Juan 14:3 - Dupade Uruode

³ Mu ujetiga yiji, enga e dimane uacajogadode ome uaque, enga a yĩriápo jne rĩ. Enga jogadi u ujetiga yiji uacádi. Yigaidi u gu ujetiga agúsoji ta to yiyaridi.

Juan 14:3 Iomraidhean Croise

Juan 12:26

Ujetiga gosi pota doi yiroquéode enga doi enga chirate yadode. Enga ujetiga gosi doi yiroquéode a chise yijogadi to. Enga a Yai Dupade chisi uté gosi gai jne ome dagaidode yiroquéo.–

Juan 14:28

E uacadúcho yuruode uje yingo yicoringai aja uaque. Jé aja ujetiga yisápo uaque rĩ ujetiga yugúsapói uacari rĩ. Ujetiga jec ũré ajnóraño yu enga a pirasitigai jogadi u ome uaque uje yicáji Yai jogadi. Chamáñaje Yai sué yibai gu.

Juan 14:4

Uacarajáyo yiqui enga uacarajayópo dajei te rĩ aja yiqui yui.–

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

Héchos 1:11

Enga ore catecã́ri Jesús irógode enga ore chojninga: –Galiléagosode uaque á, ¿gotique gu a uje que ayáyo amíningachó Jesús aja icoringai? Jec ũré uje e jnoji uacari que enga qui tu gaté, mu adi a jé u to jne ujetiga diapo jne rĩ.–

Romános 8:17

Enga yocúringane Dupade abío a chiborátaja yocajnéone cucha pagutíyabácho jne. U gu uje cucha ueradode jnese uje Dupade chichagája dabode ore yui, ga a yoco yocajnéngu to jne. Enga yocajnéone cucha udore a jé chopise Dupade gueranone cucha ome Crísto uté to, uje Jesucrísto, yoquipérogai jnese jne. Enga a jé chuságaja Crísto uté úringai ingoningarãque jne, uje a yoquipérogai to jne. Mu adójnacho uje bajaque Crísto uté uje chejnáreque re uje cho daba Dupade adode nanique iji erámi tudé. E mu chise gojni diri nanique uje cuchade chinoningase re ome Jesucrísto nanique uje basapója dáringai ingoningarãque nanique rĩ. Ga a jé yoquigaidi u to iji diri tudé ujetiga yipérogoji Jesucrísto adode ome Dupade, ga yejnárejo yoque to ome cuchade bajaguíji yocúringáringo ingoningarã́cho yui.

Filipénses 1:23

Que toc ujetiga yiraja arétiguiji cucha gáreode unojo. Yipotárasa jetiga e yitoi enga yicáji Jesús gari to. Ísenga ueratigai u uné ome yu jetiga yitoi.

2 Tesalonicénses 1:12

Enga a jé u jne ujetiga picotaque Yocangarádejnai Jesucrísto ome uacadode, uacanguretigade ore. Jé basa picotaque uaque to jne ome Yocai Dupade, Yocangarádejnai Jesucrísto ore to. Jé ũré uje cucha dacadode udojo a tocade jnese jne enga gose Dupade, Yocangarádejnai Jesucrísto ore icaniratiguédatéi ome uaque.

2 Timotéo 2:12

Ujetiga yejnárejo yógome uté adode, enga a uté ujode eduguéjna uyoque to jne ujetiga chijna dáringai eduguéjna cuchape aja erámi tuné jne. Mu ujetiga yojnijome yocujórique ayoré: "Que yirajágo uté go." Enga a uté doi yoquisocai tuté to jne enga a chojninga jne: "Que yiraja udore ore to."

Hebréos 9:28

Isocai jé u Crísto. Uje toi enga chojmára enga chisi ome re ujetiga pĩroque yoquisijnaringuéone. Quigade enga a diapo jne rĩ. Enga diringane gare uje chise erámi. Bajai u nanique ujetiga chĩro pisijnaringuéone. Mu diringai ejoi u ujetiga chiqueta uyoque jnese jne uje yiroco yui.

Apocalípsis 3:21

Ujetiga Satanás ca chijnime uacãrírique jne, enga a yo yujo eduguéjna iji uaque jne iji gaté. Adi uyu uje Satanás que chijnime yãrírique to nanique, enga yiyaridi e u Yai gari iji gaté ome yúringai eduguéjna cuchape.