Juan 14:6 - Dupade Uruode

⁶ Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Juan 14:6 Iomraidhean Croise

Matéo 11:27

Jesús cha catecã́ri dayé Dupade enga chojninga: –Yai tẽra cuchade ome yu jnese. Enga gusu Yai uje chiraja dajnacari uyu. Que ayorérique chirajapise yu to go. Que pirajagápo Yai to rĩ. Gusu yu uje yirajapise. Gusuapo yu rĩ uje a yingo Yai aja yipotigátigo ore jne.–

Juan 1:14

Enga Dupade áyipiedie pijogúsõri pésu re enga cho erámi unirísõri iji re to nanique. Enga déji yocujade nanique iji erámi udé. Enga chijnorapise yoque. Enga ũrepísei arecujaidie. Yimóngo ingoningájnai. Enga cuchadaté ingoningájnai uje Dupade ape ugurui u uté gu.

Juan 1:17

Yirajágo uje Moisés di Dupade iroquéode údi iji darasade ore nanique. Yirajágopo rĩ uje Jesucrísto iringuío dai Dupade ijnoraquei údi ome yoque. Enga e yirajágo cucha uréone gu Jesucrísto.

Juan 1:4

Enga pucuecaringuei gajnesṍri u uté. Enga quene díreca jnanione ore áyipiedie uje uté guẽrate pucuecaringuei ome ore.

Juan 10:28

Uyu u uje yẽrate pucuecaringué eyúgojmai ome yirodedie áyasai udire. Enga jogadi u uté ujetiga ca togadegue uñáraque. Que togome uñeque rĩ ujetiga chijna uñáraque iji yijmainie.

Juan 10:7

Jé u uje Jesús chingome ore gaté. Enga chojninga: –Jé ũrepise yu ome udojo uje yojninga: yajnui u áyasadie pié piagoi ujetiga áyasadie chacája dabié.

Juan 10:9

Yajnui u guiguíjna piagoi aja Dupade yui. Ujetiga gosi chacája yu enga chise dáringárique piquetaque jne. Enga gajnúraque a u yachidéraque áyasa uje gajné u dabié ujetiga chacája jeoga doi guesi ujetiga chucué dabose jnacaratique.

Juan 14:19

Idógosi ujetiga ayoréode ca ore chimópo yu rĩ. Mu uaque u ujetiga amóñopo yu rĩ. Chamáñaje a yitoi mu a yiquecápo rĩ jecute a uacasocai u uté to jne. A aquecáyo jne iji deréjnane jnese.

Juan 15:1

Jesús chacadápo ore rĩ enga chacãra dacajnaquéode aja erejna quedéjnai uje i u úva. Enga chojninga: –Yajnua tu erejna quedéjnai úva pacáraque uje obiréjnapise. Enga Yai gajnui u utácai uje suse dacadie úva guio.

Juan 18:37

Jecute Piláto catecãrápoi rĩ ga chojninga: –¿Jé ũré ua ya ome báringai eduguéjna cuchape?– Enga Jesús chojninga: –Ejẽ́. Jé ũré baruode uje eduguéjna yu. Mu yibase nanique gu ujetiga yingo cucha uréone ome erámi unirisórone ore. Enga cucha uréone ijnorasórone ore jnese tangári yacajnaquéode quigode.–

Juan 5:21

Uacarajáyo uje yai Dupade chiringare togode enga ore ecápo rĩ. Adi jé u ome Ujnacari uyu. Ujetiga yipota enga yiringare togode ore to enga ore ecápo to rĩ.

Juan 6:33

Enga Dupade guerani arureque uñai u datocaidi uje garani jé u gaté to. Mu uté u uje chisi ome pucuecaringué eyúgojmai ome erámi unirisórone.–

Juan 6:51

Enga arureque uecai uté uje tṍraji gaté jé upúsu yu. Ujetiga gosi tagu arureque uecai uté enga eca iji deréjnane jnese. Yerani uté arureque gajnui jé u yibai. Uje a yẽra yu jne ome erámi unirisórone ore jnese. Yigaidi u gu ujetiga ore chise dáringane eca iji deréjnane jnese.–

Juan 6:57

Pucuecaringuei garani u yirósõri Yai enga yiqueca gu uté. Adi jé u uté gosi ujetiga cho cucha pibotíji yu, uté gosi eca gu uyu.

Juan 6:68

Mu Simón Pédro catecã́ri enga chojninga: –Yocangaráni á, que togome yoque ujetiga yico to. Uje que pacadisṍri uñeque déji ujetiga uruode cho baruode. Ua u gu uje baruode chisi ome pucuecaringué eyúgojmai ome yoque.

Juan 8:32

Enga a arajáyo cucha uréone udore enga gajnui u ujetiga chijnime uaque iji uacasasórone jmainie.–

Juan 8:51

Jesús jno daruode údi enga chojninga: –Gosi ujetiga doi yacajnaquéode quigode enga a ca gosi chimo pitoringai ome re iji deréjnane jnese.–

Héchos 3:15

Diga uacajéyo pucuecaringuei guẽrasṍri mu Dupade chiquetápo iji itoringai rĩ. Ga imosórone u yoque uje ecápo rĩ, enga jé yingongome uaque.

Héchos 4:12

Enga que piquetangore uñeque cuse. Gusu uté. Uje Dupade ojningai chojmára iji erámi unirisórone jnese ujetiga chiqueta ore. Enga Jesús uté u.–

Héchos 9:2

Enga chutai eduguéjna cuchábi urusãratígo ujetiga chijna aja ore idai Damásco. Gaidi u gu ujetiga chisi ome uté urusãratígo ome judíode eduguéjnane iji ore aquiningamei guiguíjna. Enga ore juéga Jesús anguretasórone ome ujetiga jno ore údi aja Jerusalén ujetiga suru ore gai iji. Que gusu jnanione uje chucué ore mu chátaja chequedíe aja dacuegode udore to.

Romános 15:16

Enga chutṍri yu ome yúringai Jesucrísto iroque jeta yatata pujnomé ueradi uje garani jé u uté ome purása quedéjnane ore. Ga yajnui tu sacerdote uje tẽra darasade ore guẽrapáidode cucha ome Dupade uté; e mu cho jetiga yẽrapáidi cucha u purása quedéjnane ore jnese uje e ore changureta pujnomé ueradi uté ome yacajnaquéode udore. Uje yẽra ore aja Dupade enga yigaidi tu jeta uté chimesẽripise udore, ome Dupade Ujopié Espíritu Sánto isocai uté uje e chopise Dupade gajnenguíji ore ome ore úringane pinoningañaque.

Romános 5:2

Jesucrísto u to uje pésu ga guesája Dupade yui ome yoque gu uje yanguretágo. Uje uté chijna uyógaja Dupade ujetiga yimóngo icaniratiguéode ome uyoque. Enga jé u uje yoquijogate Dupade uté icaniratiguédatéi jmainie gatuaque iji deréjnane jnese. Enga jé u uje yinı́nango yoque uje yanguretágo Dupade ingoningájnai yui jeta chingongarája yoque jne, enga a yoco yocajnéngu uté ingoningájnai to jne.

Romános 5:21

Jecute e pijoque pisijnaringuéone, Dupade icaniratiguédatéi, ore isocade iji ñane: Ome pisijnaringuéone úringai ujopíerãque, jé tagúome pitoringai ujetiga sué erámi unirisórone yoquibáyode jnese. Jé basa ga Dupade cutejmai icaniratiguédaté tu uje pijógome dáringai pujnuéngaisõripíse, uje suépise pisijnaringuéone gai. Obiréjna udojo gu uje Dupade cho ayoré ujñapetáguiji uyoque enga chorei yóguiji pucuecaringué eyúgojmai uté. ¡Enga cucha pagutíyabádode udojo jnese tocade ome yoque gu Yocangarádejnai Jesucrísto adode ome yoque!

1 Coríntios 15:45

Ore urusarane Dupade urúo chósi tome yoque: "Uje Dupade tẽrája pucuecaringuei ome jnani bajai Adán nanique enga jé basa Adán chajnerame dajnei tuté pucuecaringué tome yoque ga yiquecágome to." Jé basa Adán uñai u Crísto to uje tẽra pucuecaringuei ome yoque to, mu pucuecaringué eyúgojma tuté guerani tome yoque. Chamáñaje gaté unirísõre uté gu.

Efésios 2:18

Jecute ome Crísto adode ga e guesája Dupade yui ome uyoque jnese - ujetiga judíode u, jeoga purása quedéjnane u, mu yoquisocai jé chojmara ujetiga yico Yocai Dupade uté. Chamáñaje chojmara Dupade Ujopié uaté gu, enga uaté u uje déji uyoque jnese.

Colosénses 2:17

Uje yimóngo ayorérique oréraque enga yirajágo uje idógosi oresṍri iji. Enga a jé isocai u to ome judíode ore jmapiedie jnese. Cachi pocoré bisideque cuchade udore. Mu tocade enga oresṍri tupúsu Crísto iji cuchade udore quigade.

Colosénses 2:9

Uacarajáyo uje Dupade adipísode déji Crísto to uje chojmarápise ore iji jnumi gu.

Colosénses 3:4

Yirajágo uje yocucuecaringué ichai uné guẽrasṍri tu Crísto, enga ujetiga uté di jne enga a jĩraque agúsoji gari to jne iji guéode. Enga a uacajneque uté ingoningájnai jne.

Hebréos 7:25

Ujetiga ayorérique pota tibágui Dupade enga doi enga changureta Jesús ome Dupade yui, enga Jesús ujopié cuse ome udore ore jnese ujetiga chiqueta ore. Chamáñaje eca Jesús iji deréjnane jnese gu enga jecucha ga chijócha Dupade ajei údi ome yoque.

Hebréos 9:8

Dupade Ujopié Espíritu Sánto cho cuchade udore quique ome yoque enga chósi te: uje pangaránone qué ore pésu cuchade aja quigode iji ajé bajai, enga jé basa que pibípise Ajé Puyaguipise uñai uté ome ayorérique.

1 Pédro 1:21

Dupade u uje chiringare Crísto iji itoringai nanique enga chatire úringai eduguéjna cuchape gai. Jecute uje uacanguretáyo Crísto enga jogadi u uté to uje uacachayo uacanguretigai aja Dupade to ome ojningane cucha yúode.

1 Pédro 2:4

Átayo uágaja Yocangarádejnai Jesucrísto. Uje Yocangarádejnai gajnua tu cucarané uje ueca. Mu jnanione ore chetaque enga ore tṍra. Jé basa Dupade chisa dajegaidé cucarané uaté. Chiraja gu úringa orerẽ́.

1 Pédro 3:18

Uacamóño uje Crísto toi ome yoquisijnaringuéone ga chojmarápise enga e gusu. Mu que tiógara dáringai pujuya nanique uje ate areque gu, mu cho daba sijnángone uyoque enga toi ome yoquisijnaringuéone. Gaidi tu gu ujetiga chinoningase yoque enga chijna yógaja Dupade jogadi. Yirajágo to uje Jesús aoi u uje toi nanique, mu Ujopié u uje chiringare aja gaté.

1 Juan 1:8

Mu ujetiga yojnico: "Que yisijnaringuérique cuse," enga yocarane jé u yoque, enga taque yoque.

1 Juan 2:23

Gosi uje chotigase Jesús úringai Dupade ape enga que cuchárique déji uté ome Yocai Dupade to. Mu gosi uje que otigayaquérique déji Jesús ome úringai Dupade ape enga Yocai Dupade déji uté gosi gari to.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.

1 Juan 5:6

Yirajágo uje Jesucrísto chise erámone unojo nanique enga pijoque úringai Dupade ape nanique ome cucha gáreode. Uñai u yodi uje ore tṍraja yodi nanique. Mu que gusu yodi go, mu iyoi upo rĩ uje toji curesei enga chojne ome dayoi nanique. Enga Dupade Ujopié Espíritu Sánto chatata unojo úringane ũréo to. Enga yirajágo uje ũrepise Dupade Ujopié ome ojningane cucha jnese.

2 Juan 1:9

Uñeque ujetiga chajnerame cucha uñéngo iji Jesucrísto acajnaquéode iquei, que Dupade déji uté gosi gari. Mu gosi uje que chorei pacajnaquei uñeque iji Jesucrísto acajnaqué casodica iquei, Yocai Dupade déji uté gosi gari. Enga Dupade Ujnacari dépoji gari rĩ.

Apocalípsis 1:5

Enga pajesereringai, pininaquei ore garani upo Jesucrísto to rĩ ome uaque, uje ũrepise uté ome dojñane iji Dupade adode. Enga uté u bajai nanique uje ecápo rĩ iji datoringai. Jecute uté u uje etotiguei suépise eduguéjna jnutiminórone etotiguéode gáyode jnese iji erámi tuné. Mu Crísto uté jé u to uje chijnorapise yoque enga chinoningasipise yoquisijnaringuéone ome dayoi.

Apocalípsis 19:11

Cucha dacadode unojo quigade enga yimo guéode uje chuchẽre dabai. Enga burica póroroi tṍraji. Enga charipísõri i u Uru Ũrei, uje eduguéjna uté. Enga chirodipise darasade. Enga que pésu pocaningárique bisideque rĩ.

Apocalípsis 20:15

Enga Dupade tṍra ore aja gajño pioi to uje que ore íode déji Dupade yugode darujna ao to, uje pucuecaringuei gajnengórone ore íode déji.

Apocalípsis 22:1

Enga Dupade iroque gaté unirísõre chingome tié tome yu uje uaté que iguínique cuse. Enga tié tuaté yocárepise uje pucuecaringuei déji uaté. Enga cho ajicaranone. Enga tié tuaté tṍraji Dupade, Jesucrísto ore charipi cuchábi. Uje Jesucrísto uté gajnua tu áyasa pẽrapáideraque.

Apocalípsis 22:17

Dupade Ujopié Espíritu Sánto, áyasa gajnui Jesucrísto gajma ore dejéna uágaja daquigade. Enga ore chojninga: –Boyóji te é.– Jecute udore ore jnese uje ore chudute ore pijnane enga ore doi to enga ore tibidi to enga ore chojninga: –Boyóji te á.– Uacuñeque ujetiga cajnóriji, enga gosi tibágui ore pijnane udore enga chóji yote uecai iji ore gari. Chamáñaje Dupade guẽrate bisideque gu yote uecai tuté.

Apocalípsis 3:14

Enga Jesús chojningápome yu rĩ: –Arúsãrape yuruode ome Dupade anguresórone ore angaráni uje déji Laodicéa enga ósi te: "Ũrepise uacacatecãraisṍri uyu. Enga uyu u uje yatatapísa Dupade uru uréone nanique ome ore. Enga Dupade angúromei upo yu rĩ nanique ome dapesudode cucha jnese iji erámi taningane.

Apocalípsis 3:7

Enga Jesús chojningápome yu rĩ: –Arúsãrape yuruode ome Dupade anguresórone angaráni uje déji Filadélfia enga ósi te: "Ueguipise uacacatecãraisṍri uyu ome pisijnaringuéone enga ũrepise yu rĩ. Enga jnani bajai eduguéjna David gajné llave déji yu. Jecute a yuchẽre cuchárique gai enga que toc ujetiga uñeque suruápo gai rĩ. Jé basa a yujuru cuchárique gai enga que toc ujetiga uñeque chuchẽre gai.