje poria uaté ueradé, ga i tu olívo. Ga paquesuque uaté jmanecade uñane ome Dupade, ga parãcho. E mu ome purása quedéjnane uaque ga uacajnua tu poria uje i tu olívo to, mu poria uaté suéji monte bisideque. Mu Dupade doi poria gajnarengue uaté jmanecade uñane uje suéji monte bisideque ga chichagája daquesugode pore ueradé uaté jmanecade jogadode. Ga jé u uje quene udore ore cho deróji pore ueradé uaté ga ore chagutíyame ijóningai to ome dáringane ueca.

Romános 11:22

Jecute adójnangapísa Dupade adode udojo, uje icaniratiguei choquípisiji guesi, jé aja imenuringuei uté: Ome judíode uje e ore cṍra ome dotigayaquéode ome Dupade uté, ga bamo uje Dupade chijna damenuringuei aja ore; jé basa ga e bapáñaji uté icaniratiguei uté ome ua. Mu ujetiga jé ca ajo ua aja uté icaniratiguei uté ome ua ga, a oidi tupo damenuringuei aja ua jne rĩ, ome báringárique garanája guesi iji pore ueradé uaté.

Romános 8:28

Yujode Jesús anguresõre uaque á, yirajágo uje cuchade jnese uje chise Dupade ijnorasórone ore, enga Dupade doi enga chinoningase cuchade udore enga nóña ga cucha omío ome dajnorasórone ore jnese. Ga udore ore u uje Dupade ajegaite ore nanique uje e pésu dáyipiedie ome ore gu.

1 Coríntios 13:1

A irajatáguipísirase yu enga a yirajárase dara guichayade jnese. Datéringa ujetiga yirajapórase gaté unirisórone ore uruode rĩ. Mu cucha dacatique a ca tṍrarásiji yirajatigade udore ujetiga jé ca pijnoraquei déji yu. Enga a yiji enga yagúrasome yirajade dara guichaya udore, mu cachi yichora bisidécho. Chamáñaje pijnoraquei íjnonguiji yu gu.

Títo 2:14

Baraja gu uje Jesucrísto uté u uje tẽra re ome yoque. Gaidi u gu ujetiga chiqueta uyóguiji yoquisijnaringuéone jnese ome dáringai chuque. Enga churupise yoque ujetiga chinoningase yoque uje pota yógome re gu. Enga pota to ujetiga yójigoji gatéode ome yoquipesutígo cucha omío gatuaque.

Hebréos 12:15

Dupade pota jetiga chátaja yoque. Jecute ajuso uaqueo ujetiga ca etácho Dupade úringai paraque ome uaque. Ajusópise uaqueo to ujetiga uaque gosi ca cho pore paca uje adie iringonguei. Chamáñaje que cuchárique tṍraji adie udire, mu gusu uje pésu uñane ore igajnarétigade to.

1 Juan 2:19

Jesús guetesórone udore ore cháta raja Dupade anguresórone yoque to nanique, mu quigade enga ore jnoji yocari. Jecute yirajagopise uje que ũrepise ore ome dáringane Dupade anguresõre. Chamáñaje a jé ũrérase ore nanique enga a jé qué ore dérasiji yocari iji deréjnane unojo to. Jecute uje ore jnoji yocari enga e que potigayaquérique dépoji yoque rĩ uje unejanguipise ore ome Dupade anguresórone uyoque.

Apocalípsis 3:19

Uje yijnóra gosi enga jé u uje yaquĩ́ra uté gosi ome ate gajnaréngone. Mu ujetiga ca uté gosi tangári yu enga yo uté gosi ate. Jecute aguitóyo enga ecãcho uacáyipiedie quigode.