Juan 13:34 - Dupade Uruode

³⁴ Mu yijíñome yiroqué ichai udé iji uacari: ujetiga beyoi ga ajnóraño ñane. Adi jé u ome yu uje yijnóra uaque, enga beyoi yijmapié uaté to enga ajnóraño ñane.

Juan 13:34 Iomraidhean Croise

Sálmos 119:63

Yo yijõráji udore ore jnese uje ore dosóñime ua; yojningane u udore ore uje ore pésu bajmapié aréguedie udire aja quigode.

Sálmos 16:3

Ome Dupade anguresórone uje ore déji jnumi udé, jé aja ate arégode, udore ore u uje ore pésu yajéchietaquéode.

Matéo 5:44

Mu yósi tome uaque: ca ajusécho uacamajosórone, uacojo ayoréo, enga ajnórañopise udore ore gaté. Ujetiga uñéngo cho damajo uaque enga acatecãchoi Dupade ome udore gosode.

Juan 15:17

Yajo yu aja yiroquei, ujetiga ajnóraño ñane.

Juan 17:21

Yutai ua ome yanguresórone ore jnese ujetiga ore áyipiedie quitígo chojmarapise. Ujetiga ore chatapísa raja uyoque enga chojmára yóguiji jnumi. Yapá, yigaidi u gu ujetiga ore chopise yoque, uje yocáyipiedie chopise ñane. Ujetiga erámone jogosórone ore chimo uje yanguresórone ore áyipiedie quigode chojmára enga a ca potigayaquérique déji ore ome yúringai batocaite.

Romános 12:10

Ajnóraño ñane ga uacajnoraquei ome ñane gajnui tu ujetiga uacáringai cucherãque chojmara iji jnumi ga hermanopise uágome ñane. Enga etingacho jeta ajnuéño ñane gáyode ome uacáringane pajnotácho ome ñane uje uacoyo bajágu uacajorane ore ome cuchade, ga qui tu uje uacasíyo ore gáyode.

Romános 13:10

Ujetiga jé ũré gosi uje doi pijnoraquei adode, enga a jé ca pésurásu cucha gajnarétique ome dojórique ayoré. Jecute a gosi chijnorapise dojórique ayoré enga jogadi u uje chijnimipise Dupade uru pirosobádode udore quigode jnese aja guesi.

Romános 13:8

Jé ca uaquéode dérasi gosi gari. E mu uacajnepídi u ujetiga amácho uacajnose carubode aja guesi jnese. Gusu cucha chojmarai u ujetiga uacoyórase uacajnose carubi iji, enga uté u uacajnoraquei ome ñane, jeta jecucha boyo údi gatuaque. ¡A jé ca eruénique cusirase ome pisoca ueradi uté arĩa! Ujetiga gosi isocai jé u ujetiga chopise dajnose carubi iji pijnoraquei uté ome dojórique ayoré gatuaque, enga qui u uje uté gosi e chimate Dupade uru pirosobádode quigode aja guesi jnese.

Gálatas 5:22

Mu uje Dupade Ujopié Espíritu Sánto chinoningase gosi ga e pijnoraquei déji, pirasitigai dépoji rĩ, pajesereringai déji, ga chidota re ome cuchade, irasique dojode ayoréo, osõrataque rĩ. Que potigayaquérique déji urúrique rĩ.

Gálatas 5:6

Ujetiga Jesucrísto e yitojmárango ga e que cuchárique tṍraji ujetiga ore chica yocúdode ome circuncisión, jeoga ca ore chica yoque gotique. Mu gusu cucha omi tome uyoque u ujetiga yanguretágo Dupade abi Jesucrísto, enga ujetiga yijnórango Dupade, yocujode ayoréo ore jnese.

Gálatas 6:10

Jecute yicoi ga yejnángo yógaja yocátegoningáne ome yocujode ayoréo jnese gatuaque. Cuchiyíode upúsu yocujode Dupade anguresóño ore ujetiga yátagopísaja ore ome cuchade.

Gálatas 6:2

Uje áyuguhebátaque gosi enga gajnui u ujetiga chijnoque cucha iménurique. Uje uacátayoja ore uje áyuguhebátaque ore enga cho ujetiga ajnócho ore ugúcha iménuone udore ome ore. Jecute uje uacosṍcho uacojode ayoréo enga imoi u uje uacabeyopísi Crísto iroquéode.

Efésios 5:2

Jecucha ga uacajnoraquei ome uacojode ayoréo choquípisirásiji guesi dirode jnese iji uacacuecaringuei udé. Ga ajnañórase Jesucrísto jmapié uaté iji jnumone uje chingongara dajnoraquei aja yoque. Uté tẽra re iji yoquiyaridi ujetiga yico yocúringane piquetaque. Enga gajnua tu áyasa pẽrapaidé uje piboré ome Dupade ga ai uneripísome uté uje chojare ai. Enga qui tu uje Dupade chimesẽripise Crísto úringai pẽrapaite ome yoquisijnaringuéone úringane pĩrocho.

Colosénses 1:4

Uje uacajnomei e chise yoque uje uacanguretáyopise Jesucrísto, enga uacajnórañopise uacojode Dupade anguresóño ore jnese.

1 Tesalonicénses 3:12

Yocajéode upo ome uaque rĩ ujetiga Yocangarádejnai chisi ome piquéraningai ome uaque iji dadode. Ujetiga ajnórañopise ñane gaté, enga ajnórañopo uacojode ayoréo ore jnese rĩ iji erámi tuné. Adi jé u uje yijnórangopise uaque to.

2 Tesalonicénses 1:3

Yocujode Dupade anguresõre uaque á, yoquisocápisi tu ujetiga yacãco Dupade gai gatuaque ome uaque. Uje gajnareque ujetiga ca yacãco Dupade gai ome uaque. Uje uacanguretigai iji Jesús chõre re. Enga uacajnoraquéode tádapo gaté rĩ ome ñane.

Hebréos 13:1

Ca ayáyo ajnóraño ñane enga oyo ujetiga jé uacajõrápise ñane.

Santiágo 2:8

Uacarajáyo uje ore urusarane Dupade urúo déji uje chojninga: "Ajnóra bojórique ayoré, adi tu uje bajnóra báringai tuté ayoré ome ua." Ujetiga ejna udore guesi enga uerate badode. Chamáñaje piroquei tuté u uje sué piroquéode uñane gáyode jnese iji Dupade uruode.

1 Pédro 1:22

E icha uacáyipiedie. Chamáñaje uacanguretáyo Dupade uru uréone gu Dupade Ujopié Espíritu Sánto uje chijocase uacáyipiedie. Jecute pijnoraqué ũrei déji uaque ome uacojode Dupade anguresóño. Enga uacajnei e u ujetiga ajnórañopise ñane enga ejnáñopise uágaja uacajnoraquéode udore ome ñane.

2 Pédro 1:7

Que gusu ujetiga ajnorapise Dupade, mu u to rĩ ujetiga caniraque ua ome bojode Dupade anguresóño ore to. A caniraque ua, mu be to enga ajnorapise ore to rĩ.

1 Juan 3:11

Uacadúdi Dupade iroqué jé iji taningane nanique u uné: ujetiga yijnórango ñane jnese.

1 Juan 3:23

Uje Dupade iroquei tu ome yoque ujetiga yanguretágo Abi Jesucrísto enga yicoi uté ojningane cucha. Enga uté ojningai tu ujetiga yijnórango ñane.

1 Juan 4:21

Mu Crísto jé guẽrate daroquei uné ome yoque nanique uje chojninga: gosi ujetiga chijnóra Dupade, gajnei u to ujetiga chijnóra dajõrárique.

2 Juan 1:5

Jecute yijócha bajei údi gajneri, yijõra, ujetiga yijnórango ñane. Que pacajnaqué icha uné gotique. Mu yocajnei piroqué jé u uné iji taninga cásodicáite.