Juan 13:13 - Dupade Uruode

¹³ Uacojnichome yu: "Yocacadisṍri á." Uacojnichopome yu rĩ: "Yocangarádejná." Enga jé tiógara ujetiga oyo uacacadisṍri iji yu. Enga oyópo uacangarádejnai iji yu rĩ. Chamáñaje uyu u gu.

Juan 13:13 Iomraidhean Croise

Matéo 20:28

Uje Dupade utocaidi uyu jé yisocai u to uje que yĩri gu ujetiga yijna yimenuringuei aja uaque ujetiga apéso cuchade ome yu, mu yigaidi u ujetiga yátaja uaque. Yigaidi upo rĩ ujetiga yẽra yu enga yimate uacasijnaringuéone oré. Cho jetiga pisijnaringuéone igarique uaque, mu yigaidi u ujetiga yirame uaque. Enga a jiei yiraméone iji uaque jne.–

Lúcas 10:28

Jecute Jesús chajnai uté uruode ga chojningame: –Jé ũrepise ua ome barecujaidie udire. Mu be quigode ga a ese báringárique piquetáguiji deréjnane jnese jne.–

Lúcas 6:46

Jesús qué chajnerame dacajnaquéode, ga chósi te: –¿Gotique gu a uje uacuñéngo ore tibidi yu ga ore chósi tome yu: "Yocangaráni á," mu que ore tangári yu gotique?

Lúcas 7:43

Mu Simón chajnai Jesús uruode ga uté chojninga: –A uté u uje íode sué dajõrai íode gai.– Enga Jesús chojninga: –Que potigayaque ua go uje quigode jé u udore.–

Juan 11:2

Ga ejnarétai Lázaro jõra María uaté u uje chojne cucha ai uneréjna aja Jesús guídade gai nanique enga doi ga chaguñéra datui aja gai.

Juan 11:28

Udojo quigade ga Márta chise dajõra María enga catecã́ri mu pógu daruode enga chojninga: –Yocacadisṍri de ti. Pota ujetiga chimo ua.–

Juan 11:3

Diga Lázaro jõra gáredie udire ore chiroque darógode aja Jesús ujetiga ore chojningame: –Yocangaráni á, bajõrai Lázaro ejnarétaque.–

1 Coríntios 12:3

Yipotigádi tu ome uaque ujetiga arajáyo unojo to: ujetiga gosi urúrigo gajnarécho aja Yocangaráni Jesús enga chojninga: "Jé tiógara ujetiga purugaite Jesús" enga obiréjna uje uté gosi uruode que garani tu Dupade Ujopié Espíritu Sánto go, mu garani tu Satanás. Jé basa ga que toque go ujetiga gosi chicota Jesús enga chojninga: "Pangarádejna cuchábi u Jesús" ujetiga Dupade Ujopié Espíritu Sánto ca déji gosi.

1 Coríntios 8:6

Mu ome Dupade anguresórone uyoque, yocangureni Dupa chojmarápise enga Yocai Dupade u. Uté pésu cuchade jnese enga yiquecágo gu uté ujetiga yicoi adode. Enga Yocangarádejnai chojmarápo rĩ enga Jesucrísto u uté. Uje Dupade angúromei u uté nanique uje pésu erámi iji taningane nanique. Enga Dupade angúromei upo uté to rĩ ujetiga chisi ome pucuecaringué eyúgojmai ome yoque.

Efésios 6:9

Enga e yuruode quisórone u ayoré pisagode gajnesórone uaque to á: Ga uacáyipiedie quigode a jé chorase uacasagode ayoré udore jmapié ueradé uaté to, ujetiga jecucha ajuso ore guio gatuaque. Jé ca ajmongachója ore gotique ome uacadojnóngamátigade. E mu ajnusináñorása uje uacajnesṍri cuse jnese iji gaté. ¡Ga uacajnesṍri jé upúsu uacaroque bisidégode gajnesṍri uté to, enga Yocangarádejnai Crísto u! Jé ũré uje uté que cãra dasocárique ome uaque gotique, mu jmapié jé chojmara iji jnumi ome ayoré gajnesórone, ayoré pisagode uaque jnese.

Filipénses 2:11

Enga a ore chojninga jnese jne: "Yocangarádejna Jesucrísto." Enga Jesús gajnéone picotaquéo udore a gajnengóri u dayé Dupade to jne.

Filipénses 3:8

Cho ujetiga cuchade udore e que oréraque cusipise go ome yu. Mu cucha orerãi upúsu uje yiraja Yangarádejnai Jesucrísto. Jecute e yṍra cuchade udore. Chamáñaje yate bajade udore jnese chopise pasique ducaranone ome yu gu. Uje e yangureta Crísto uje cucha gose uté ome yu gu.

Santiágo 2:19

Banguretigai déji ujetiga angureta uje Dupápisi déji, enga que dupa uñeque déji siñeque. Mu que cuchadatépise udore go. Chamáñaje Satanás irógode changureta udore to, enga pisadodéringai déji ore to ome Dupade yui.