Juan 14:12 - Dupade Uruode

¹² Jé ũrepise yu ome yuruode udojo: ujetiga gosi changureta yu ga a pésu dapesudode udore cucha to ujetiga chopise yipesudode quigode. Mu a uté ipesutígo uñéngo sué yipesute bajade gáyode. Chamáñaje a yicáji Yai jogadi jne.

Juan 14:12 Iomraidhean Croise

Matéo 21:21

Jesús chojningame ore: –Jé ũré yu uje yojningame uaque, ujetiga anguretáyo yu enga ca abóyoja yu, a ca gusúrasu uacapesutique uté gajnúrique. Mu a ojnichórasome cucarãte chaguesírique: "Écãre bajogatíguiji de. Enga jé ayabíji yote quedéjnai ajei." A dorási uacarúrigo.

Márcos 11:13

Jecute Jesús chajire daquei mu chimo ore aca pore iji ta uje poria uaté i u higuéra. Jecute jĩrique jno ga tibágui poria uaté ujetiga tagúrasu áraque. Mu chise mu íjnoque adie. Gusu acãraque uécho iji poria uaté. Uje cáma deréjnane u gu ujetiga poria uaté chaquesu re.

Márcos 16:17

Mu yanguresórone udore a ore oidé tu yujopié jne aja tijode ujetiga pangurenipise ore ome datatagode yurúo udojo. Ujetiga ore chijna yi tome Satanás utocaidode, enga a jé cachodi tu jne ujetiga ore doi guesi tiji dasagode ayoré udore ore. Mu udore a ca puru quedéjnaringo piragápo ome udore ore jne rĩ, ujetiga jĩrique ore chiraja.

Juan 14:28

E uacadúcho yuruode uje yingo yicoringai aja uaque. Jé aja ujetiga yisápo uaque rĩ ujetiga yugúsapói uacari rĩ. Ujetiga jec ũré ajnóraño yu enga a pirasitigai jogadi u ome uaque uje yicáji Yai jogadi. Chamáñaje Yai sué yibai gu.

Juan 16:7

Jé ũrepise yu ome yuruode quigode uje cucha ueradéjnai u ome uaque ujetiga e yiji. Ujetiga ca yiji iji uacari enga a yojningai uacátajasṍre a ca chise uaque jne. Jé basa yiji ome uaque enga jogadi u jne ujetiga yirógaja uaque.

Juan 4:37

Jé ũré ore uruode uje ore chojninga: "Uñane gajnei tu ujetiga ore chaca cucha ajñunie. Jé basa ga uñane gajnei upo rĩ ujetiga ore na cucha pacade."

Juan 5:20

Chamáñaje Yai chijnorapise dabi uyu gu. Jecute chingome yu dapesudode jnese. Enga Yai a chingome yu dapesudode cucha pitijabátedatéo uñéngo jne. Diga ujetiga amóño udore enga jogadi a u jne ujetiga chajuguipise uacagutedie.

Juan 7:33

Enga jé u uje Jesús qué catecãrápoi ayorébui rĩ enga chojninga: –A yácarabíji uacari jne iji dire garósirigo. Enga quigade jne enga yajnésaru yirósõri jogadi.

Juan 7:39

Jesús uruode qui u ujetiga gosi changureta ga jogadi u ujetiga Dupade Ujopié Espíritu Sánto chacája gosi. Mu cáma chacája Jesús anguresórone gu uje Jesús qué déji jnumone enga cáma chicáji gaté gu ome dáringai eduguéjna cuchape.

Héchos 10:46

Ore chimo gu uje ore doi puru quedéjnane uje ore chicota Dupade.

Héchos 16:18

E iyajmaque uje gapabia tibidája yoquiquigade iji dirode jnese. Mu Páblo chacho gapua pijnane. Enga chajire iji daquigade enga chojningame Satanás utocaidi: –Yiroque ua aja guesi ome Jesucrísto ujopié. Be guesi tiji gapua.– Enga Satanás utocaidi jĩrique doi guesi tiji gapua.

Héchos 19:12

Enga ayoréode ore chijna borapetígo, piguidérigui ore aja Páblo ujetiga chisa enga jé u uje ejnaretade chisa enga ore eca ome. Jé basa Satanás utocaidode píode ore chisa udore to enga jĩrique Satanás utocaidode doi guesi iji ore.

Héchos 2:33

Jecute Dupade chiringare Jesús enga sosi iji gaté enga e déji Dupade ãrachua iji gaté. Enga jogadi u to uje Dupade chisi ome Dajopié Espíritu Sánto ome Jesús ujetiga chajnerame danguresórone. Chamáñaje Dupade jé chajo raja nanique gu ujetiga chisi ome. Enga cucha dacadode jnese uje uacamóño jé aja uacadudigode cucha iji de diri garani u uté.

Héchos 2:41

Enga ayoréode ore jnese uje ore chimesẽre Pédro acajnaquéode enga jĩrique ore tṍra ore aja yodi ome bautísmo. Enga Pédro acajnaquéode imeserãsórone 3.000 u ore iji diri tuté. Jecute Jesús anguretasórone chõre raque ga jiei ore.

Héchos 4:16

Enga ore chojninga: –¿Jé yoco ringome udore ore jne a? Chamáñaje ore ipesútedatéi ujnomei e chubu Jerusalén údode jnese. Enga ore chiraja jnese ujnomei uté úringai ũré, jecute que togome yoque ujetiga yotigáco iji ore iquei.

Héchos 4:33

Dupade Ujopié dépisi Jesús irógode uje ore chatata yocangaráni Jesús ujnomei uje e ecápo rĩ. Ga Dupade chatapísaja danguretasórone.

Héchos 4:4

Mu jiei ore uje ore tangári Pédro acajnaquéode uje Pédro chacate ore iji Dupade iguíjna cuchábi ajei. Enga jiei ore uje ore changureta Jesús. Gusu jnanione ore isecaranone ga idógosiji 5.000 uje ore changureta.

Héchos 5:15

Enga ayoréode ore chijna ejnaretade aja dajéode aja Pédro ore iquéode. Uñane moji damochápiode gáyode, ga uñane chitarano dataranone. Ore gaidi u ujetiga Pédro oré chise ore ga chiqueta ore.

Héchos 6:7

Enga Dupade uruode chubu erámi ga jiei ore uje ore changureta. Enga Jesús anguretasórone chõre re iji Jerusalén. Ga jiépisi sacerdóteode rĩ uje ore changureta Jesús.

Héchos 8:7

Uje Felipe chijnime Satanás utocaidode iji isagode ayoré ore, enga ore pijnacarachi aja guesode. Chiquetápo jnani noñángone rĩ enga chiquetápo tatógode rĩ.

Héchos 9:34

Mu Pédro chojningame Enéas: –Enéas á, ayague enga apocásu bataranone uje Jesucrísto a chiqueta ua jne.– Enga Enéas jĩrique chague.

Héchos 9:40

Mu jĩrique Pédro chiroque ore aja guesi jnese. Enga chichaga dagataidie aja jnumi enga catecã́ri Dupade. Quigade ga chajire chequé togué ga chojningame: –Tabíta, ãriji.– Enga Tabíta niji ga chuchẽre dedodie gai. Uje chimo Pédro enga jĩrique chácare.

Romános 15:19

Mu que gusu yisocade udore, mu ore pañaji to yipesudode cucha pitijabátedatéo, cucha pibojmadatéo udore uje yipésu ome Dupade Ujopié Espíritu Sánto etotiguejnai uté. Jé yisoca uté iji yiriguítigade jnese uje yṍraji Jerusalén aja punirone uñane jnese, enga jé yuságaja pachamini uté uje i tu Ilírico iji eruei. Enga jé u uje e yimate yajnéone Dupade iroquéo iji punirone udojo aja guesi ome pujnomé ueradi uté uje júdi tu Crísto.