Juan 15:1 - Dupade Uruode

¹ Jesús chacadápo ore rĩ enga chacãra dacajnaquéode aja erejna quedéjnai uje i u úva. Enga chojninga: –Yajnua tu erejna quedéjnai úva pacáraque uje obiréjnapise. Enga Yai gajnui u utácai uje suse dacadie úva guio.

Juan 15:1 Iomraidhean Croise

Matéo 15:13

Mu Jesús chojningame ore: –Jé ore dóji. Uacamóño uje fariséode, Moisés urusarane atatasórone ore gajnúone u edoparigode. Uje cho jetiga edoparic ore enga ore chijñaque ñane aja dagaitique cucha yúrique. Diga ore basája ejopiéraque enga ore nóna ñane aja ajei. Yanguresórone ore gajnunie a u Yapade acárigui pori. Mu pore uñanie uje que acai to enga a pijnimé udire jne iji erodie.–

Matéo 20:1

Ujetiga Dupade e di dáringai eduguéjna údi iji jnumone enga a isocai tu jnanírique uje chobere aja dajesúrique uje chucué darótigo ujetiga ore na acadie úvai.

Matéo 21:33

Jesús qué jno dacajnaquéode gajnúrique cucha údi enga chojninga: –A qué yipésabu yacajnaquéode gajnúrique uñeque jne rĩ. Jnani déji nanique enga pésu dejnai enga chaca úvadie iji. Mu chicha dajuyaquéode aja dacadie gai. Enga pésu dacadie úvai jogadi ujetiga chijose iji. Pésapo guiguíjna umari iji dosadi te rĩ ujetiga uñeque cháji enga chajire guejnai údode. Quigade uje chimate dadode iji dejnai enga chisi ome dejnai ome jnani uñane. Pota jeta ore na iji sequeré, enga ore tẽra, enga gajnei oredie petique. Enga jé u uje guejnasṍri jnome dajesui erãpe uña.

Márcos 12:1

Jecute Jesús chacate ore gaté mu chacãra dacajnaquéode aja cuchade. Enga chósi tome ore: –Jnani déji nanique uje chaca dacadie úvai iji dajuyaquéode ajei. Mu jé u uje pésu guiguíjnarique ome dacadie udire ujetiga chijose úva udire adie iji ajei. Jecute pésapo cototé gajnúraque rĩ ujetiga chicha irodisóningo aja enga ore chajire udire ejode. Mu quigade ga jnani uté chajuguína dajnepídi uté aja darógode uñéngo ujetiga ore chajire dajnepítigo guejnai tuté yúode. Mu ujetiga diga ore na acárigui árigui ga ore chajuguína oredie ome ñane, jé aja ore irósõri to uje gajnei úvadie udire. Ga jé u uje uté jnome daquitique ome pachamite quedéjnarique.

Lúcas 13:6

Jesús chacãra dacajnaquéode aja pore pacáraque enga chojninga: –Jnani déji nanique uje chaca daca pore uje i tu higuéra, ga tibágui daca pore ujetiga árigui cus. Mu chise mu que áraque cusipise go.

Juan 1:17

Yirajágo uje Moisés di Dupade iroquéode údi iji darasade ore nanique. Yirajágopo rĩ uje Jesucrísto iringuío dai Dupade ijnoraquei údi ome yoque. Enga e yirajágo cucha uréone gu Jesucrísto.

Juan 1:9

Enga Juan atatagode u uje dírecaringuéi guẽrasõripísi uté a jĩraque di jne iji erámone. Enga dírecaringuéi uté u uje chijñate erámi unirisórone ore gáyode jnese.

Juan 15:2

Doi ga chibéro úva jmaneca bisidégode uje íjnoque adie. Mu chaquesu jmaneca ijorone eruéode enga chijnime acãraque betágode iji gai. Gaidi u gu ujetiga árigui jiépisi.

Juan 6:32

Jesús chajnai ore uruode enga chojninga: –Jé ũrepise yu uje que Moisés u go ujetiga guẽrate arurégode udore uje tṍraji gaté ome ore nanique. Mu yai Dupade guẽracho ome ore nanique. Enga Yai e ajéode u ujetiga chisi ome arureque uñai ome uaque uje tṍraji gaté to, mu suépise arureque maná gáyode.

Juan 6:55

Chamáñaje cucha pibotíguipíse yibai, enga cucha pijotáguipíse yiyoi rĩ.

Romános 11:17

Jé ũré uje judíode ore gajnua tu pore pacáraque uje poria uaté ueradé, ga i tu olívo. Ga paquesuque uaté jmanecade uñane ome Dupade, ga parãcho. E mu ome purása quedéjnane uaque ga uacajnua tu poria uje i tu olívo to, mu poria uaté suéji monte bisideque. Mu Dupade doi poria gajnarengue uaté jmanecade uñane uje suéji monte bisideque ga chichagája daquesugode pore ueradé uaté jmanecade jogadode. Ga jé u uje quene udore ore cho deróji pore ueradé uaté ga ore chagutíyame ijóningai to ome dáringane ueca.

1 Coríntios 3:9

Yujode Dupade anguresõre uaque á, jé ũré uje Apólos, jé aja Páblo uyu ga yátagoja ñane ome yoquisagode Dupade iroquéo. Enga jé u uje yoco utácarique irógode uje ore pésu darósõri uté guejnai. Jé basa ga coríntogosode uacajnúone u Dupade guejnai uté. Mu yacãrápo uágaja pipesudi guiguíjna rĩ uje ipesungóri u Dupade.

1 Juan 2:8

Mu cho ujetiga piroqué icha uté uje yurúsarome uaque iji yurusarane unojo. Enga piroqué ichai tuté gaisṍri u Crísto nanique, jé basa gaisórone u uaque to iji deréjnane unojo. Chamáñaje ijnangununie e idája iji yoque enga diga a bijna jne ome yoque. Jé basa e dírecaringué ũrepísi u uje e chijñate yoquibáyode.