Juan 15:10 - Dupade Uruode

¹⁰ Ujetiga beyoi yiroquéode quigode enga a uacajogate iji yijnoraquéode. Adi jé u ome yu uje yiji Yai iroquéode enga jé yijogate iji Yai ijnoraquei ome yu.

Juan 15:10 Iomraidhean Croise

2 Samuel 22:22

Chiraja gu uje jecucha yangári ga yijogate uté quigade gatuaque. Enga que yetaque uté uru quitique gotique ome yu.

2 Reyes 18:6

Uje ũrepise Ezequı́as ome danguretigai, ga chajo raja Pangarádejnai uté, enga que chicáji siñéngome uté. Mu chajna Pangarádejnai uté uru iyiejnane quigode iji jnumone uje Pangarádejnai chisı́ome Moisés nanique jeta chajnerame darasade ore.

Éxodo 7:6

Moisés, Aarón que chimoque Dupade uru quitígome re uje ore pésu udore aja quigode nanique.

Juan 10:18

Que togome uñeque ujetiga chijna yucuecaringuei iji yari. Mu yajéode ome yu u ujetiga yẽra yu. Enga yajnei u ujetiga yijnime yucuecaringuei iji yu, enga yajnei upo rĩ ujetiga yatirépo yibai. Yai jé urúo nanique gu ome yu.–

Juan 12:49

Uje yuruode udore que garani u yu gotique mu garani u yai Dupade. Chamáñaje yuruode, yacajnaquéode ore quigode upúsu yirósõri Yai áyipiedie quigode.

Juan 14:15

Ujetiga ajnóraño yu enga beyoi yiroquéode.

Juan 14:21

Ujetiga gosi chiraja yiroquéode quigode enga doi enga pésu, uté u uje chijnóra yu. Enga Yai chijnóra uté gosi gu ijnoraquei ome yu. Que gusu Yai uje chijnóra uté gosi mu uyu u to uje yijnóra, enga a yingo yu aja uté gosi jne.–

Juan 14:23

Jesús chajnai uruode enga chojninga: –A gusu yingo yu aja yangarásõripísode. Uje uté gosi ujetiga chijnóra yu doi ga pésu yuruode quigode. Jecute Yai a chijnóra uté gosi jne. Enga a Yai uyoque yátago yógaja uté gosi.

Juan 14:31

Mu yajnéone cucha a tocade jne ome yu. Yigaidi u gu ujetiga erámone jogosórone ore chiraja yijnoraquei ome Yai. Enga u to ujetiga ore chiraja uje yipésu yirósõri Yai ojningane cucha ome yu. E gusu yacajnaquéode udojo ome uaque. Boyo, yico iji de.–

Juan 17:4

E yimate baroquéode ome yu jnese, jecute bangoningájnai e pijógome erámi unirisórone ore.

Juan 4:34

Jesús chojninga: –Yibosode u yirósõri Yapade iroquéode. Yajéode u ujetiga yimate uté áyipiedie aja jnumi.–

Juan 8:29

Uacamóño uje yirósõri uté u uje déji yari. Enga Yai que noñome yu iji te go. Chamáña gu uje yipesudode jecucha u ajegaidode cucha, jecute irasiguipise yu.–

Juan 8:55

Chiese uacangureni u Dupade mu que arajáyo go. Uyu u uje yiraja. Ujetiga yojningárasa: "Que yiraja Dupade," enga a yorase uaque ome uacáringane urupatáquechoquío. Mu jé ũré yu uje yimo Dupade enga que yiyó ojningárique cucha gai ome yu.

1 Coríntios 7:19

Chamáñaje que cucha ome Dupade gu ujetiga picaque uacádode, jeoga ca picaque uacádode. Mu Dupade ucuegode u ujetiga angoninguite guesaque uágome ipotigádode cucha.

1 Tesalonicénses 4:1

Yocujode Dupade anguresõre uaque á, e yoco quique uágome pisocágoningáne ica, uje Dupade irasicho. Ome yajéode ga e beyoi pisocágoningáne udore isocade. Mu uje Yocangarádejnai Jesús iroque yoque aja uaque enga yijóchago uacajéode údi gaté ujetiga jé boyo pisocágoningáne udore údi gaté.

Hebréos 7:26

Jecute Jesús jé upúsu yocucuei pangarate cuchape ujetiga catecã́ri Dupade ome yoque. Uje ueque gu ome cucha gajnaréngone, pisijnaringuéone ore jnese. Enga Dupade e cãra jogadi ome pisijnaringuéone ipesusórone ore jnese. Enga uté jogadi jé upúsu Dupade gari iji guéode uéchai.

2 Pédro 2:21

Cucha arei urásu ome uté gosi ujetiga ca chirajárase Dupade ajegaidode cucha ueracho ome yoque. Uje Dupade ujuyaquei a ca chajire re ome udore ore jne uje ore chiraja Dupade uru iyiejnane ujetiga ore doi quigode, mu ore chicai quedéjnane ome.

1 Juan 2:3

Ujetiga yipéco Dupade ojningane cucha, enga a ca potigayaque yoque jne uje yirajágo Dupade.

1 Juan 2:5

Jé basa enga gosi uje pésu Dupade ojningane cucha enga imoi u uje Dupade ijnorangóri upúsu uté gosi. Enga a yirajágo unojo gu jne uje Dupade anguresõre yoque ujetiga yicoi ojningane cucha.

1 Juan 2:6

Ujetiga jé ũré gosi úringárique Dupade anguresõre, enga uté gosi gajnei u ujetiga ipesudode cunguésõripísi Jesucrísto ipesudi cásodicáite jne.

1 Juan 5:3

Jecute gosi a chijnóra Dupade enga gajnui u ujetiga pésu iroquéode. Enga Dupade iroquéode que piraque ome gosi.

Apocalípsis 22:14

Pininaquei jogadi tu ome udore ore jnese ujetiga puruguei ore iguidedie enga póroroi. Uje a udore ore gajnei tu jne ujetiga ore chacája Jerusalén icha piagode. Enga a ore gajnei tupo jne rĩ ujetiga ore tagu poria adie uje pucuecaringuei déji.