Juan 14:5 - Dupade Uruode

⁵ Tomás chojninga: –Yocangarádejná, que yirajágo baquitique. ¿Jé yoco rique jne a ujetiga yajnángo dajei aja baqui yui?–

Juan 14:5 Iomraidhean Croise

Matéo 10:3

Jeque acadique uñane ore íode u Felipe, Bartolomé, Tomás. Matéo upo uñai rĩ uje utaite ore ome ore iplátadie ome dasutedie nanique. Jacóbo u uñai uje dai tu Alféo. Lebéo u uñai uje i uñai tu Tadéo.

Márcos 9:19

Mu Jesús chajnai uté ga chojningame ore: –Yidojnóngapísaja uaque uje a ca uacanguretigárique cuse. ¿Chimo jóronguiráse re díningo ujetiga qué yugúsiji uacari iji de ome uacáringane ayoré angoninguite paricho? Boyo ga beyoi disi tuté ga ajnáño aja ne.–

Lúcas 24:25

Jecute Jesús chajnai ore ga chósi tome ore: –¿A ca pijnimique uacãrírique jõ ome uacajné casodica pacajnaquéo? Uje a arajáyo Dupade uruode atatasórone, jnani bajaque urusarane quigode ica mu a ca anguretáyopise go.

Juan 11:16

Mu Tomás catecã́ri dojode Jesús acadique ore enga chojninga: –Boyo yico, yijínango, enga yoco yoquibaya jne iji ta ujetiga ore chujé.– Tomás uté u uje garaja ore nanique.

Juan 14:4

Uacarajáyo yiqui enga uacarajayópo dajei te rĩ aja yiqui yui.–

Juan 15:12

Yiroquei u udé ome uaque: ujetiga ajnóraño ñane enga uacajnoraquéode ome ñane chopise yijnoraquei ome uaque to.

Juan 16:5

Mu e yingome uaque uje a yicáji yirósõri Yai jne. ¿Mu gotique gu a uje que uacuñeque catecã́ri yu ome yiquitique?