Juan 15:18 - Dupade Uruode

¹⁸ Ujetiga erámone jogosórone ore chetaque uaque enga ajnusináño uje ore chetaque yu bajaque nanique.

Juan 15:18 Iomraidhean Croise

1 Reyes 22:8

Enga israélgosode ore eduguéjnai Acab chojninga: –Uñai qué déji arı̃a, jetiga yicatecãcobi ga chingome Pangarádejnai áyipiedie ome yoque jne. Ga uté i tu Micaı́as, ga Imla ujnacari tu uté. Mu yetaque uté yui, uje ı́jnoque ujetiga uerate uruode ome yajnéone cucha dacate ujetiga chisı́rase uyu. Uté chedu chatata cucha dacate gajnarétigo ujetiga chise yu jne.– Mu eduguéjnai Josafat chaquı̃́ra dojoi eduguéjna ome uruode udore uje chojninga: –A jé ca baruode urásu udore, Eduguéjná.–

Provérbios 29:27

Ayoré ate arégode jecucha ore chetaque ayoré sijnángone ore isocade ome cuchade. Ga jé adi tupo ome ayoré sijnángone rĩ, uje ore chetaque ayoré ate arégode ore isocade to.

Isaías 53:3

Ga ujode jnani ore tagu dejode ome uté, ga que ore pota úringárique pijõra. Ga áyuguhebátaque uté iji dojode ayoré yoquijmainie, ga jecucha isocabei u uje chejnáreque rome cucha dacadode jnese iji yocujade. Ga uté jé chopise yoquimojmárique yocujo ayoré uje que gosi cho cheme iji yocujade, ga que piyaque uté gosi urúrique unétique.

Matéo 10:22

A chisápo dínique to jne rĩ ujetiga erámi unirisórone ore chetaguipise uaque to iji erámi údode. Mu a uacabade jé u yadode jne uje uacatatayo. Ujetiga adotáyopise uáguiji uacanguretigai enga a eso uacáringane piquetacho jne iji deréjna pitade.

Matéo 24:9

Mu a jé irába jne ujetiga qué ore chisa uacuñéngo. Enga a ore cho dajuñame uacuñéngo jne rĩ. Enga a ore chujé uacuñéngo to jne rĩ. Enga a ore chetaguipise uáguiji erámi údode jne. Uacabade a jé u yadode jne.

Matéo 5:11

Anínaño uaque ujetiga uacojode ayoréo ore urúrigo gajnarécho aja uaque, ujetiga ore chopo damajóji uaque to rĩ, ujetiga ore chaguhétapo cucha ponáyone uacabai rĩ. Chamáñaje uacoyo uacaba yu gu.

Márcos 13:13

A dequetéquedaté uágome erámi unirisórone ore iji erámi údode jnese jne. Mu uacaba cuchábode u yadode gu. Mu ujetiga uaque gosi chejnápise raja yadode udojo, jé aja dáringárique ducañerájma eruei, mu a jé u jne ujetiga uaque gosi chimate raja dáringai piquetaque jne ome Dupade.

Lúcas 6:22

Anínaño uaque to ome uacajnetígo ayoréode ore ipojnaquéo ujetiga ore chujñieta uáguiji dajade uje ore chetaque uaque gu, ujetiga ayoréode ca ore ajéngome uaque ga ore tṍra uaque. Chamáñaje uacoyo uacaba yu gu uje uacarása yu to.

Juan 16:1

A yingo uacajnéone cucha dacate udojo aja uaque gu ujetiga chise uaque enga ca uacanguretigai doi jnumi.

Juan 16:33

Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–

Juan 3:20

Jé ate uje cucha gajnaréngone ipesungórone ore chetaque dírecaringuéone. Enga idája ore iji dírecaringuéi. Ore ajéode u gu ujetiga ca pijoque ore ipesudode cucha gajnarécho.

Juan 7:7

Mu que togome uaque ujetiga erámone jogosórone ore chetaque uaque. Mu ore chetaque yu. Uyu u gu uje yingopísa ore ate gajnaréngone aja ore.

Héchos 14:22

Enga ore cho Jesús anguretasórone ore quique iji ore idáyode udore jnese enga ore chojninga: –Adotáyo uáguiji uacanguretarétigai. Uje a yejnárejo yoque ome cucha dacate gajnaréngone iji de jnumi bajaque marínga, quigade ga yicagóji Dupade idai enga yocúringai purása jé u ome Dupade enga yocasuté u Dupade iji idai jne.–

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.

Santiágo 4:4

Ayoré gajnaréngone uaque gu uje que apúsoi uacangureni Dupa ejórique, enga uacagaidode u erámone jogonórone cucha. ¿Ja ca arajáyo to a uje ore chijnóra erámi tuné adode enga imoi tu uje ore gueteque Dupade? Jecute gosi uje pota doi erámi jogonórone isocade, enga cho dedobóya Dupade enga e nóña enga Dupade guetésõre to.

1 Juan 3:1

¡­Yocai Dupade chijnorapise yoque, jõ! Jecute juéga ujetiga yoquíode u Dupade abode. Mu que cachi yoquío. E Dupade abipise yoque. Jecute erámone jogosórone que ore chiraja yocúringane Dupade abío. Chamáñaje que ore chiraja Yocai Dupade gu.

1 Juan 3:13

Jecute yijorane uaque á, jé ca chajuque uacagutedie ujetiga erámone jogosórone ore chetaque uaque uje jé ore ate uje ore chetaque yoque gu.

1 Juan 3:3

Udore ore jnese uje ore chirote Jesús diringai yui, enga ore suse deo iji dirode jnese. Chamáñaje ore ajegaidi u ujetiga ore chopise Jesucrísto ome úringai ueque ome pisijnaringuéone.