Juan 14:1 - Dupade Uruode

¹ Enga Jesús chojningame dacadigode ore: –Jé ca oyo uacáyugu uaque. Anguretáyo Dupade ome uaque enga anguretáyopo yu rĩ.

Juan 14:1 Iomraidhean Croise

Sálmos 43:5

Yáyipie á, ¿Chimo jóroque re uje cuchade na ua aja jnumi? ¿Cuchárique u gu a uje áyuguhebaté ua? Angureta Dupade uté yui ome ua. Uje a jé yejna yu aja ujetiga yicota uté. ¡Uje Yiquetasṍri u uté, ga Yangureni Dupa upo uté rĩ!

Sálmos 77:10

Ga yojninga iji yáyipie: –Yejnarei jé u udé, uje Dupade Gatajnoquei Achamisõre uté ãrachu ujopíerẽ́ uaté e chécãre re.–

Juan 11:33

Uje Jesús chimo María uje po, jé aja judíode ore rĩ uje ore nóna, ga chosõripise ore. Enga ore agoyedie chijõrorasipise.

Juan 12:27

Jesús chiraja dagachodi yui jecute chojningame re: –Yo yáyugu yu. Enga que togome yu ujetiga yojninga: "Yapá, ãraque yu ome cucha dacadode uje a tocade jne ome yu." Yiraja gu uje yise jnumone nanique gu ujetiga cucha dacadode udore tocade ome yu.–

Juan 12:44

Jesús chejnapúsu daruode enga chojninga: –Gosi ujetiga changureta yu ga que gusu angureni uyu mu changuretápo yirósõri yai Dupade rĩ.

Juan 13:19

Yingome uaque cucha dacadode udore bajaque ujetiga ajnusináño quigode ujetiga e tocade. Enga jogadi u jne ujetiga arajáyo uje que yãra uaque ome yúringai yojninga, enga anguretáyo yu jne.

Juan 16:24

Uje uacacatecãchoi Dupade jé aja deréjnai udé mu que ẽ́cacho uacanguretigai iji yu uje uacatáyoi uacapotigádode cucha. Mu jé beyoi enga ẽ́cacho uacanguretigai iji yu enga jogadi u jne ujetiga Dupade chisi ome uacataidode cucha ome uaque. Gaidi u gu ujetiga pininaquéode irágu uacajéode.

Juan 16:3

A ore socárome yanguresórone uhuaque gu uje que ore chiraja yu gosi. Enga que ore chise dáringáringo Yapade irajasóño.

Juan 16:6

Mu jnusiétaque uaque ome yatatagode cucha dacate udore.

Juan 5:23

Yai Dupade áyipiedie u ome erámi unirisórone jnese ujetiga ore cho dangaráni iji dajnacari uyu. Adi jé u to uje ore cho dangaráni iji yai Dupade. Ujetiga gosi ca cho dangaráni iji Dupade Ujnacari uyu, enga que cho dangaráni iji yirósõri Dupade to.

Juan 6:40

Yirósõri Dupade ajéode u to ujetiga dajnacari uyu yajirisórone ore changureta yu jnese ujetiga pucuecaringué eyúgojmai déji ore jnese. Enga yiringare udore ore jne iji dirode erueminóri.–

2 Coríntios 2:7

Enga beyoi uté ga anejecho údode ga oyo uté quique ga cha dáyuguhebátigade. Jé socaseti áyuguhebátigadatéi chinguírapísaja jnumi jne.

Efésios 1:15

Ome yu ga, uacapijóchome uacáringane Dupade icaniratiguédatéi gajnesóño, yijorane uaque á. ¡Jecute yacãre Dupade gai ome uaque! Chamáñaje uacajnomei e chise yu ica enga yudute uje uacanguretigai iji Yocangarádejnai Jesús obiréjnapise. Enga ujnomerãque uaque to ome uacajnoraquei uté uje jé chuságaja Dupade anguresórone ore jnese. Jé iji diri uté uje yudute ore ojñane ome uacajmapié uaté, enga que yiya yacãre Dupade gai ome uaque iji yicatecãraitigade gatuaque uje yujnusina uágome uté.

2 Tesalonicénses 2:2

Jecute yijócha uacajéode údi ujetiga ca ecãcho uacajénique quitique ome cuchade udore yúode. Enga jé ca chajuque uacagutéraque jne ujetiga uñeque pota chãra uágome dacajnaquérique uje chiese acajnaquéode tṍraji Dupade. Jé upo pacajnaqué quedéjnarique uñeque ujetiga ca chajuque uacagutéraque. Ajusópo uaqueo rĩ ome purusãratígo jne rĩ uje chiese tṍraji yoque uje chiese yojnijo: "Yocangarádejnai e di ica erĩ́e."

1 Pédro 1:21

Dupade u uje chiringare Crísto iji itoringai nanique enga chatire úringai eduguéjna cuchape gai. Jecute uje uacanguretáyo Crísto enga jogadi u uté to uje uacachayo uacanguretigai aja Dupade to ome ojningane cucha yúode.