Juan 15:11 - Dupade Uruode

¹¹ Yurúo udojo ome uaque ujetiga pirasitigai déji yógome ñane. Yigaidi u gu ujetiga pininaquei irágu uacajéode.

Juan 15:11 Iomraidhean Croise

Isaías 53:11

Uje uté déji dáringai surujnaque gai, ga cho jeta ijnangunua chaco uté gai, ga edodie cho jnaque. Mu dépoji dírecaringuéi te rĩ ga chajire dejode mu uerate imaningone cucha aja quigode, ga irasiguipise re. Pangarádejnai Dupade júdebei uté uégome pisijnaringuéone, jecute a u jne ujetiga chejñu darajasórone ore isijnaringuéone iji ore údode ga chibéro udore iji ore gáyode. Enga jiei uté ujode ayoré uje ore chagutíyame uté isocade udore jne.

Lúcas 15:23

Enga chojningame daroi: "Be yachidé urojna ga ajé jne. Ga a yipécobu yoquibose unéningo jne ome yocajñamitique.

Lúcas 15:32

Mu cucha arei u ujetiga yipécobu yocajñamini tudé. Cucha arei upo rĩ ujetiga pininaquei irágu yoque. Uje gajnui tu diríca ujetiga e besai togome yoque. Mu chajni yoquibai ga e nóña ga ecápo rĩ uje e chisápo yoque rĩ. Gajnui tu ujetiga bijnaque ome yoque mu yicópo rĩ. Ga jé tiógara ujetiga yipéco yocajñamítedatéi tome uté."–

Lúcas 15:5

Ujetiga uté gosi chisírase dachidé bijnangue ga chisa ga chijnónguiji dorotadé. Ga jé u uje chajni aja daguíjnai. Ga nínapúsu re aja daguíjnai yui ome dachidé uje chise gu.

Lúcas 15:9

Mu ujetiga chise ga jĩrique chamáta dajoranie, daguiotodie ore ujetiga ore irasé raque to enga chojninga: "Yise yipláta bijnangue tuaqué que. Jecute yirasépise yu."

Juan 16:24

Uje uacacatecãchoi Dupade jé aja deréjnai udé mu que ẽ́cacho uacanguretigai iji yu uje uacatáyoi uacapotigádode cucha. Mu jé beyoi enga ẽ́cacho uacanguretigai iji yu enga jogadi u jne ujetiga Dupade chisi ome uacataidode cucha ome uaque. Gaidi u gu ujetiga pininaquéode irágu uacajéode.

Juan 16:33

Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–

Juan 17:13

Idógosi ujetiga e yicáji bari. Mu uje qué yugúsi erámi udé enga yicatecã́ri yanguresórone ome cuchade udore. Yigaidi u gu ujetiga yijogonóri pininaqué irágu ore ajéode to.

Juan 3:29

Jecucha pijoque jnacari úringai gapua gajmasõre. U gu uje ore déji ñane ejode. Uje gajmasṍri ujoi jnacare chudute dajõrai arecujaidie enga pininaquei irágu. Adi jé u iji deréjnai udé to uje yirasitigai irágu yu uje yudute yujoi Dupade utocaite ujnomei to.

Romános 15:13

Uacamóño uje panguretigai guẽrasṍri Dupade uté u uje pésu ga uacanguretáyo ojningane cucha yúode. ¡Ga yipésupú ga uté pésu ga irágupúsu uacajéode ome pininaquei, pajesereringai ore jnese uje uacanguretáyo uté! Enga qui jé u ujetiga uacaríjogonóri Espíritu Sánto chisíome detotiguei ome uaque ujetiga uacanguretigade udore quérã gaté ome Dupade ojningane cucha udore yúode gatuaque.

2 Coríntios 1:24

Que yipótago ujetiga yipéco uacanguretigai unerotiguérique ome uaque. Chamáñaje yirajágo uje uacanguretigai etoque gu iji Dupade. Jé basa yoquigaidi tu ujetiga yátagoja uaque enga uacaninaquéode quérã to iji Dupade adode.

Efésios 5:18

Jé ca ũruso uágome vínoi, yote pioque ponáyone udore jnese, yijorane uaque á. Chamáñaje yote pioi yugode ijocayato tu dajodé uaté, enga ore ũrusoringuéone chiborátaja pisoca noñaque ponáyone jnese uje pajegátigai gose pisocade udore. Jé basa ga eduyo ajuécho uágome Dupade Ujopié Espíritu Sánto uaté, ujetiga uaté u uje chĩreta uacáyipiedie ome dajequigode cucha enga chijocase uaque gatuaque.

Filipénses 1:25

E yiraja uje arei tu jetiga yiqueca enga yátabája uaque gaté jne ujetiga aquéraño iji uacanguretigai ome Dupade. Yigaidi tu gu jetiga uacarasique uaque gaté ome uacanguretigai.

1 Tesalonicénses 5:16

Jecucha anínaño uaque gatuaque.

1 Pédro 1:8

Yirajágo uje uacajnóraño Jesucrísto uje que amóño ome uaquedodie. Que amóño marínga, jé uacanguretáyo. Jecute uacarasiguipise uaque. Enga que uacarúrigo cus ome uacaninaquei uté uje uacarasiguipise uaque gu.

1 Juan 1:4

Enga yurúsãco yocurusarane unojo ome uaque gu ujetiga arajáyo quigode to enga yoquininaquéode tadipíso jnese.

2 Juan 1:12

Yacajnaquéode amirone qué uásejna ome uaque. Mu que yipota ujetiga yicháji yurusãratígo. Yipotigádi upúsu ujetiga yibaguipísabí uaque, enga yacate uaque ujetiga e yimóngo ñane. Yigaidi u gu ujetiga yinínangopúsu ñane jne.