Juan 13:5 - Dupade Uruode

⁵ Jesús chojne yodi aja piéraque, enga jé u uje churu dacadigode guídade. Enga quigade ga chejñu borapei iji dapajei enga jé u uje chaguñéra dacadigode guídade gáyode.

Juan 13:5 Iomraidhean Croise

Génesis 18:4

Ujetiga uacajéo ga ácayobíji poridie uburúdode enga yirógode ore dobi yodi ome uaque jne enga aruyope uacarídade jne.

Génesis 19:2

Enga catecã́ri ore enga chojninga: –E yijócha uacajéode údi, ujetiga amóñomíji yiguíjnai iji dejai tudé. Ajínaño yu aja yiguíjnai enga aruyo uacarídade iji uté. Enga a chise dire uñeque jne ga boyopo jne rĩ aja uacajesúrique.– Mu ore chajnai Lot uruode enga ore chojninga: –Yocacaranguipise uje banejéna yoque aja baguíjnai, mu a yimóngoji guetique jne iji dajéreraque iji guidai tudé ajénique jne.–

Génesis 43:24

Enga uje Simeón e chise ore enga ore chacája José iguíjnai ajei jnese. Enga ore chisi ome yodi ome ore ujetiga ore churu darídade. Enga gajnui tu uje ore irasique ñane. Jecute ore churu darídade aja jnumi. Enga ore chisiapome ore gachidode burica quedéjna posode ome ore to.

2 Reyes 3:11

Mu judágosode ore eduguéjnai Josafat uté pésu dapregúnta ome ga chojninga: –¿Ama ca Pangarádejnai irótique proféta déji dojo to a? ujetiga yicatecãcobi uté ome Pangarádejnai uté uru quitı́go.– Enga israélgosode ore eduguéjnai iróquegatéi u uje chajnai Josafat uté, ga chojninga: –Eliséo u arı̃a uje déji dojo to, uté uje dai i tu Safat. Ga uté u uje cháta cuchade aja Elı́as nanique.–

Sálmos 51:2

¡Ga aru yu aja jnumi ome yipesudode cucha gajnarécho jnese! ¡Ga apésu yúringai icha ome yipesudode cucha dacate noñácho udore to!

Éxodo 29:4

Ga adi jé u ome Aarón, ujnacarode ore, bo ore údi aja yiguíjna piagoi iquei to jne uje yiguíjna puyai uté ajé uñai i tu 'Dupade, Yutuãjóa Ñane Iji Te.' Enga a aru ore gáyode jne iji yiguíjna ajei puyai uté iquei bajaque uje cáma adia ore oidode aja ore.

Lúcas 7:38

Mu chequé tuaté chácariji Jesús guídade ejoi. Ga chosõripise re ome dapesudode cucha gajnarécho. Ga poji dejode. Ga educadode basája Jesús guídade gai. Mu chequé tuaté changuñéra datererodie aja Jesús guídade gai ujetiga cajnore. Udojo quigade ga chojne aceite ai unéningaja uté guídade gai. Ga tagu guídade uredie.

Lúcas 7:44

Enga jé u uje Jesús e chusẽre chequé ga chojningame Simón: –Jé bamo chequé tuaté isocai to ome yu. Uje yise baguíjnai que, mu que osõre yu go ujetiga asi ome yotique ome yu ujetiga yuru yirídade iji. Mu chequé tuaté sué babai. Uje po que ga churu yirídade iji ome deducadode. Ga changuñéra datererodie aja ujetiga cajnore.

Juan 13:10

Mu Jesús chojningame: –Uje quene gosi chise dáringárique puruque enga icha gai jnese. Gusu uté guídade uje iguirode déji gáyode, jecute guídade u ujetiga purucho. Ichapise yacadigode uhuaque, mu que icha uaque jnese go.–

Juan 13:6

Uje jé chururase Simón Pédro guídade mu Pédro chetaque ga chojninga: –Yangarádejná, que pisocai u go ujetiga pacadisónique churu dacaditique guídade.–

Juan 13:8

Mu Pédro chajnai Jesús uruode enga chojninga: –A ca yujuéga ujetiga aru yirídade to jne go.– Mu Jesús chojninga: –Ujetiga ca yuru barídade enga a jé ca toque jne ujetiga yitojmárango jne iji jnumi.–

Juan 19:34

Mu soldádode uñai doi ga chichagu Jesús orotabidi. Uje chichagu enga jĩraque iyoi tṍraji enga yodi tõrapóji rĩ.

Héchos 22:16

Jecute be enga ayague ga yico enga yṍra ua aja yodi jne ome bautísmo. Acha banguretigai aja yocangarádejnai Jesús to enga jogadi u jne ujetiga churu basijnaringuéone aja jnumi."

1 Coríntios 6:11

Jé ũré uje uacuñane isocade jé u udore to nanique. Mu uje e uacanguretáyo Yocangarádejnai Jesús enga uté chĩro uacasijnaringuéone enga cãra uacajogadode ome erámone unirisórone ore jogadode ujetiga eduyo uágome Dupade. Enga Dupade chisi ome da-Espíritu Sánto ome uaque enga cho ayoré ujñapetáguiji uaque to gu Yocangarádejnai Jesús adode ome uaque.

Efésios 5:26

Enga Crísto uté tẽra re gu uje gaidi tu ujetiga cho dajnéngu da-iglésia uaté ome úringa puyé. Enga jé u uje pésu da-iglésia uaté úringa icha ome daru piquetangórone, ga cho ujetiga purugué uaté ome yotique enga que iguínique cusapo rĩ. Jé ũrepise arĩa uje Dupade anguresórone uyoque u Crísto iglésia uaté, enga yocajnua tu gapua uje gajmai cuse; enga qui tu uje Crísto chacãra da-iglésia uyoque aja dacoté uaté. Uté potapísa ujetiga chijna yógaja re ome yocomitígajnai - iji yocúringane ujñapetácho, yocúringane ueradéjna ore jnese jne. Jecute uté jé upúsu uje pésu yocúringane ichápise, jeta jé ca yoquiguínique cuse, jeoga yocaode cacója, jeoga yoquiyoguérique cucha uñeque cuse iji uté iquei. Ome uté isocai ome yoque ga a quene yipijójome yocúringa Crísto iglésia ingoningarẽ́. ¡Enga a quene dimane yógome uté, enga gusu uté ome yoque jne!

1 Timotéo 5:10

Yojninganie u udire ore uje ujnomerẽ́ ore ome ore átegoningáne: udire ore uje que ore chuseque dabode, udire ore rĩ uje ore chijna ayoré díode aja daguíjnane, jé u udire ore rĩ uje que ore chuseque dojode Dupade anguresóño, jeoga ore chátaja darása ejnaretade, jeoga ore pésu dapesutígo cucha ueracho uñéngo to rĩ.

Hebréos 10:22

Jecute e yocajnei tu ujetiga yijoco Dupade yui, enga yirajagópo yógome Dupade yui rĩ. Chamáñaje ũrepise yógome yocanguretigai gu. Yirajágo gu uje uté chinoningase yoquisijnaringuéone iji yocáyipiedie, enga e que máraque yoque gotique. Isocai upo rĩ uje puruque yoquibai iñoñaringuéone to ome yote yocárerique.

1 Juan 1:7

Mu ujetiga yicoi Dupade adode enga gajnui u ujetiga yugúcoji Dupade gari iji dírecaringuéi. Enga jogadi u uté uje yocujode Dupade anguresóño uyoque yoquirasique ñane. Enga jogadi u to uje Dupade ujnacari Jesucrísto iyoi churu yoque iji yoquisijnaringuéone jnese.

1 Juan 5:6

Yirajágo uje Jesucrísto chise erámone unojo nanique enga pijoque úringai Dupade ape nanique ome cucha gáreode. Uñai u yodi uje ore tṍraja yodi nanique. Mu que gusu yodi go, mu iyoi upo rĩ uje toji curesei enga chojne ome dayoi nanique. Enga Dupade Ujopié Espíritu Sánto chatata unojo úringane ũréo to. Enga yirajágo uje ũrepise Dupade Ujopié ome ojningane cucha jnese.

Apocalípsis 1:5

Enga pajesereringai, pininaquei ore garani upo Jesucrísto to rĩ ome uaque, uje ũrepise uté ome dojñane iji Dupade adode. Enga uté u bajai nanique uje ecápo rĩ iji datoringai. Jecute uté u uje etotiguei suépise eduguéjna jnutiminórone etotiguéode gáyode jnese iji erámi tuné. Mu Crísto uté jé u to uje chijnorapise yoque enga chinoningasipise yoquisijnaringuéone ome dayoi.

Apocalípsis 7:14

Enga yichajnai jnani tuté enga yojningame: –Cachi baraja arĩ́e. Angome yu.– Enga uté chojningame yu: –Udore ore u uje ore chejna cucha dosógode aja daquigade. Enga ore churu dáyipiedie, daguidedie ore iji Yoquiquetasṍri iyoi enga e ichapise ore.

Juéces 19:21

Enga jé u uje jnani choquíjnai uté jno ore údi aja iguíjnai. Ga chisi ome burica quedéjnane posode ome ore. Enga uté chisíome yodi ome levígosi uté jé aja acoté jé aja iroi ore jeta ore churu darídade. Quigade enga chisíome ore posode ome ore, jé aja ore jódode cucha.–

1 Samuel 25:41

Ga Abigail chachietáji udore ore uruode ga chichaga dagataidie aja jnumi iji David irógode udore ore iquei. Enga catecã́ri ore ga chojninga: –Cachi David irogue yu arĩa. Ga yachietai uté iroquéode ome yu. Jeta chiroque yu aja cuchárique ga jĩraque yipésu. Mu ujetiga chiroque yu aja darótique ayoré gajnareque guídade marínga, a jé yuru, uje uté urúo ome yu gu.–