Juan 15:16 - Dupade Uruode

¹⁶ Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Juan 15:16 Iomraidhean Croise

Génesis 18:18

Uje que cucha bisideque Abraham gu. Jecute a yingo yáyipiedie aja jne uje gajneque yuruode gu. Uje e yingome uje ape disi ejórigo ore gajneque puniri uté jne enga a jiépisi ore iji jne enga ore cho dají jnese jne. Enga que gusu udojo mu a erámi unirisórone ore jnese ore chagutíyame uté ape disi ejórique jne. Enga a yátapísaja ape disi ejoi uté anguresórone ore jnese jne.

Sálmos 145:4

Bamaningone úringáringo picotacho a jé chuságaja pape ejórigo ore jne; ga a ore chatata bamaningone udore úringane cuchadatéo jne.

Sálmos 71:18

Ujetiga yise yúringai choquíjnape, yúringai uchṹraque ore jne, mu jé ca ajíome yu iji te jmete, Dupade á, jé aja ujetiga yatata báringai Ujopíerãque Cuchape ome disi ejode ore, betotiguejnai ome ore ape disi ejórigo jnese uje cáma ore base.

Provérbios 11:30

Uje ayoré ate arégode ore chacate dojode ayoréo enga cho ujetiga ore chṹra cucha a taja dojode ayoré ga ore tagu ga cho jetiga ore poté tuaté imanique ore aja pucuecaringuei. Enga uté gosi ujetiga pésu Dupade uruode unéningai ome dojode ayoréo enga áyipierãi tu uté gosi.

Matéo 21:22

Dupade a chisi ome uacataitígo cucha ome uaque jnese jne ujetiga anguretáyopise.–

Matéo 7:7

Jesús qué chacate ore enga chojningame ore: Ujetiga atáyoi uacajegaitígo cucha iji Dupade enga a chisi ome uaque jne. Isocai jé u gu ujetiga gosi chucué cuchárique enga diga chise. Isocai jé upo rĩ ome uacuñeque ujetiga uacuñeque pota chacája guiguíjnarique enga doi enga chujé piagoi bajaque. Enga jogadi u ujetiga pucherángai ome uté gosi. Jeoga uaque gosi chutai cucháriguiji Dupade enga jĩraque uaqueso.

Lúcas 6:13

Mu uje quene direjnipe ga tibidi dacadigode ore, ujetiga doi dajegaitígo iji ore ujade. Enga ajegaidode gare ore iji yirídai ome daroquéode. Enga chĩ́care darógode 'apóstoles' aja ore.

Juan 13:18

Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 15:19

Ujetiga erámone jogosórone urása uaque enga a ore chijnórarase uaque, adi u uje ore chijnóra darasapísode. Mu yajegaidode u uaque nanique iji ore ujade, jecute ore chetaque uaque. Chamáñaje que erámone jogosórone urásapo uaque rĩ.

Juan 15:5

Uacarajáyo uje yajnua tu ore acai ero. Jé basa uacajnúone u jmanecade. Ujetiga jé yoquijogate yóguiji ñane enga jogadi u ujetiga uacárigui uásejnai. Uacarajáyo gu uje que cuchárique togome uaque ujetiga ca átayo uágaja yu.

Juan 6:70

Jesús chajnai ore uruode enga chojninga: –¿Ja jé ca ũré a uje yajegaite yacadigode uaque uje gare uáguiji yirídai? Mu uñai déji uacajade uje Satanás déji ajei.–

Héchos 1:24

Enga ore catecã́ri Dupade enga ore chojninga: –Yocangarádejnai Dupade á, barajapise ore áyipiedie jnese. Jecute ango yoque bajegaitíguiji jnani gáreode udore ore.

Héchos 1:8

Mu ujetiga Dupade Ujopié Espíritu Sánto chacája uaque enga a uacajopiéraque cuse to jne. Enga yipijogúsorone u uaque jne iji Jerusalén, iji Judéa jnese rĩ, iji Samária jnese rĩ, iji jnumi eruéode jnese to rĩ.–

Héchos 10:41

Dupade ajéode u iji taningai ujetiga Jesús pijogúsorone u darógode uyoque, uje yátago yógaja iji posode, jódode cucha otate gáyode iji itoringai quigade diríca. Jecute chiqueta raja yoque, mu que chiqueta raja ayoréode jnese go.

Héchos 22:14

Enga Ananías chojningápome yu rĩ: "Yocayode jnani bajácho angureni Dupa e imeserãque ua, enga ajéode u ujetiga araja áyipiedie quitígo. Enga ajéode upo rĩ ujetiga amópise utocaite paraguipísi Jesús enga adute uté uruode to iji pijnani.

Héchos 9:15

Mu yocangarádejnai Jesús chojningame: –Bo ga abágui, uje yajegaite uté ujetiga jno yujnomei údi aja purása quedéjnane; jé aja ore eduguéjna cuchábode rĩ. Jé aja bojode israélgoso ore to rĩ.

Romános 1:13

Yijorane uaque á, jé ca ajoso ati jé ca yipota uaquei, uje yajéode u jórogu gatuaque ujetiga yise uaque arı̃a. Mu jecucha cucha dacadode chãraque uaquei ome yu, jé aja dirode udojo. Yijnátu uaquei gu ujeta yátaja uaque ga etoque uáguiji uacáringane Jesús anguresóño, adi tu uje e yátaja purása quedéjnane iji pidáyode uñane enga e etoque ore iji dáringane Jesucrı́sto anguresóño to.

Romános 1:5

Ome Jesucrı́sto uté ga Dupade guẽrate dacaniratiguéode ome yujode Dupade utocaicho uyoque, ga chisı́ome yocajnepı́di apóstol ome uyoque ujetiga yico ujnomé ueradi údi aja punirone jnese. Gaidi tu gu ujetiga pinejénamáite ayoré ponáyone jnese aja panguretigai iji Jesucrı́sto uté, ga angoninguite guesaque ore ome adode. Enga qui tu ujetiga Jesucrı́sto i úringai pisı́gai jogadi turásu ome ore jnese.

Romános 15:4

Adójnachopísa yurúiso udore, uje cuchade jnese uje purusãracho iji Dupade uruode icaite qui cuse ome uyoque, uje Dupade gaidi u ujetiga pacadique uyógome udore quigode. Enga jé u uje purusarane udore nejéru yocúdode uje yugúcoji cuchade jmainie, ga cho yoquiquique jetiga yidotágo yógome yocajnéone cucha dacate. Enga a chiborátarásaja ujetiga jé ca yiyágo yocangoroné ome Dupade ojningane cucha yúode, mu a yanguretágorase yui gaté.

Romános 9:21

E mu jé tiógara jeta co orangóri doi dajéode ome dajnei dachabeque arĩa. Jecute dácha orangónique ajéraso, ga chijna dachabei uté pei jeta chiro cucha onínguiji. Ga ore chañuru guio uje ore chedu cucha ujñapetai uté ome pujnusinamánone dire udore enga ujode ayoré ore cho cucha oreránguiji. Jé basa ga dácha orangóri uté ajéraso ga chijnapo dachabei uté peque uñai te rĩ ga chiro dora uje que ujñapeque go, mu gusu gaidi tu gu jetiga ujode ayoré ore chinguíraja dirode uñane, ga jé ca ore chinguíraja pujnusinamánone dire gotique.

1 Coríntios 10:11

Yirajágo uje Dupade chiroque daruode urusãrasórone nanique ujetiga ore churúsãre yocayode jnani bajácho udore ore adode aja quigode. Gaidi tu gu ujetiga disi ejode uyoque uje yugúcoji erámi eruei yúode yajico enga ca yiraco ore aja ore ate gajnaréngone to.

Gálatas 1:15

Mu Dupade a jé ajegaite yu nanique iji yaté ajei ujetiga yiji iroquéode. Chijnorapise yu gu. Enga pésu dáyipiedie ome yu.

Efésios 2:10

A jé ca uñeque chisírase dabánique arĩa, uje Dupade u uje chiqueta yoque. Ga uté cho dapesute cucha ichai iji yoque, enga chisíome pucuecaringué ichai, páyipie ichadie udire ore ome yoque gu uje Jesucrísto, yitojmárangopísiji jnumi. Uje Dupade ajequigode ome uyoque jé iji piquéode u ujetiga jecucha yocátegoningáne cusirase gatuaque iji yocucuecaringué ichai udé. Enga jé u uje Dupade e pésu dáyipie ome pátegoningáne quigode udore ujetiga dimane udore ome yoqui. Gaidi tu gu ujetiga jecucha ga yipécorásu udore ome uté.

Colosénses 1:23

Jecute e uacajnei tu ujetiga apúyoja uacanguretigai. Enga oyo poria uje erode purúja jnumi. Uje uacadúcho Dupade áyipie piquetatodie iji taningai nanique, enga jé u uje uacanguretáyopise Dupade ojningane cucha yúode ome uaque. Jecute beyoi enga ca abéroyo uágome uacarodigode cucha udore yúode. Enga uacadudigode Dupade áyipie piquetatodie udire u uje e chubu erámi údode jnese. Uje udire atatasórone jõrai tu Páblo uyu to.

Colosénses 1:6

Uje uacadúcho pacaditigade nanique ome Dupade ijnoraquei ome uaque, enga jĩraque uacanguretáyo. Uje uacarajáyo gu uje jé ũrepise pacaditigade udore. Enga uacadudigode Dupade urúo udore e chubu erámone jnese, enga e uásejnapise erámi jogosórone ore uje ore changureta Dupade uruode unojo to.

1 Timotéo 2:7

Enga Dupade ajegaite yu ome yúringai Crísto apóstol to enga chiroque yu aja purása quedéjnane to ujetiga yacate ore ome Dupade uru uréone udore ujetiga ore changureta Jesucrísto to. Enga jé ũrepise yu ome udore enga que yo yurupatáringa.

2 Timotéo 1:11

Dupade ajegaite yu ujetiga iroguipísode apóstol uñai uyu to. Enga chiroque yu aja purása quedéjnane uje que judío ore to go ujetiga yacate ore ome Dupade áyipie omenie quigode to.

2 Timotéo 2:2

Uje yacate ayorébuode ica, enga badute yacajnaquéode quigode to. Jecute be enga atata yuruode udore jnese ome bojode ayoréo uñane uje jé ũré ore to ome danguretigai ome Jesucrísto. Bagaidi tu gu ujetiga udore ore jno enga ore chajnerame pacajnaquéode udore ome dojode ayoré uñane to rĩ.

Títo 1:5

Yaquĩ́ra ua iji yote quedéjnai ajã́ro uje i tu Créta ica gu ujetiga acate ore gaté, enga apésu cucha amirone aja quigode iji ore ujade uje cáma yipéco ica. Yajéode u jeta apésu jnaníringo uñane úringane anciáno iji ore idai chojmara, chojmarane ore jnese. Enga yigaidi tu ujetiga Jesús anguresórone ore cho dangaránone anciáno iji udore iji ore uáguedie jogadode ome dáringa Dupade iglésia. Enga yijíome yiroquéode iji bari to ica ome bacuegode jnanío udore. Enga yiroquéode quigode u unojo ica:

Hebréos 11:4

Yirajágo uje jnacare bajai Abel chujé cuchiso nanique enga tẽrame Dupade gu danguretigai iji uté. Enga Abel guerani sué dajõrai Caín gueranone gai to nanique. Jecute Dupade chimesẽre Abel gueranone nanique enga cho ayoré ujñapetáguiji. Abel uté toi nanique mu cho ujetiga qué eca enga catecã́ri yoque ome panguretigai quigode.

Santiágo 3:18

Uté gosi ujetiga chucué pajesereringai ome re, enga doi enga chedupísiji dajei. Enga diga pajesereringai iji uté gosi ajei tṍra cucha omone aja guesi iji uté gosi ajei gatuaque jne. Enga úringai ate omi pijógome ore jnese.

1 Pédro 3:15

Mu eduyo Crísto iji uacáyipiedie enga oyo uacangarádejnai iji. Ujetiga uñeque catecã́ri uaque ome uacanguretigai iji Jesucrísto enga jĩraque achajnai enga atata uacanguretigai quigode ome. Mu angári uté gosi to, enga pajnotaque uacaruode ome.

1 Pédro 3:2

Ujetiga babai chimo uje bajuse badode guio enga bangaripísi, jogadi a u jne ujetiga changureta Dupade to.

1 Juan 4:10

Que pijnoraquei pijoque gu yoquijnoraquei ome Dupade. Mu pijoque gu Dupade ijnoraquei ome yoque. Uje chingo yoque dajnoraquédatéi uje chiroque dabi aja erámone nanique ujetiga cho yoquisijnaringuéone oré ome datoringai.

1 Juan 4:19

Uyoque enga yijnórango Dupade gu uje Dupade ijnoraque bajaque yoque nanique.