Juan 13:18 - Dupade Uruode

¹⁸ Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 13:18 Iomraidhean Croise

Sálmos 41:9

Yijõrápisi uje yangureta ome cuchade diríca, uje jecucha yacásãcoa ñane, mu uté nóña ga chuchiéjna yu ome dajadia.

Matéo 10:36

Qui a u jne ujetiga ore jogasu dajogasui marínga, jé ore chetaque ore jne ome ore anguretigade iji yu.–

Matéo 26:21

Uje qué ore déji dáringai chagu gai enga Jesús chojningame ore: –Jé ũré uje uacuñeque a tẽra yu ome yumajosórone ore gajneri.–

Matéo 26:23

Mu Jesús chajnai ore uruode enga chojninga: –A uacuñai u jne uje yacásorango uñane que iji yocatigai uné.

Márcos 14:17

Mu uje e dejaque, enga jé u uje Jesús di dacadique amirone údi iji ore to.

Márcos 14:18

Mu uje qué ore déji datigabié ejode jnese uje qué ore taque ga jé u uje Jesús chojningame ore: –Jé ũrepise yu ome yuruode udojo, uje a uacuñeque déji gajneri ujetiga uacuñeque tẽra yu ome yumajosórone.–

Márcos 14:20

Mu Jesús chajnai ore ga chósi tome ore: –Jé uacuñai u iji udé uje gare uáguiji yirídai. Uje uté qué chacásõra yu múñi iji yagapídi udé.

Lúcas 22:21

Mu uñai déji de yocujade uje qué chacásõra yoque. Mu a uté u jne ujetiga tẽra yu jne ome yumajosórone.

Juan 13:21

Uje Jesús chejna daruode udore guesi enga chise áyipie uje acadigode uñai a tẽra jne. Enga jé u uje chingopísa daruode aja dacadigode ore. Enga chojninga: –Jé ũré yu uje a uacuñeque tẽra yu jne ome yumajosórone ore.–

Juan 13:22

Enga acadigode ore chajire ñane mu que ore chiraja Jesús ojningai iji ore.

Juan 13:26

Ga Jesús chajnai uruode enga chojninga: –A yaca arureque petíguiji yoquibosode otadi, enga yojningai uté u uje yisi ome.– Uje chejna daruode udore guesi enga Jesús chaca arureque pei iji ore posode otadi enga chisi ome Simón gaté ujnacari Júdas Iscariote.

Juan 15:16

Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Juan 15:19

Ujetiga erámone jogosórone urása uaque enga a ore chijnórarase uaque, adi u uje ore chijnóra darasapísode. Mu yajegaidode u uaque nanique iji ore ujade, jecute ore chetaque uaque. Chamáñaje que erámone jogosórone urásapo uaque rĩ.

Juan 15:25

Ore ajirigode Moisés urusarane quigode tocade ome ore adode udore. Enga Moisés urusarane chósi te: "Ore chetaque yu bisideque."

Juan 17:12

Uje qué yugúsi beranone yanguresõre ore gari iji jnumi udé enga yirote ore ome bajopiédaté ujetiga ca cuchárique chósi ti iji ore. Que udore uñeque bijna ome yu. Mu chojmarai u uje bijna ome yu. Chamáñaje uté quique obiréjnai u ujetiga bijnaque. Chamáñaje ore urusarane barúo quigode jé u gu.

Juan 18:32

Enga jé u uje Jesús uruode e tocade uje chingome ore diríca uje a toji curesérique gai jne.

Juan 19:24

Enga soldádode ore catecã́ri ñane ome Jesús iguidé gajnesónique. Enga ore chojninga: –Jé ca yajujo iji jnumi mu yicoi enga yicobi yocajñamitique ome ñane enga a yusónique chijna.– Enga ore urusarane Dupade urúo tocade ome ore ipesudode udore. Uje Dupade uruode chósi te: "A ore chajuguína yiguidedie iji ñane jne. Enga a ore dopoi dajñamitígo jne rĩ ome ñane ome yiguidé." Enga jé upúsu soldádode ipesudode udore.

Juan 19:36

Jesús gajnéone cucha dacacho udore tocade gu ujetiga ore urusarane Dupade urúo chise dáringáringo tocachucho to. Uje quigode u uje chósi te: "A ca pimocherãque uté ajnoquéode uñeque jne."

Juan 21:17

E gadioc uje Jesús chingo Pédro ujetiga jec ũré ome ijnoraquei enga chojninga: –Simón á, Jonás abi á, ¿jé ũrepise ua ome barasitigade ome yu a?– Mu jnusiétaque Pédro uje Jesús catecã́ri ga gadioque eti jé ũrepise ome irasitigade. Enga jé u uje Pédro chojninga: –Yangaráni á, baraja cuchade jnese. A baraja to uje jec ũré yu uje yirasique ua.– Jesús chojningame: –Be enga ajusípise yanguresórone ore guio uje ore gajnunie u áyasadie.–

Juan 6:70

Jesús chajnai ore uruode enga chojninga: –¿Ja jé ca ũré a uje yajegaite yacadigode uaque uje gare uáguiji yirídai? Mu uñai déji uacajade uje Satanás déji ajei.–

Héchos 1:16

Enga Pédro chojningame ore: –Yujode Jesús anguretasóño uaque á, Dupade Ujopié Espíritu Sánto angúromei u jnani bajai David nanique ujetiga churúsãre cucha piqueminórone. Jecute que toc ujetiga ca David urusarane udore tocade. Enga David urusãra cásodicáite ojningai u Jesús guẽrasṍri Júdas.

Héchos 1:2

Enga yingopo ipesute ejode jnese aja ua to rĩ uje pésu nanique uje cáma jnome gaté. Mu uje cáma jnome gaté nanique enga doi dajegaidode iji dacadigode ujade ujetiga chingo dáyipiedie aja ore enga ore doi iroquéode. Enga chĩ́care darógode 'apóstoles' aja ore. Enga Jesús garíjogoto u Dupade Ujopié Espíritu Sánto nanique uje pésu cuchade udore.

2 Coríntios 4:5

Uje yacaco uaque gajneri, yocujúdi u Yocangarádejnai Jesucrísto adode. Jé basa ga que yujúgo yocatígo go. Chamáñaje que cuchadaté yoque go, mu yocajnui tu ujetiga uacaroque yoque enga agutíñañome yoque to. Enga yipéco udore gu yoquijnoraquei tome Jesús.

Hebréos 4:13

Que togome yoque ujetiga yipójo cuchárique ome Dupade. Chamáñaje Dupade ipesute cuchade gu, enga chimo cuchade udore jnese iji ore jogadode. Enga chirajápo cucha dacadode quigode jnese rĩ. Enga Dupade uté u jne ujetiga yingongo yoquipesudode cucha aja jnese.

Apocalípsis 2:23

Enga a yujé uaté abode to jne rĩ. Enga yanguresórone ore chiraja jnese jne uje que yeruojmárique cucha cuse ujetiga ca yiraja. Yirajápo ore áyipie pipoguiédedie jnese to rĩ. Enga a chise deréjnai jne ujetiga yajiripise ayoréode ore adode aja quigode jnese. Enga jé u jne ujetiga ore gajneque dapesudode cucha oréraque.