Juan 13:21 - Dupade Uruode

²¹ Uje Jesús chejna daruode udore guesi enga chise áyipie uje acadigode uñai a tẽra jne. Enga jé u uje chingopísa daruode aja dacadigode ore. Enga chojninga: –Jé ũré yu uje a uacuñeque tẽra yu jne ome yumajosórone ore.–

Juan 13:21 Iomraidhean Croise

Matéo 26:21

Uje qué ore déji dáringai chagu gai enga Jesús chojningame ore: –Jé ũré uje uacuñeque a tẽra yu ome yumajosórone ore gajneri.–

Matéo 26:38

Enga chojningame daríjogonórone dacadicho: –Yajnéone cucha dacacho chijõrorasipise yu. Ayáyobiji ne. Enga ca amóño jne. Átayo niriji aja yu to jne.–

Márcos 14:18

Mu uje qué ore déji datigabié ejode jnese uje qué ore taque ga jé u uje Jesús chojningame ore: –Jé ũrepise yu ome yuruode udojo, uje a uacuñeque déji gajneri ujetiga uacuñeque tẽra yu ome yumajosórone.–

Márcos 3:5

Mu Jesús chibéro dedodie iji ore uje que posõraquérique déji ore uñeque ome jnani tuté. Ga chopise dáyugu re, mu ajei dotãripis ome ore rĩ. Uje que ore potapísa acajnaquéode gu ujetiga ore tangári to. Mu jé u uje Jesús catecã́ri jnani tuté uje jmanai cacoque enga chojningame: –Apotingare bajmanai.– Enga jĩrique jnani tuté doi Jesús uruode enga jĩrique chipotingare dajmanai, enga jĩrique ueradípise jmanai to rĩ.

Juan 11:33

Uje Jesús chimo María uje po, jé aja judíode ore rĩ uje ore nóna, ga chosõripise ore. Enga ore agoyedie chijõrorasipise.

Juan 11:35

Enga Jesús po to.

Juan 11:38

Posõraquei chisápo Jesús ajei rĩ. Jé u uje chose Lázaro ode yui. Ga Lázaro ode cucarã́tedó mu ore suru gai ome cucarané.

Juan 12:27

Jesús chiraja dagachodi yui jecute chojningame re: –Yo yáyugu yu. Enga que togome yu ujetiga yojninga: "Yapá, ãraque yu ome cucha dacadode uje a tocade jne ome yu." Yiraja gu uje yise jnumone nanique gu ujetiga cucha dacadode udore tocade ome yu.–

Juan 13:18

Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 13:2

Jesús, acadigode ore taguíji ñane gari. Mu Satanás e chijocase Júdas Iscariote áyipie ujetiga tẽra Jesús ome umajosórone. Júdas uté u Simón gaté ujnacari.

Juan 13:22

Enga acadigode ore chajire ñane mu que ore chiraja Jesús ojningai iji ore.

Héchos 17:16

Uje Páblo chirote Sílas, Timotéo ore yui iji Aténas mu chopise dáyugu re gu uje jiei ayoré gajnúone iji ore idai uté uje ayoréode ore cho dadupa iji ore.

1 Juan 2:19

Jesús guetesórone udore ore cháta raja Dupade anguresórone yoque to nanique, mu quigade enga ore jnoji yocari. Jecute yirajagopise uje que ũrepise ore ome dáringane Dupade anguresõre. Chamáñaje a jé ũrérase ore nanique enga a jé qué ore dérasiji yocari iji deréjnane unojo to. Jecute uje ore jnoji yocari enga e que potigayaquérique dépoji yoque rĩ uje unejanguipise ore ome Dupade anguresórone uyoque.